| 談天說地主旨 ﹝請按主旨作出回應﹞ | 寄件者 | 傳送日期
|
| [#1] 叱咤2023我最喜愛的男歌手 - 張敬軒，佢今年真係做得好好 《2023年度叱咤樂壇流行榜頒獎典禮》於今晚（2024年1月1日）假亞洲國際博覽館舉行，賽前最受關注的，就是討論足個幾月的「我最喜愛的男歌手」獎項，因為尹光打破張敬軒（軒公）一對四鏡仔的局面，以79歲之齡歷史性殺入五強。尹光都有畀面到場，但獎項最終由張敬軒奪得，尹光坐足四個鐘卻慘食白果，令不少支持光B的網民大跌眼鏡，為他抱不平。軒公相隔十年再奪「我最喜愛的男歌手」獎。（葉志明攝） 張敬軒頒獎禮後受訪，講到相隔10年再奪「我最喜愛男歌手」，他心情激動，並說：「好開心呀，好難呀，要攞呢個獎喺呢幾年係好難嘅事，的確MIRROR嘅呼聲，同埋佢哋嘅Fans都好落力幫佢哋拉票、投票，但係有票未為輸！」早前如區議員般的軒公，畀足力落區拉票的攻勢湊效，他決定來年要升級拉票裝備，會寫AI揮春等，又說：「上次我幫人買咗水銀血壓計，點知去到銅鑼灣嗰站已經爛鬼咗，我會轉做電子血壓計，睇吓有咩利民措施可以幫自己拉下票。」張敬軒贏得「我最喜愛男歌手」及「至尊歌曲」大獎。（葉志明） 至於講到贏了呼聲甚高的光B，軒公覺得對方很早期已讓賽，他亦很感謝尹光的加入，打破前幾年MIRROR成員壟斷的格局，「佢有特登打畀我話有投我一票，其實我自己今次都係見有尹光哥哥，覺得個氣氛好玩好多，以往我一個人好似往年咁樣，剩返我一個對住MIRROR嘅成員，我覺得我要好審慎，你明唔明呀？呢一鋪有尹光哥哥陪一陪我，我覺得個風險溝返淡啲。」他補充，MIRROR的支持者很忠心，但他發現其實有不少留言支持自己的人都是鏡粉，或是林家謙、MC張天賦等歌手的「Cross fans」，認為這個現象都很好。尹光坐足四個幾鐘，冇獎攞又冇得表演，張敬軒就說尹光很早開始已經讓賽，但其實今年有他加入，氣氛好玩過以前好多。（葉志明攝） 被問林海峰（Jan）宣布他攞獎時故弄玄虛，叫了幾次張敬軒但又不知是否他得獎，會否擔心被對方整蠱，他說：「 嚇死我呀！佢嗌咗兩、三次張敬軒，林家謙喺隔籬撞我問我係咪你，我冇話唔玩得嘅，識咗阿Jan咁多年，睇佢玩人玩咗咁多年，我都心裡有數。」更笑稱在亞博大屏幕見到「張敬軒」三字出現了幾次，已經覺得好威。之後軒公進入「認真Mode」，講自己恰好在十年前、14年的1月1日首次奪「我最喜愛的男歌手」獎，曾經都想過自己離獎項好遠，但可能自己的命運就是要必須耕耘才慢慢有收成。張敬軒不介意林海峰整蠱自己，又說：「睇佢玩人玩咗咁多年，我都心裡有數。」（葉志明攝） 軒公續說自己曾經都有低潮、運氣不好的時候，覺得時不與我，很容易氣餒。在台上自爆會上連登討論區的他，自言有迷失的時候，並說：「我上連登睇完啲人鬧我，我都會唔開心，但係人係咁，我哋成日話依份工福禍相依，你要接受到啲掌聲同讚美或者呢個獎，你就要接受到人哋批評。我成日都抱住一個心態上去Forum，網上啲人特登DM鬧我，你睇吓囉，或者佢講得啱呢？如果佢呢一下鬧中你，又令你個人再完善啲，咁咪幾好，真係起碼好過AI先。所以我覺得真真正正喺我依十年入面，係鍛鍊出嚟嘅一個心態，所以我覺得今年有呢個獎畀我，我相信係我人生階段最好嘅時間去接受呢個獎。」軒公透露以往常被舊公司嫌他寫歌慢，叫他多唱別人的歌，他也曾因此不開心。（葉志明攝） 軒公稱盡量保持自己「人間清醒」，續道：「究竟我係咪真係全票咁樣去攞呢個我最喜愛呢？我覺得唔係，今次有好多其他冇入圍嘅歌手，佢哋嘅歌迷將佢哋嘅一啲游離票、將一啲心水票畀我。你話敬老又好、錫我又好、Whatever啦，我覺得我都照單全收，因為我覺得我Take呢個一個祝福，同埋我當我自己而家係未做到，既然我攞咗呢個杯，我今年嘅目標就係追到實至名歸，呢個就係我比我自己嘅目標！」 原文網址: 叱咤2023｜張敬軒擊敗大熱尹光感謝對方讓賽 打破單挑四鏡仔局面 | 香港01 https://www.hk01.com/article/976796?utm_source=01articlecopy&utm_medium=referral |
vitz 正式會員221.xxx.xxx.17 |
2024-01-02 19:36 | |
|
|
|||
| [#2] 叱咤2023我最喜愛的男歌手 - 張敬軒，佢今年真係做得好好 呢度老野多 應該無人睇 我睇左一陣 |
rickkklam 正式會員 58.xxx.xxx.117 |
2024-01-02 21:57 |
| [#3] 叱咤2023我最喜愛的男歌手 - 張敬軒，佢今年真係做得好好 佢一直都係感恩香港人接受佢, 而佢言行上比香藝人更香港, 有果句講果句 值得尊重 |
blackboyslim 正式會員 61.xxx.xxx.237 |
2024-01-03 06:07 |
| [#4] 叱咤2023我最喜愛的男歌手 - 張敬軒，佢今年真係做得好好 我有睇，見到全場都係姜的燈牌，好勁！ |
天富仔 正式會員 14.xxx.xxx.157 |
2024-01-03 07:40 |
| [#5] 叱咤2023我最喜愛的男歌手 - 張敬軒，佢今年真係做得好好 #4 姜燈牌係好誇張, 但遊戲規則係咁無話可說, 後生而紅多數係大枝嘢, Eason學友一樣經歷過, 年輕就是這樣 |
blackboyslim 正式會員 49.xxx.xxx.150 |
2024-01-03 07:51 |
| [#6] 叱咤2023我最喜愛的男歌手 - 張敬軒，佢今年真係做得好好 睇哂全場、安排不錯、只係新人獎不太認識。 其餘都ok.伊光入五強、只是攪卓頭、根本不會有獎、不過伊光很有風度、坐係前排、坐足幾粒鐘。 |
徐福 正式會員 123.xxx.xxx.88 |
2024-01-03 08:05 |
| [#7] 叱咤2023我最喜愛的男歌手 - 張敬軒，佢今年真係做得好好 睇哂全場、安排不錯、只係新人獎不太認識。 x 2 不過伊光很有風度、坐係前排、坐足幾粒鐘。 x 2 |
御風 正式會員 14.xxx.xxx.151 |
2024-01-03 08:14 |
[#8] 叱咤2023我最喜愛的男歌手 - 張敬軒，佢今年真係做得好好  最後修改時間: 2024-01-03 08:49:52 |
御風 正式會員 14.xxx.xxx.151 |
2024-01-03 08:49 |
| [#9] 叱咤2023我最喜愛的男歌手 - 張敬軒，佢今年真係做得好好 其實最好廢除現場投票選"我最喜愛的歌曲大獎", 鬥人多, 選人唔係歌, 已無代表性, 應該跟埋"我最喜愛的男歌手、女歌手、組合" 由網上決定. |
小矮人 正式會員 14.xxx.xxx.151 |
2024-01-03 10:14 |
| [#10] 叱咤2023我最喜愛的男歌手 - 張敬軒，佢今年真係做得好好 光B預咗俾人抽水都無所謂，值得尊重....... |
morningsir2000 正式會員 182.xxx.xxx.20 |
2024-01-03 13:03 |
| [#11] 叱咤2023我最喜愛的男歌手 - 張敬軒，佢今年真係做得好好 見姜濤都好辛苦直頭唔夠膽講野，無論做乜都比人鬧 光B今次人氣有賺啦，其實開頭時只係AI，之後佢又玩得又有風度。 張敬軒真係好玩正唱歌又好聽  |
joey 正式會員 101.xxx.xxx.79 |
2024-01-03 13:26 |
| [#12] 叱咤2023我最喜愛的男歌手 - 張敬軒，佢今年真係做得好好 每年只睇叱吒，一來update吓有咩新人，二來啲歌手拎叱吒獎項後嘅謝詞會特別真摰，好睇過表演唱歌。 另軒公拎獎都實至名歸，有番咁上下歷鍊，愈來愈有大將之風，起碼識自嘲。 最後修改時間: 2024-01-03 14:24:51 |
icered123 正式會員 14.xxx.xxx.234 |
2024-01-03 14:20 |
| [#13] 叱咤2023我最喜愛的男歌手 - 張敬軒，佢今年真係做得好好 唔會好似其他偽人咁狗 十分難得！ |
伊雲士 正式會員 124.xxx.xxx.225 |
2024-01-03 15:52 |
| [#14] 叱咤2023我最喜愛的男歌手 - 張敬軒，佢今年真係做得好好 有幸上年11月睇到佢同林家謙的拉闊音樂會 佢唱live真係好好，表現一流 佢值得攞呢個獎 |
patkwok 正式會員 121.xxx.xxx.54 |
2024-01-03 16:38 |
| [#15] 叱咤2023我最喜愛的男歌手 - 張敬軒，佢今年真係做得好好 姜濤要少說話，多做事 先認真執下自己的生活飲食，佢夜晚MIRROR GO個LOOK真係肥到慘不忍睹 然後練下歌，練下舞，佢本身聲底堅係薄，唔夠氣，要做好歌手真係要花D時間去練下歌 佢本身有班幾好的創作班底用，之但係唱到成PAT屎咁，神仙難救呀! 好好地交成績出黎，我諗大家會有眼見 下下吹到大一大話用作品說話、要衝出亞洲，吹得愈大只突顯埋自己實力不足 出道五年啦!唔可以再用新人的標準了 |
Guizuhk 正式會員 125.xxx.xxx.186 |
2024-01-03 19:01 |
| 按照傳送日期顯示:由舊至新 由新至舊
|
