談天說地主旨 ﹝請按主旨作出回應﹞ | 寄件者 | 傳送日期 |
[#1] 梁芷珊遭恒生無理取消商業戶口:香港仲做咩國際商業城市? HS 同 C子 已 B6 化了 --- 昨日是香港發生大搜捕,以涉違反港版國安法下的顛覆國家政權罪,出動千名警員,拘捕53名組織及參與去年7月民主派初選人士,又向4間傳媒送達「交出文件令」,正式向國際揭下最後一塊「遮醜布」。 今日梁芷珊先在facebook稱「昨天的黑暗已成過去準備迎接更黑暗的未來」,她口中黑暗的未來就是「人治」,其後梁芷珊再post透露自己持有的2間公司商業戶口被恒生銀行取消,有感香港變得「銀行不是銀行,家不是家」。 梁芷珊接受《蘋果》訪問說:「我哋同事都有問過,點解冇問過我們拎任何文件,就即刻出呢個通知,佢個回覆係『唔一定要問你攞文件,我哋內部審查咋』。」 不過梁芷珊稱未必同政治有關:「我覺得未必同政治有關,但係假如同政治有關嘅話,亦都好容易搵出有冇啲SME嘅戶口,係成日有啲數出出入入,來自不同資金來源,咁就好有理由講到你資金不明、懷疑你『洗黑錢』,懷疑你眾籌,如果要咁諗,就好容易用呢個方式做到呢樣嘢。」 梁芷珊又指身邊朋友有同一遭遇:「呢一個係小企業的賬戶,我其實好多身邊朋友都試過畀銀行問,或者好似我個情況一出信就話要取消你個戶口,小企業每一日有細數入賬,譬如邊一日有20單交易幾百、一千嘅賬目,有些銀行會要求列出每一筆賬嘅資金來源,做小企業就係咁,幾百蚊、一千蚊一張單,如果每次銀行都要你去列明,又或者懷疑你洗黑錢嘅疑心及動機去諗,其實銀行唔係方便用戶,而係消費我哋嘅行政費用。」 事緣梁芷珊指收到恒生銀行通知,要取消她兩間公司的商業戶口,一個月後戶口即停止運作。梁芷珊稱兩個銀行戶口,每日有往來入賬與支出,但一向沒負數、沒拖銀行數,亦沒向銀行借錢,收到通知後,梁芷珊已叫同事不會求該銀行「開恩」,認為問原因只會更浪費時間。 梁芷珊情願請多一個兼職會計幫忙處理賬務,果斷作決定,去非中資銀行開一個新戶囗,梁芷珊慨嘆:「原本係香港人嘅銀行,唔服務香港企業。而家銀行唔係銀行,家不是家。香港仲做咩國際商業城市?巨人千瘡百孔,口袋裏唯一work嘅國際ATM card,你走去整花佢條磁帶,搞佢個chip(晶片),仲可以繼續利用佢?」 此外,有網民亦留言稱自己有同一遭遇,在沒有任何原因下,上個月收到通知要取消公司商業戶口,另有網民聲稱自己的個人及公司戶口也被銀行「查賬」,該網民寫道:「恒生好奇怪check個人及公司戶口,上兩個月特登打嚟問個人戶口啲錢點得嚟,點解滙錢。」亦有網民指匯豐之前有隨機向商業戶口要求提供資料,未必關政治因素,他的公司都被抽中,關心梁芷珊是否之前沒交文件。 |
Chia 正式會員 219.xxx.xxx.35 |
2021-01-07 15:47 | |
|
[#2] 梁芷珊遭恒生無理取消商業戶口:香港仲做咩國際商業城市? https://www.hangseng.com/cms/ccd/csr/2011/ourbusiness/html_chi/business.html 滙豐控股有限公司間接持有62.14%股權的附屬公司 |
MinnaNoTabo 正式會員 42.xxx.xxx.79 |
2021-01-07 16:03 |
[#3] 梁芷珊遭恒生無理取消商業戶口:香港仲做咩國際商業城市? 佢而家賣燒雞,咁都要攪佢。 |
Joeyd 正式會員 138.xxx.xxx.91 |
2021-01-07 16:21 |
[#4] 梁芷珊遭恒生無理取消商業戶口:香港仲做咩國際商業城市? #3 習總走狗, 係黃就攪 最後修改時間: 2021-01-09 00:36:54 |
kp76 會員 51.xxx.xxx.100 |
2021-01-09 00:35 |
[#5] 梁芷珊遭恒生無理取消商業戶口:香港仲做咩國際商業城市? I have been transferring money from Hang Sang to Chong Hing as silent protest. |
alexanderkoo 正式會員 223.xxx.xxx.191 |
2021-01-09 08:46 |
[#6] 梁芷珊遭恒生無理取消商業戶口:香港仲做咩國際商業城市? 創興係越秀集團 wo |
dttmtong 正式會員 168.xxx.xxx.245 |
2021-01-09 09:53 |
按照傳送日期顯示:由舊至新 由新至舊 |