| 談天說地主旨 ﹝請按主旨作出回應﹞ | 寄件者 | 傳送日期
|
| [#1] 如果有一日連基本人權自由都冇，唔好講話食，連生存落去都好難，而家捱少少肚餓算得啲咩？ https://lihkg.com/thread/1388233/page/1 https://hk.news.appledaily.com/local/realtime/article/20190731/59880226 一邊咬住無營養的即食香腸，一邊遊走在剛亮起街燈的旺角鬧市，九十後Peter仔（化名）思考着如何善用一班手足籌措的數千元，以最平的價錢買到適合前線滅火隊用的頭盔。兩個月無休止的抗爭，月薪不過萬多元的他戶口最「巔峯」曾錄得負11.4元，寧願捱餓也要湊足資金買裝備，為的只是多滅一枚催淚彈、替身後的「和理非」多抵擋警察一秒鐘，為香港民主自由多存一分希望，「捱少少肚餓算得啲咩」。面對各界突如其來的關心，他們前線反而感到憂慮，不單是害怕有人喬裝放蛇，更多的是以大局出發，「唔想因為收錢（現金券）令運動留下污名」。 「7.21、7.28，同埋6.12，前前後後一共爛咗三套甲。」作為反送中抗爭前線專門撲滅催淚彈的滅火隊其中一員，Peter仔往往是與防暴距離最近的那十數人，布袋彈、海綿彈、橡膠子彈，你說得出名字的他都捱過，換來是三套自行加工、各值2,000多元的鉛板戰術護甲陸續報銷，「6.12上前面，捱咗幾下布袋彈，入到PP（太古廣場）一除衫，成塊甲中間裂開，流晒血」，其他如頭盔、眼罩、衣物等損耗更是多不勝數，「普通嗰啲只能夠畀後面嘅人有基本保護，我哋前面真係頂唔到。好啲嘅要幾百蚊，唔買又好危險。你前線少一個，後面就可能畀人拉十個，為咗保護自己條命博一博，幾唔捨得都要買。」 日前Peter仔拿着一班手足籌得的數千元，在旺角售賣軍事用品的店舖四處格價，希望以較便宜的價錢買到戰術頭盔，「希望速龍嚟到頂到一下，一下夠啦，第二下佢冇空間（揮棍）通常冇咁大力」，但保護性較好的頭盔現貨價至少300多元，「上網買平一半，但佢唔知有冇貨，又唔知送唔送到，我要18個，唔夠錢」。 有時候買裝備亦不是有錢就可以解決。本地軍事用品店大部份常客均為紀律部隊成員，抗爭者才是稀客，有次他走到一間店舖為前線急救員購買腰包，即遇到幾名休班警員，他指自己遭到搜身之餘，更被人捉到旁邊小巷「打咗幾拳」。 參加過傘運，本身又有一份尚算穩定工作，Peter仔形容自己在前線裏相當於大哥哥的角色，「隔籬嗰啲個個都係學生，我哋叫做有啲能力，水啊、食物啊、寶礦力啊，買得就買」，萬多元糊口的人工，扣除家用雜費，幾乎全部投入在抗爭中，「因為保險嗰啲每個月扣，上個月個戶口真係得返負十一個四」，每日惟有只吃兩餐，有時甚至要先大量飲水減少飢餓感方可入睡，「頭先好彩有個『家長』路過，夾硬都塞咗包腸仔畀我，今晚就係咁架啦」。 Peter仔指，除裝備外，抗爭最大筆的開支是在交通，舉例如坐港鐵，為免被追蹤行蹤，他們會選擇買單程票取代八達通，變相令每程車費增加；為提高警察跟蹤難度，他們又會買較貴的車票以便隨時更改下車地點，甚至多次轉車，亦令車費幾何級數上升。近日有不少「家長」主動義載「接放學」，本來有望減輕這方面的開支，「但而家好多『狗』（警察）扮校車，我哋唔想班『家長』因為車我哋負上法律責任」。 三十年前，有人在廣場上，肚餓卻吃不下。三十年後，有人在國際城市中，肚餓卻不敢吃。Peter仔稱前線抗爭者在行動時有腎上腺素支撐，通常不會覺得飢餓，但當一平靜下來，透支體力的後遺症就會轉化為食量，但往往不敢開聲問旁人能否請客，一來是拉不下臉皮，二來更是因為不信任，「我唔知你係咩人，傾多兩句原來係『狗』（警察）咁就大鑊，唔係未試過」。另一個原因，則是以大局為重，「成日都有人話我哋收錢，如果我收你錢，收你Coupon，畀人影到，又話你班？仔係收錢做嘢。我唔想因為收錢（現金券）令運動留下污名，我真係會直接撕爛」。 要不違背初心、又不辜負一眾熱情市民的支持，Peter仔坦言未想到一個好的方法，但認為最直接的，也許是在「放學」的時間，留意散落各區的年輕人，不要多問，直接遞上食物，也許可以再說一句「加油」。 「如果有一日連基本人權自由都冇，唔好講話食，連生存落去都好難，而家捱少少肚餓算得啲咩？」他如是說。 |
blackspin 正式會員1.xxx.xxx.152 |
2019-07-31 09:51 | |
|
|
|||
| [#2] 如果有一日連基本人權自由都冇，唔好講話食，連生存落去都好難，而家捱少少肚餓算得啲咩？ 有乜途徑可以幫下手? |
Sneer 正式會員 222.xxx.xxx.42 |
2019-07-31 12:32 |
| [#3] 如果有一日連基本人權自由都冇，唔好講話食，連生存落去都好難，而家捱少少肚餓算得啲咩？ 淚已流 |
ti 正式會員 14.xxx.xxx.247 |
2019-07-31 12:36 |
| [#4] 如果有一日連基本人權自由都冇，唔好講話食，連生存落去都好難，而家捱少少肚餓算得啲咩？ 唉！身邊還有很多豬的隊友⋯⋯  |
Richardw 正式會員 182.xxx.xxx.94 |
2019-07-31 12:49 |
| [#5] 如果有一日連基本人權自由都冇，唔好講話食，連生存落去都好難，而家捱少少肚餓算得啲咩？ 最直接幫助方法 ， 買漢堡包能量條同寶礦力之類去派。 |
沉默的膏蟹 正式會員 42.xxx.xxx.103 |
2019-07-31 15:40 |
[#6] 如果有一日連基本人權自由都冇，唔好講話食，連生存落去都好難，而家捱少少肚餓算得啲咩？  |
沉默的膏蟹 正式會員 42.xxx.xxx.103 |
2019-08-03 22:17 |
| [#7] 如果有一日連基本人權自由都冇，唔好講話食，連生存落去都好難，而家捱少少肚餓算得啲咩？ 最後修改時間: 2019-08-03 22:19:03 |
沉默的膏蟹 正式會員 42.xxx.xxx.103 |
2019-08-03 22:18 |
[#8] 如果有一日連基本人權自由都冇，唔好講話食，連生存落去都好難，而家捱少少肚餓算得啲咩？  |
沉默的膏蟹 正式會員 42.xxx.xxx.103 |
2019-08-03 22:19 |
| 按照傳送日期顯示:由舊至新 由新至舊
|
