| 談天說地主旨 ﹝請按主旨作出回應﹞ | 寄件者 | 傳送日期
|
| [#1] 區選注意事項 (重要) 有好多需要留意 我揀一些提提大家 首先, 港英政府到而家既選舉制度, 雖然未叫到滴水不漏, 但已是非常完善, 所以如果唔腰斬的話, 出術唔係唔得, 但影響到既微乎其微. 重要 (投完票先好食早餐, 如果有人投左你張票你都要求再投果張冇效票) 1. 投票留意事項 投票除左身分證正本之外, 只接受特區護照正本. 其餘有相既證件包括外國護照, 回鄉咭都係唔可以立即獲得選票既, 除非你有報案紙, 再加該有照片文件, 再比票站主任考慮. (早啲準備HKID, 特衰護照啦) 2. 重覆投票 呢個最多人留意同屌. 重覆投票既意思係你去之前, 以經有人用你身分投左票, 你當然條氣唔順, 肯定有人做假, 仲要令你冇得投票. 但聽我講, 冇用都要投. 是咁的, 當有人重覆投票, 會帶你去票站主任度核實你身分. 佢可能會大你話, 就算比你投, 張票都唔可以計算. 是真的, 法例有這要求. 但你唔應該被嚇退. 原因下述. 之後佢會要求證明你身分, 跟住滿意的話你會獲發一張選票, 並印上係重複投票. 而你要清楚呢張票係不會被點算. 好啦, 講有乜用. 萬一出現呢種票, 負責呢張票既counter既職員要換人, 萬一真係呢個人出術, 可以阻止佢. 到左點票, 呢啲票因為唔可以計算, 所以會清楚展示比參選代理人. 如果呢類票太多而且係傾向某一邊候選人, 咁如果要做選舉呈請亦係有力證據. 咁我冇得投票點算? 我權利呢? 冇辦法, 唔比你投係維護公平選舉既惟一方法. 因為每個投票都係不記名, 冇可能知道之前邊個代你投. 如果你自己投完又投, 制做假象, 都冇人會知. 3. 唔好比人DQ 任人擾人活動, 尤其係叫口號, 係會比你請走. 分分鐘冇得投票及被捕. 如果某一個候選人佢有用光復香港, 時代革命做口號, 你入場大叫 (請確保你張票已在票箱內), 咁職員會阻止你, 你唔再出聲走人就ok. 基本上你黑衫黑褲入來冇人可以阻你投票, 但如果你上埋豬咀, 護甲, 咁緊會有細膽職員叫駐場差佬做野. 唔好比藉口人關票站. 底線係唔好比任何理由人地唔比你投票, 或DQ 4. 任何選民都有權投票 如果你比人拉左, 你都有權要求投票, 警署本身都設有票站. 如果佢唔比, 你一定要諗辦法記錄 5. 投票時間 正常係七點至十點半. 如果有任何延誤, 係可以最遲延1.5小時開始, 但大家一定一定要早投.呢個唔係立法會, 所以唔存在配票策略. 一般上午係建制鐵票, 到下午五時後先係後生仔投. 所以政府如果睇準時間係可以知道建制win時腰斬投票計數 6. 投票數據 每小時票站都會公開投票率, 建制望一望手中既鐵票 data係可以完全掌握選舉情況. 如果佢領先一定會搵鬼衝停選舉. 除非各大民調都話泛民大幅領先, 咁佢要衝停選舉就會好肉酸, 但未必唔會做. 所以全部人同我投完票先食早餐. 多自己人係票站排隊亦可以嚇退假勇武. |
mcdull 正式會員112.xxx.xxx.20 |
2019-11-16 20:02 | |
|
|
|||
| [#2] 區選注意事項 (重要) 還是那一句。。。早起身投票吧！ |
klinsmanner 正式會員 113.xxx.xxx.130 |
2019-11-17 00:47 |
| 按照傳送日期顯示:由舊至新 由新至舊
|
