| 談天說地主旨 ﹝請按主旨作出回應﹞ 下頁 尾頁 | 寄件者 | 傳送日期
|
| [#1] **安樂死**人生盡頭的最後尊嚴～ 【太陽報專訊】【記者阮佩君、林松澧報道】活着就是希望，可惜昌哥的希望偏偏不是活着。四十四年前的一宗車禍，令當時年僅二十一歲的鄭友昌四肢癱瘓，每日度秒如年，自父母、兩名同屬癱瘓的心靈戰友斌仔（鄧紹斌）與林偉雄相繼辭世後，阿昌的生存意志日減，曾數十度自殺不遂後，阿昌今天再度低喊絕望的呼喚：「我要安樂死！」事件再次令人關注全癱人士面對的困境，惟政府對全癱人士支援嚴重不足，亦未有積極跟進個案，令全癱人士失卻生存鬥志。 在一九七○年的三月，阿昌剛在美國完成汽車及飛機機械工程課程回港，前途本應一片光明，可惜一宗悲劇扭轉了一生。現年六十五歲的阿昌憶述，當年的三月十五日租了一部私家車載同一家五口前往掃墓，阿昌負責駕駛，「嗰日落大雨，條路好滑，檔風玻璃外面好濛，架車行行吓就突然間失控衝咗落山……」 當談及意外細節時，阿昌的聲音突由微弱輕柔變成顫抖焦慮，「冇晒知覺、擘大眼已經喺醫院，但全身都唔郁得，出晒力都只係勉強郁到隻手。」 等人餵食 爛肉生瘡 阿昌坦言，「生不如死」乃是四十四年來的生活寫照，每日無法離開床與輪椅、要等待他人餵食照顧，不斷承受抽筋、腎石、鼻孔因長期插入輸氧管而破損，以及身體長時間無法動彈而形成的壓瘡爛肉等等痛苦。 自出事後，阿昌的父母除肩負起照顧的責任，亦成為阿昌的精神支柱，然而，隨着父母相繼離世，加上身體情況日漸轉差，阿昌便開始萌起輕生的念頭，「試過食藥、絕食自殺，但係每一次都畀人夾硬救番，綁我喺床唔畀我死，點解我連死嘅權利都冇？」阿昌過往曾聯絡社署，惟當局批出傷殘津貼後便從未有社工接觸，「因為佢哋唔係我，唔會切身感受到我嘅痛苦，就算係社署又好、幾專業嘅社工都好，都唔會幫到我，我只係想安樂死。」 阿昌坦言，生不如死與求死不能的痛苦，即使是至親亦無法理解與感受。阿昌於傷後初期仍會參加互助組織活動，期間「認識」到兩名心靈戰友，「未見過林偉雄，但就見過斌仔，雖然只係傾咗一陣，但一個眼神就已經明白晒，知道大家有一個共同爭取嘅目標。」 阿昌口中的心靈戰友乃林偉雄與鄧紹斌，二人分別在上世紀七十年代及○四年去信政府要求「安樂死」，亦曾引起社會極大回響，可惜隨着二人離世，相關討論又變得無聲無息。阿昌批評政府在「安樂死」議題上只有「三分鐘熱度」，亦不滿未有設立專責部門了解及研究全癱人士處境以及「安樂死」議題，「今日我出嚟講自己嘅故事，就係希望政府再次關注呢個議題，畀番個生同死嘅選擇權我！」 路向四肢傷殘人士協會主席李遠大指十年前斌仔的個案引起極大關注，政府落實部分措施協助全癱人士，例如提供特別津貼聘請外傭、成立十六個殘疾人士地區支援中心，但對互助組織的協助卻不足，「互助組織透過同路人互相照顧、支持，等佢哋唔會覺得自己去到生命嘅終結，但好多互助組織都係非政府資助，或者只係一次性撥款，資源好唔夠！」李指政府應向互助組織增撥資源，全面協助全癱者。 「通常要啲病人主動求助，或者經傳媒報道先至引起關注，其實社署應該主動接觸全癱人士，畀心理輔導佢哋同家屬。」社會福利界立法會議員張國柱亦指政府對全癱人士支援不足，建議為每個病人度身訂造所需要儀器及工具。至於「安樂死」議題，張指政府多年來極少討論，時至今日仍未得出任何結論，認為有需要作嚴肅檢討。社署發言人指社署多年一直有向當事人提供經濟援助，而相關社會保障辦事處職員則從未接獲當事人的求助。 ＞＞＞＞ 反對安樂死嘅人真不知所謂，話想尋求一死啲人係懦夫行為，不好好珍惜寶貴的生命，須知佢哋唔係患者，亦唔會理解切身感受佢哋嘅痛苦。安樂死同普通自殺絕對不同，普通自殺係為了無關痛癢嘅事去尋死，絕對唔應該鼓吹，但安樂死係因為長期受病魔折磨而想尋死，減輕日後不必要的苦楚，絕對經過深思熟慮才會決定，最緊要當然要有醫生確定想安樂死嘅人神智清醒，要律師，社工，家人見證下，才能進行安樂死。(轉載網友的留言) 最後修改時間: 2014-01-28 15:24:16 |
Michael*Pang 正式會員59.xxx.xxx.27 |
2014-01-28 15:07 | |
|
|
|||
| [#2] **安樂死**人生盡頭的最後尊嚴～ 我贊成有安樂死的做法,當一個人如果全身癱瘓而醫藥及科技上都不能治瘉,生活上要靠人照顧而生存,求人十分之難的時候,生存係十分之痛苦之事,活受罪倒不如好死吧了,每一個人都應該有自己的權利和要求,世人不應說甚麽人道主義和宗教主義而反對,因為受苦的不是那些人自已,所以我贊成有安樂死這一種程序,能幫受苦的人達成心願,亦是幫助人的一種修行,還給受苦難的人最後的一個尊嚴吧! 最後修改時間: 2014-01-28 17:11:40 |
tkt1629 正式會員 219.xxx.xxx.63 |
2014-01-28 17:10 |
| [#3] **安樂死**人生盡頭的最後尊嚴～ 真係好慘。 我都贊成、一個人連自己生死都冇權選擇點行，邊個可以？！ |
stanfield 正式會員 14.xxx.xxx.125 |
2014-01-28 17:14 |
| [#4] **安樂死**人生盡頭的最後尊嚴～ 如果活到生不如死，不如痛痛快快安樂死。 |
大白兔 正式會員 202.xxx.xxx.179 |
2014-01-28 17:33 |
| [#5] **安樂死**人生盡頭的最後尊嚴～ 大家同時想想自殺，死刑，安樂死，可能會有不同諗法，因為要証明當事人係咪在清醒時做決定， |
eq11 正式會員 124.xxx.xxx.12 |
2014-01-28 17:50 |
| [#6] **安樂死**人生盡頭的最後尊嚴～ 贊成 |
wk.ch 正式會員 123.xxx.xxx.22 |
2014-01-28 17:53 |
| [#7] **安樂死**人生盡頭的最後尊嚴～ 有幸來到這個世界，誰不想繼續生存於世上？若然係生不如死，完全失去自我照顧能力，安樂死係唯一能擺脫長期的苦痛～(家人／自己．雙方痛苦) 雖然過年大家都抱著開心的盼望，但總會有例外．．． 最後修改時間: 2014-01-28 17:58:25 |
Michael*Pang 正式會員 59.xxx.xxx.27 |
2014-01-28 17:53 |
| [#8] **安樂死**人生盡頭的最後尊嚴～ ＞要證明當事人係咪在清醒時做決定 呢樣好重要 |
kimaki 正式會員 202.xxx.xxx.161 |
2014-01-28 19:49 |
| [#9] **安樂死**人生盡頭的最後尊嚴～ 生不如死, regret. |
snball 正式會員 116.xxx.xxx.238 |
2014-01-28 21:26 |
| [#10] **安樂死**人生盡頭的最後尊嚴～ 活着就是希望 是四肢健全行得走得活動自如的人才會說 |
明天的明天 正式會員 14.xxx.xxx.224 |
2014-01-28 21:37 |
| [#11] **安樂死**人生盡頭的最後尊嚴～ ＞要證明當事人係咪在清醒時做決定 ＞ 呢樣好重要 其實仲有好多考慮 四肢癱瘓到幾多成先可安樂死呢? 半身不遂比唔比安樂死呢? 只有手指郁到比唔比安樂死呢? 每人的接受程度不同, 有些人覺得半身不遂已生不如死, 但醫生覺得唔比佢安樂死, 即係間接話比病人聽你仲有能力自殺, 所以唔批你安樂死? 如果係咁, 相信會加速病人尋死的意向 最終... 個個發現自己有絕症, 醫都未醫, 就申請定安樂死先, 批唔批到時先算 |
oldkid 正式會員 112.xxx.xxx.20 |
2014-01-28 21:38 |
| [#12] **安樂死**人生盡頭的最後尊嚴～ 如果安樂死合法化，想像下佢會成為某一小撮人嘅殺人工具，幾多人會「被安樂死」？ 點監管？鍵盤戰士真係好型 |
巨巨人殖裝 正式會員 1.xxx.xxx.133 |
2014-01-29 00:54 |
| [#13] **安樂死**人生盡頭的最後尊嚴～ ＞點監管？鍵盤戰士真係好型 點監管係複雜問題，但呢個唔係當冇件事的藉口! |
issac_chan 正式會員 14.xxx.xxx.111 |
2014-01-29 02:01 |
| [#14] **安樂死**人生盡頭的最後尊嚴～ 「笑貧不笑娼」佔大多數人的地方，包括美國/中國/香港，都唔會見到安樂死立法，因為呢D地區裡面，有人遇到困難，其他人都只會覺得係當事人自己有問題(窮=唔夠勤力; 被姦=引人犯罪在先; 過得唔開心=唔識調整心境)，要呢D地方的人承認有人無論點做都痛苦一生，完全無可能 |
issac_chan 正式會員 14.xxx.xxx.111 |
2014-01-29 02:33 |
| [#15] **安樂死**人生盡頭的最後尊嚴～ 讚成設立安樂死 |
bngo 正式會員 14.xxx.xxx.139 |
2014-01-29 03:35 |
| [#16] **安樂死**人生盡頭的最後尊嚴～ 我好欣常個主旨標題: "**安樂死**人生盡頭的最後尊嚴～ " |
stanfield 正式會員 202.xxx.xxx.137 |
2014-01-29 08:25 |
| [#17] **安樂死**人生盡頭的最後尊嚴～ 同意 #11 |
xpr 正式會員 116.xxx.xxx.179 |
2014-01-29 08:30 |
| [#18] **安樂死**人生盡頭的最後尊嚴～ 要證明一個人清醒做決定.. 唔難. 三年時間. 每年update一次意願, 醫生做一次評估. 連續三年, 都堅持的話, 就ok. |
mcdull 正式會員 202.xxx.xxx.141 |
2014-01-29 10:04 |
| [#19] **安樂死**人生盡頭的最後尊嚴～ 三年?! 對一個冇生存希望的人, 三日都難過啦! |
XPR 正式會員 116.xxx.xxx.179 |
2014-01-29 10:14 |
| [#20] **安樂死**人生盡頭的最後尊嚴～ 死都要批 |
proricky 正式會員 124.xxx.xxx.6 |
2014-01-29 10:23 |
