談天說地主旨 ﹝請按主旨作出回應﹞ 寄件者 傳送日期 由舊至新 由新至舊
[#1] 【娛樂人物】良心與良知 周啟生    
【娛樂人物】良心與良知 周啟生

https://hk.entertainment.appledaily.com/entertainment/20200308/76HIBWOTD7VZWIKTUHYDQC7Y5E/?utm_campaign=hkad_social_appledailyent&utm_medium=social&utm_source=facebook&utm_content=link_post&fbclid=IwAR0UaQMrq2xmvDRVGN72CYnh1cWvM4F_YyHV_utagcA6uoDBtz6_ZVNRWjs

阿林太說口罩「戴咗都要除返」,周啟生說,疫症當下,戴口罩是盡公民責任。訪問錄影,他也堅持口罩不能除,「呢個訪問我其實可以唔做,我唔使曝光唔使宣傳,?家大家係要為香港呀!」

今年6月59歲的周啟生說,再沒有沉默的權利,尤其在娛樂圈。「?家啲人全部唔出聲!如果一個有良心嘅人,但係佢唔出聲,我都當佢冇良心!即係一個老公好愛個老婆,但從來唔對佢好,佢算唔算好老公?唔算!」

眼見在娛樂圈當年自己的「朋友」,如今撐警又有飯敍又有,同輩人變陌路人。「我覺得香港已經死緊,Hong Kong is dying!真㗎!」

周啟生說,良知是㩒不住的。「良知邊會㩒得住?良知同靈魂掛鈎,飛出嚟!我老婆叫我今日唔好做呢個訪問,我老婆叫我小心講嘢,佢話驚俾人……」

但有些「人話」,周啟生不怕說。


周啟生說:「我改變唔到呢個世界,但唔能夠阻止自己講我良心裏面嘅心底話!」
嗰班人從來都係咁

訪問前一天,政府宣佈回水一萬。周啟生在網上叫人那一萬蚊,攞不得。「我知有好多人話,求其攞咗嗰一皮嘢先!諗過啦自己,呢皮嘢係攞唔得、攞唔過㗎!你攞親呢皮嘢,你領嘢㗎!」

關於那個「PK藝人飯敍活動」,席上不少人也和周啟生有淵緣。周啟生是《愛的根源》的原創人,他十多歲就和譚詠麟溫拿等人出埠登台。「相識好耐,曾經都係好客氣!呢件事(飯局),我可以咁講,佢哋冇變過,佢根本冇變過,佢從來都一樣!如果大家睇佢哋唔順眼,或者有啲唔舒服,錯就錯在,你已經成長咗!如果唔順眼,係因為你已經有教養咗,但係嗰班人,我強調一句,係從來由始至終,冇變過!」

仲當係朋友定割席?「如果我當係回憶之中嘅事,我見到面會打個招呼點一點頭,但喺我心裏面,?家會將佢哋除名,唔值得再擺呢啲人喺心!」他叫讀者市民想想,「即係你小學暗戀一個女仔,到中學都暗戀佢,?家佢仲係你諗嗰個人?大佬,你?家同佢食餐飯,嚇到你向後跌呀我諗!有時做人唔好咁天真!」

對「偽人」,不要有期望。「嗰班人從來都係咁,例如大家好反感,忽然打爛晒佢啲黑膠嗰個,其實佢出名都係從來圓滑精靈,佢幾時有過社會責任吖?冇呀!成班人都係,仲有一個乜宇宙級巨星,條友幾時有做過啲嘢為香港?」

那些巨星們,萬千寵愛在一身,「我哋做音樂,我係由細到大,60年代出世嘅人,我幾歲大就已經睇住暴動,雖然我唔知做乜,爸爸(粵語片明星周吉)媽媽喺度講,一路經歷咁多嘢,我絕對曾經為香港付出,但得到最多萬千寵愛在一身嘅,一定唔係我哋!我作一隻歌畀某巨星,佢可以唱足咁多年,收足咁多錢!我?其實嗰時收幾千蚊,或者?家仲有些少版稅。我想同大家傾吓,乜嘢叫做無私貢獻,我哋只係為咗個行業,為咗自己做好music,係冇諗過要收幾多錢,呢個叫做貢獻!但係收咗嘅酬勞有好多呢,佢必定要回饋社會,如果佢冇回饋社會,代表個天對佢好得滯呀,佢得到嘅嘢,多過佢付出!」


那些飯局藝人,周啟生唱了兩句歌詞總結,「有些事情你現在不必問,有些人你永遠不必等」(陳淑樺《夢醒時分》)。資料圖片
我自己個仔叫周欣樂

由去年6月開始,對周啟生來說,幕幕觸目驚心。「首先講最恐怖嘅一件事,最恐怖唔在扭斷手、唔在掟落街冇血,最恐怖係日日4點鐘,有警察方言大會,不停宣揚緊呂方同埋細龜(黃一山)係高過周潤發,日日都同我講一次,其實呂方係高過周潤發㗎,你信我啦!你明唔明呀,如果?家繼續係咁,嗰啲智慧低同冇判斷能力嘅人,係只有相信囉,你日日同嗰幾個人講同一句說話一萬次,佢咪信晒你囉!」

周啟生不想自己變成廢老,「講真,我都50幾60歲啦,我唔想做老殘、我唔想做老廢,但係身邊嗰班老殘老廢真係多得緊要,嗰班人永遠有一吓絕招,佢講講吓唔夠你講,嗱嗱嗱,係邊個搞事先?無端端做乜出街先?跟住我話,但係啲差人又咁樣打人喎!嗱,呢啲我唔知,我唔知,我唔想講……呢個有少少似叻哥啦!」

2014年雨傘到2019年反送中,周啟生兩個樣。「雨傘運動,我鬧到班學生死呀,我高度表揚?家黑警死全家嗰班人,嗱,平機會話冇事㗎吓,你唔好秋後算賬就得!我鬧到班?仔死,我老婆(第三任老婆大提琴手司徒靄杰)同我鬧交,我老婆後生過我好多!好喇,去到舊年6月開始,改變得我嘅想法好緊要,喂,大佬,唔係吓話,阿婆你又打、阿叔你又打;指住記者就記你老母、區議員就區你老母、耶穌呀耶你老母,嗰啲乜人嚟㗎?」

良心發現。「人哋話你毅進仔,你又要打!人哋話你黑警,其實我想講一講個問題,『黑警死全家』呢句說話係錯係唔啱㗎,我認為講呢句說話嗰個人呢,折福、賤格、仆街;但同時間,任何一個差佬,講任何一個字粗口,都要拉都要罰(先啱)!你啲差佬憑乜講粗口呀,你?家係收緊我哋嘅錢呀,你係屋邨嘅護衞呀,?家我哋屋邨請班護衞員返嚟,打我哋啲住客,私自衝入屋苑打人,然後就話要問屋苑資助委員會攞多257億,去買架生嚟打我哋,有冇搞錯呀?我唔明呀!我認為邊個撐警嘅,神志有問題、神經有問題!良心係冇㗎!」

周啟生有過三段婚姻,第一任妻子為無綫前電視藝員盧影瑂,生下大仔周欣樂,名字與去年墮樓科大生周梓樂相差一個字。周啟生說:「我每一日跑步都會喊一陣間,近呢一排,我諗起佢爸爸(周梓樂父親),嗱,我?家好堅強㗎吓,我唔想好似林鄭咁用眼淚嚟?大家,男人老狗匿埋喊,唔會喊畀你睇!佢爸爸話,唔講得(周啟生即時泛淚),講親喊,唔講,OK!佢爸爸寫啲字畀佢,細路仔叫周梓樂,我自己個仔叫周欣樂,爭一個字啫,兩個都係高大靚仔,兩個都係陽光,鍾意做運動㗎!」


點解要睇佢係黃定藍?

周啟生說,作為娛樂圈藝人,更加責無旁貸要企出來說「人話」。「香港邊啲人應該第一時間出嚟做嘢呢,就係全香港人最錫佢哋,最多寵愛畀佢哋,我認為香港冇口罩,唔應該等到林鄭喺度講廢話,而係嗰班乜四大乜王、嗰啲乜校長呀,即刻要攞一千萬出嚟,因為香港人,over the years畀咗幾多億你賺,?家係好實在嘅事,要攞錢出嚟即刻幫,因為全香港人令你銀行有十幾億身家,係香港人夾錢畀你㗎!我希望梅姐未死,梅姐未死佢會幫,冇啦,講唔到啦,死咗啦!其他嗰班人,你望吓,全部老嘅嫩嘅,由許冠傑去到周柏豪,冇一個人講過一句嘢,代表乜呀?我覺得佢哋多數都係畏忌返內地撈嘢個關係囉!」

返內地搵錢,周啟生機會多的是,如今,他說餓死也不會。「我一路都聯絡住有好多嘢做,啱啱仲有個新嘅經理人,但係?家咁嘅情況,你點做?個人嘅良知喺邊呢?(幾多錢都唔制?)我唔會返去,嗱,人就唔會講never㗎,但係我諗唔到有半個機會返去,no,難聽啲講,餓死都唔返去呀,唔好搞我!你知唔知佢哋啲人係點㗎?全部幸災樂禍,全部咒我哋香港人死㗎,我諗佔咗八成或以上係咁!」

黃藍對決,周啟生說不分顏色。「我唔睇黃定藍,我睇良心同性格,點解要睇佢係黃定藍?所謂藍絲,佢好撐差人,但係佢有良心喎,整整吓佢會唔撐㗎啦,因為個良心會話畀佢聽,唔應該再撐落去!如果你話你好鍾意林鄭,點解?你寫封嘢嚟話我聽吖,係佢靚吖?個頭髮靚吖?棚牙靚吖?身材好定係點?你講嚟聽吓,成個政府班人……佢一落區就俾人鬧,如果我係噚日嗰個(林鄭到深水埗派口罩)鬧佢,唔夠喉囉,我會企喺路中心,鬧到嗰班乜G4、G5打我一鑊為止,咁就正喇,咁就證明香港係完全冇言論自由!」

香港尚有言論自由,但微博的世界,沒有。周啟生的微博,被封了。「其實我今日同得你講,都係發吓噏風,因為都冇彎轉,冇人好似我哋咁諗,成個娛樂圈都已經係作戰孤軍,數埋一隻手咁多!林夕俾人鬧到,我喺微博俾啲人鬧到,一夜之間26萬個鬧我嘅message,跟住一夜之間我個微博封埋,如果冇封到,我估有三、四百萬或者一千萬個鬧我祖宗三代嘅message!我講咗乜呢?我淨係話大家不能亂咁相信睇到嘅嘢,你要嚟香港,親身住半年,你就會知道究竟發生緊乜事!」

被藍絲狙擊,但周啟生冇有怕。「我唔講呢班人係藍絲,但係佢哋有三個條件完全符合晒,第一,智商要非常低;第二,思考能力近乎冇;第三,就係好不幸地淨係可以睇CCTVB,咁就會造就咗你呢個人生喇!但係今時今日,人人都可以睇任何嘢,我絕對係連CCTVB都會睇埋,我係睇吓佢有幾衰!其他嘢我哋要去小心考慮思考衡量,我會提議大家,最幫差人嗰啲唔好睇、最鬧差人嗰啲都唔好睇,任何嘢,我將最頂級120嗰啲,拎走;負30嗰啲,拎走,咁你咪知道成個社會係點囉!冇謂再講,唉,嗰班人嘅廢話,太多喇!」

做人最緊要睇住個良心。

【後記】離忍曬譜

原先堅持不肯除下口罩,最終周啟生也除下來拍照。快到59歲人,火氣仍然有,但幽默感更強。他說了好幾個林鄭的爛gag,但比較重口味,不宜出街的。

反而說到要發聲,不能再沉默,倒有笑話典故可以分享,「點有沉默㗎?家?你望吓?家呢件事,你繼續沉默落去,到你講嘢嗰時就貴、就奢侈喇!?家完全係戰國時代,有一個人叫『離忍』,佢攞住啲譜去學音樂,跌咗落船整濕晒,佢就擺晒喺路邊曬乾啲譜,呢個古仔叫『離忍曬譜』!」

大家笑中帶苦。
oystercake1997
個人訊息 會員
14.xxx.xxx.55
2020-03-10 02:28
[#2] 【娛樂人物】良心與良知 周啟生    
周啟生...真正香港藝人
winning7
個人訊息 會員
219.xxx.xxx.46
2020-03-10 08:41
[#3] 【娛樂人物】良心與良知 周啟生    
我仲記得亞視今日睇真 D 講佢做租霸
samflower
個人訊息 會員
101.xxx.xxx.50
2020-03-10 11:05
[#4] 【娛樂人物】良心與良知 周啟生    
最經典响屋企BBQ⋯
KK903
個人訊息 會員
59.xxx.xxx.150
2020-03-10 11:23
[#5] 【娛樂人物】良心與良知 周啟生    
有立場 堅持自己信念
佢係串 但串得起


好過一眾所謂過氣巨星
牆頭草 遙風擺尾 見利忘義
tpe_ryan
個人訊息 正式會員
118.xxx.xxx.82
2020-03-10 11:25
[#6] 【娛樂人物】良心與良知 周啟生    
oystercake1997
個人訊息 會員
14.xxx.xxx.156
2020-03-10 13:42
[#7] 【娛樂人物】良心與良知 周啟生    
#3
我都有睇過....
不過租客租客講,業主有業主講,有d羅生門。
喺屋企bbq.....做乜都好啦,佢交樓嘅時候還原返,其實又冇乜大問題。
spyder
個人訊息 會員
221.xxx.xxx.156
2020-03-11 14:41
[#8] 【娛樂人物】良心與良知 周啟生    

疑燒老樹
疑燒地板


https://orientaldaily.on.cc/cnt/entertainment/20131007/mobile/odn-20131007-1007_00282_003.html

最後修改時間: 2020-03-11 15:14:33
Neontetra
個人訊息 會員
219.xxx.xxx.118
2020-03-11 15:12
[#9] 【娛樂人物】良心與良知 周啟生    
呢期佢一定被圍,倒晒所有感情同品行出嚟抹黑!但佢同我哋一齊成長,差唔多年齡同經歷,愛香港,講真心話,撐撚硬佢喇!唔係咩呀!
einsdaan
個人訊息 會員
49.xxx.xxx.225
2020-03-11 16:02
[#10] 【娛樂人物】良心與良知 周啟生    
好人有好報

最後修改時間: 2020-03-11 22:27:31
hopuiwah
個人訊息 會員
49.xxx.xxx.243
2020-03-11 22:26
[#11] 【娛樂人物】良心與良知 周啟生    
Download 佢啲歌先, 希望佢有多啲版權稅。如果冇都希望下載量上升。

sbug
個人訊息 會員
126.xxx.xxx.143
2020-03-12 07:49
按照傳送日期顯示:由舊至新由舊至新  由新至舊由新至舊
最新資訊 - 影音
加碼再推,日本 DELA 宣布限量音響專用光碟擷取機 D10 / D10P 接受預訂 2020-09-22

最新資訊 - 影音
鍍銠插頭再起風雲 Brise Audio YATONO Rh2+ & STR7–Rh2+ 2020-09-21

最新資訊 - 影音
萬眾期待,Sony 互動娛樂(SIE)於線上發表會中公布 PS5 售價及推出日期 2020-09-17

最新資訊 - 汽車
法拉利 Portofino M 以創新技術完美融合極致多功能性與開篷駕駛樂趣 2020-09-17