談天說地主旨 ﹝請按主旨作出回應﹞ 寄件者 傳送日期 由舊至新 由新至舊
[#1] FW: ~我的確診週記~    
Daniel Kin

~我的確診週記~

各位親朋戚友,大家好,我28/7驗到確診了。無錯,我並不是講笑,真真切切的確診了武漢肺炎。

好多朋友可能並不知道,其實有咩病徵呢?我親身的經歷是肌肉痛,我仲以為自己拉背拉傷了? 去了中醫朋友到針灸,但佢覺得我個病症有點奇怪,去驗一驗照一照比較好,就驗出事了?

好啦,大家可能比較好奇,28/7確診,問我衛生署有甚麼安排,直到1/8就有了,期間有叫我唔好四圍去,當然我都乖乖的沒有四處走動,但我相信唔理的人居多?因該30/7我已經沒有再肌肉痛了。

1/8 大家都好關心亞博改建臨時醫療中心,可能有啲朋友看到新聞或連登說有人見到帶結他 ? 沒錯,仲有邊個咁痴線會真係彈結他,呢個痴線佬咪就係我囉?? 上網見到有啲人留言,話:去玩咩?
其實我想講,並不是去現,但我需要保持住作為結他手需要的技術,我唔止結他,仲帶了17寸的Mon和PS4 ??? 繼續打仁王2?

亞博中心裡,去個廁所都要行五分鐘,定時會開mic叫大家攞飯,午餐晚餐有三款選,比一般醫院飯好吃好多架啦? 沖涼有臨時搭建的沖涼房,沒有沐浴露沒有大家關心的番梘??‍♂️ 睡覺的位置如大家睇新聞一樣,沒有一點的私隱,甚至乎女廁近我個床位,成日都有女病人路過??‍♂️ 全場靜到一個點,其實只要大叫一聲,就全世界都聽到?

3/8 醫生話我X Ray 照到肺有點花,oh.. shit,我個肺花了,會唔會死架!?今次悲劇男主角仲唔係我? 然後話驚轉向嚴重,要立即送院啦,跟住上救護車由機場亞博去觀塘聯合醫院。晚上21:07 到了門口,在救護車內等了37mins,終於上房了,我入了高危傳染病房,果一刻覺得,全世界都怕我,除了死,我已經沒甚麼會輸了吧。然後行入病房,見到兩三年輕看似貌美的姑娘話:嘩,呢個好高,仲揹結他喎!

Umm... 我覺得我未來的醫院生捱應該走向極端,一係待遇好,一係待遇差?
皇天不負有心人,得閒要唱下有心人? 護士姐姐都好似幾like我?

返來3/8晚22:30左右,安頓了一切後,立即問下護士姐姐有冇沖涼用的東西,俾左個病人套裝有沐浴露洗頭水仲有埋牙刷,奶茶咖啡? 好感動呀!立即洗返個白白,然後你以為我瞓覺了嗎?好精神,打陣機先,由於病房是二人病房,而我是第一位入住,我可以同大佬和謙少打機大聲講野啦?✌?

4/8 有位確診的伯伯做我鄰居,雖然佢成日答非所問,言談中聽得出佢好愛佢老婆和仔女,不過成日聽唔到病房個電話響?次次都我聽:阿叔搵你呀!
因為我地係高危傳染病人,所以醫生係唔會接觸我地,只會用病房電話打來問候幾句。所以我向來都話,要多謝就多謝護士姐姐的照顧?因為佢地係會直接面對面同我地送飯送水,量血壓和抽血照肺。

有段小插曲,去到醫院,仲有用一支好長的綿花棒深深咁插入個鼻裡抽取化驗,第一晚被插,我有點怕怕,到4/8晚又要來多次,護士姐姐話:應該你聽日出得院啦,醫生話你有抗體,不過就要撩多一次個鼻。

? omg? 我縮埋左問:護士姐姐,唔撩得唔得呀,唔制呀?
護士姐姐:你乖啦,好快就走得架啦,點都要撩多下。
然後,呢一世我都記得呢兩下??‍♂️

5/8 大約14:30醫生話我出得院了,確實已有抗體,等衛生署簽多文件同意我是已經有抗體和可以離開,17:30食埋個醫院的最後晚餐,沖個靚涼就走。臨走前我同伯伯講:阿叔,我走啦,你都好快有抗體就走得架啦,記得聽電話呀!
伯伯:恭喜你呀,走左唔好再返來啦,一路順風!??
其實呢兩日都無同佢傾計,同埋佢一講野有點嘈,不過,佢都幾有親切感的伯伯,希望佢好返啦。

最後要講下,大家最關心的問題,有咩病徵,有咩後遺症,會唔會氣喘,會唔會跳唔高過1cm,有冇食過咩藥物?

人人不同的,我留意到好幾個人都話肌肉痛,小弟開頭都痛左幾日,之後就乜事都無,應該就無後遺症,跳高過1cm,不過我計唔到,無氣喘問題。 藥物方面,我有抗體前淨係食過藿香正氣丸,有抗體後就食過兩次抗生素。醫生有問過會唔會測藥,我真係唔敢take啦,佢話會影響情緒,影響個肝功能,影響不斷發燒,影響不育(雖然我未諗住再生)

Umm... 其實大部分人都一星期左右會有抗體,所以,雖然係好麻煩,又停哂工作,但萬一萬一不幸中肺炎,大家不用怕,理論上殺傷力比感冒發燒還低。不過就要來回地獄又折返人間幾躺。

5/8 18:30 我出院啦,不記名的多謝呢段期間知道的朋友的支持鼓勵和伴陪,大家都唔嫌棄我是確診,有的說之後一齊飲酒,放題,夾band,打機等等,多謝大家,我返去自我隔離多14日就同大家見面???

P.S. 我輕左20磅?

結他手確診週記
6/8 完
沉默的膏蟹
個人訊息 會員
42.xxx.xxx.21
2020-08-06 20:00
[#2] FW: ~我的確診週記~    
沉默的膏蟹不再沉默,
祝早日完全康復並彈番首「加州旅館」最後的一段結他solo。
加卅旅館有入冇出,你竟然可以出番嚟 :-)

最後修改時間: 2020-08-06 20:37:19
林菲
個人訊息 會員
219.xxx.xxx.229
2020-08-06 20:34
[#3] FW: ~我的確診週記~    
係Daniel Kin唔係我,不過我做零售係高危果班人。
沉默的膏蟹
個人訊息 會員
42.xxx.xxx.21
2020-08-06 20:42
[#4] FW: ~我的確診週記~    
咁麻煩你將呢段嘢轉載俾「丹尼。健」
呢個名改得好呀!
林菲
個人訊息 會員
219.xxx.xxx.229
2020-08-06 20:54
[#5] FW: ~我的確診週記~    
Alice Siu 在 AsiaWorld-Expo 。

AWE 亞博醫院見聞

由於疫情急促發展,政府於上星期二晚上將亞博交給HA,要最短時間內開這個社區治療中心。我們星期三早上收到消息,表示有興趣去(見証歷史),星期四已在接受培訓,星期五六就一直收到亞博工作的資訊,交下原本的工作,星期日搬入東涌,星期一就上班了。

由於醫院內科,急症的壓力很大,所以亞博隊主要由其他科組成,有幾位急症科醫生做領隊。亞博算是北大嶼山醫院的延伸,一行病床就是一個病房,總共12 行,500 張床。

醫院運作上和其他醫管局醫院也差不多,抽血,X光,藥房也有,當然不是所有檢查也能做,但相關肺炎的每天也有,一般藥物日間供應,夜間就限於十多種。電腦系統也一樣。

我們隊有14 人,每天早更5 人,午更4人,夜更2人。早午更分紅綠區工作,紅區穿整套防護裝備見病人,收症,解釋住院流程,處理日常事務。綠區在外面,用電話問住了幾天的病人情況,解釋報告,安排每天的檢查,有疑難就問傳染病醫生(每天來兩小時)。

病人由其他醫管局或衞生處轉介來,各行各業,前提是有基本自理能力。培訓時已告訴我們病人是如何分級和如何每天跟進,跟隨指引做就可以,雖然每天有微調,但原則上是一樣。開院後大約阻隔了八成本來入隔離病床的輕症病人。

病人完成入院檢查後就會分到一個小房,公用廁所、浴室和大學宿舍差不多。他們有一個餐區自己取餐,每日三餐和小食,也有取不完的飲品。另外一面有一個自我檢查區,鼓勵他們一天自己去檢查四次,那些讀數就會入了電腦送到外面,給醫護跟進。病人區有護士站,廿四小時有護士當值,病人可以去面見,也可以打電話去。還有兩個消閒區,有電視。

談不上很舒服,但有病人明明可以回家,卻選擇留下,因為家人全部入院了,他回家又要繼續隔離,一個人又不能出去,住亞博反而方便。當然這是個別例子。

亞博內所有餐廳都沒有經營,所以公司安排了一天送四次餐盒。制服,更衣室,穿梭巴士全都井然有序。空氣質素,電腦系統,防疫流程也有專員負責。

病人區安靜,有秩序,病人大都非常自律忍耐。這週兩次值夜,上百個病人,居然沒有任何申訴需要處理,在其他醫院是無法想像。

同事來自公司不同環頭及部門,全部有禮、勤力、有經驗,工作雖繁重但順心。今次有機會到亞博服務全靠東九的同事接下我本身的工作,所以我們是全部門全醫院一起抗疫。

暫時沒有見過中國專家。香港人發揮小宇宙,一定能自己解決。

#weareawesome
#COVID19
沉默的膏蟹
個人訊息 會員
42.xxx.xxx.21
2020-08-06 21:32
[#6] FW: ~我的確診週記~    
他們有一個餐區自己取餐,每日三餐和小食,也有取不完的飲品。
—————————————————————
再次麻煩「愛麗絲。蕭」順便介紹埋「今晚食乜送」
林菲
個人訊息 會員
219.xxx.xxx.229
2020-08-06 22:09
按照傳送日期顯示:由舊至新由舊至新  由新至舊由新至舊
最新資訊 - 影音
Cambridge Audio Melomania Touch 全新真無線入耳式監聽耳 2020-12-03

最新資訊 - 汽車
Tesla 在港持續擴展超級充電網絡 再有 V3 Supercharging 超級充電服務於新界西投入服務 2020-12-03

最新資訊 - 影音
Yamaha 發布最新 RX-V4A 及 RX-V6A 支援新世代遊戲機時的狀況 2020-12-02

最新資訊 - 影音
JCAT 推出全新發燒級網絡咭 NET CARD XE 2020-12-01