| 談天說地主旨 ﹝請按主旨作出回應﹞ | 寄件者 | 傳送日期
|
| [#1] 太極主音雷有曜由政治冷感升級變同路人 加國抗爭唔敢返香港 【睹港府挑釁抗爭者】太極主音雷有曜由政治冷感升級變同路人 加國抗爭唔敢返香港 太極樂隊主音雷有曜（Albert）雖然移民加拿大多年但仍心繫香港，去年開始一直有為「反送中」出力，他最近接受鄭敬基的訪問時講到自己如何由一個和理非變成走到加拿大街頭抗爭的「手足」，更直言因為怕被指勾結外國勢力，而不夠膽返香港。 身在溫哥華的Albert，早前接受了現居加拿大多倫多的鄭敬基訪問，兩人分別是太極樂隊與風雲樂隊成員，鄭敬基說從來都認為Albert是太極樂隊中比較安靜的一員，當得知Albert是同路人時覺得很驚訝，笑指自己「好難消化呢個訊息」，而Albert則表示當初經李婉華聯絡鄭敬基，主要是因為想識更多同路人：「大家以前都係樂隊，你喺多倫多我喺溫哥華，點解大家唔聯繫吓？最主要大家都係同路人，而且大家都有同一個信仰，我又鍾意認識不同嘅同路人，大家有得抒發吓、發洩吓，唔使淨係屈住喺屋企。」 訪問中，Albert講到自己當初如何由一個和理非走到街上為港人抗爭，他承認自己從「反國教」、「雨傘運動」以及在2019年的初期，並不覺得香港發生「好大件事」，直至去年6月9日100萬人上街後：「香港政府喺夜晚11點幾宣佈送中條例繼續二讀，咁我就覺得『你咪挑釁抗爭嘅人士？』當晚佢哋已經走、散晒，根本已經完，你點解要喺呢個時候激嬲佢哋？你點解唔第二日先宣佈？偏偏要喺嗰個時間講出嚟？咁咪搞到件事越撩越猛！」他指從那刻起，自己內心開始對事情感覺憤怒，而這種感覺亦慢慢提升：「就好似和理非一樣，一路越行越前，當初冇諗過出去遊行呢啲地方，仲要我曾經喺（加拿大）遊行嘅第一排，我同陳偉業（前立法會議員）一齊好似帶隊咁，我都估唔到我企到咁前，仲揸住支旗。」鄭敬基聽完後笑言他若在香港的話，會被指勾結外國勢力，而Albert亦認同地表示自己已不夠膽回港，因為覺得經過這些事情後：「返香港都有危機！」 Albert在訪問中又直言就算沒有社會運動，自己亦從來沒有打算到大陸工作：「覺得好粗魯，大家環境、文化好唔同，因為80年代係我哋嘅豐盛時期，我亦有選擇權，當時收入好穩定，我可以揀嘢做，嗰個年代好幸褔。」鄭敬基謂香港現時的言論、自由均受到欺壓，藝人亦不敢發聲，問到Albert有何感受時，他直言：「娛樂圈有啲藝人沉默，OK！沉默唔出聲覺得唔可以表態，因為站咗邊搵食成問題，呢樣嘢我都理解，但如果話你要出嚟站台撐另一邊，OK！都冇問題，你有自由去選擇，但我絕對唔會認同。」又欷歔地指做創作的人受到限制會影響創作空間，若連創作人都認為「冇辦法啦，我都要跪低」是非常不合理的事情。 Albert現時除了會走到溫哥華街上遊行抗爭外，每日均會外出播放《願榮光歸香港》，他指最初只是想為前線醫護及工作的人打氣，與鄰居約定時間一起在家中的露台敲打發出聲音，後來太太想到不如「一舉兩得」，改成於同時間外出，在車上播放《願榮光歸香港》：「反應係好，佢哋話呢隻歌好易接受，又乘機可以做吓大外宣，講解畀佢哋聽我哋香港發生咗呢啲事，呢隻歌係為咗呢個運動寫出嚟。」直至現在，Albert依舊每晚都會在車上播放《願榮光歸香港》，期望能做自己可以做到的事。 Albert又謂若身在香港的話，會用另一種方法去支持運動，但就會避開被檢控的機會：「我覺得而家啲年輕人聰明過以前，佢哋會識得用另一啲方式去做另一啲嘢而唔會犯法，但心裏面一定要堅持，唔可以放棄，我最近再睇番《十年》呢套電影，覺得另有一番意思喺裏面，更加深入。所以我覺得香港人要堅持，係唔可以畀佢熄咗團火，永遠都要喺個心裏面，睇吓幾時可以燃燒得勁啲，同埋我抱有希望，睇到有光復香港呢一日喺度。」 訪問最後，表示身在自由國度的鄭敬基與Albert一同講出被指顛覆國家政權的「光復香港，時代革命」，以及「五大訴求，缺一不可」的口號。 最後修改時間: 2020-09-06 02:04:46 |
winning7 正式會員219.xxx.xxx.25 |
2020-09-06 02:01 | |
|
|
|||
[#2] 太極主音雷有曜由政治冷感升級變同路人 加國抗爭唔敢返香港 /cloudfront-ap-northeast-1.images.arcpublishing.com/appledaily/2RYFGZKZ3RCSPK3HPLWNHTQXDM.jpg) 【理大圍城】雷有曜睹防暴警彌敦道包抄「手足」 搵領事館求救慘被Cut線 去年11月中旬，反修例衝突演變成大學攻防戰，其中理工大學更變成戰場，警方當時重兵包圍理大，更揚言要以暴動罪拘捕大學內的所有人。原來學生被圍捕當日，已移民到加拿大的雷有曜（Albert）亦剛好身處香港，他在接受鄭敬基的訪問時，更分享當晚自己與太太在酒店中目睹的一切。 Albert透露當時自己正住在油麻地一間酒店，而窗外正可清楚地看到彌敦道：「我哋望落去，抗爭者喺右邊，左邊一排防暴已經佈防，我哋睇咗一陣就聽到已經開始發催淚彈，不停嘅，Boom Boom Boom，好多，跟住啲細路梗係走啦，有啲散咗去內街，即刻睇到右邊防暴包抄，衝入內街截停抗爭者，我哋當時嘅感受係好慘，我太太已經不停喊，佢話：『我哋需要聯絡加拿大呢邊有關人士，睇吓有乜嘢可以幫到。』」Albert謂當刻與太太即時各自打電話回加拿大：「牧師又好、一啲組織嘅人又好，都話畀佢哋聽我哋而家呢刻喺香港發生嘅事，問佢哋有乜可以做到、我哋有乜可以做到？佢哋話已經做緊，牧師有牧師嘅祈禱，另一啲人就話盡辦法睇吓可以聯絡到啲乜人，又叫我哋聯絡溫哥華領事。」 Albert指後來雖然聯絡上領事館，但結果並非預期中的好：「打返嚟時好夜，直接轉駁咗去渥太華嘅總部嘅領事，有西人接聽，但我哋解釋情況之後，佢就話：『咁你叫裏面嘅學生打過嚟。』咁即係點？我點會聯絡到裏面啲學生？其實即係話，佢幫唔到你囉。我哋情緒已經好激動，但冇用，佢話已經講咗畀你聽你哋可以咁做，我冇嘢可以做㗎喇，之後就cut我哋線。」聽完後，鄭敬基感嘆當看着前線「手足」時，除了可以祈禱及喊外，其實沒有能力去做甚麼，故覺得更需要有策略地做。 Albert又驚訝香港的年輕人在這場運動中，分擔不同角色：「以前我哋嗰代嘅年輕人係有乜建設、有乜叻，只係覺得佢哋掛住玩，食嘢行街睇戲拍拖打機，我自己都係做呢啲嘢，完全唔會理社會嘅問題，冷感得好緊要，但自從呢場運動問始到而家，我就發覺點解而家啲年輕人可以做啲『咁嘅嘢』？」他又大讚現在的年輕人很有創意：「其中有一句令我好同意嘅，就係『你哋出去遊行示威，有用咩？你做完之後咪又係咁』，有啲人寫出嚟我覺得好好嘅係『明知道徒勞無功，但係唔會無動於衷』我覺得大家都知道做完又點？可以有乜效果？係唔知，呢個係未知數，就算抗爭都係未知，只不過大家盡咗自己一分力，做得幾多得幾多，好過你蹺埋手喺一邊『你哋去啦，我就唔會同你哋同路，你哋成功咗，我都OK㗎，冇所謂！』」 /cloudfront-ap-northeast-1.images.arcpublishing.com/appledaily/L66MU6KRKNHKHGYTEQYKDMP5FM.jpg) 最後修改時間: 2020-09-06 02:03:00 |
winning7 正式會員 219.xxx.xxx.25 |
2020-09-06 02:02 |
| [#3] 太極主音雷有曜由政治冷感升級變同路人 加國抗爭唔敢返香港 可惜大部分偽人都係埋沒良心 佢地真係好難得,值得尊敬 |
smc04 會員 119.xxx.xxx.116 |
2020-09-06 07:32 |
| [#4] 太極主音雷有曜由政治冷感升級變同路人 加國抗爭唔敢返香港 唔單只埋沒良知,仲幫狗共做嘢,仆街,天理不容,有報應的! |
Willai 正式會員 14.xxx.xxx.164 |
2020-09-06 11:03 |
| [#5] 太極主音雷有曜由政治冷感升級變同路人 加國抗爭唔敢返香港 已睇過舊片。btw thx sharing:D 最後修改時間: 2020-09-06 11:30:54 |
gundam00 正式會員 45.xxx.xxx.120 |
2020-09-06 11:30 |
| [#6] 太極主音雷有曜由政治冷感升級變同路人 加國抗爭唔敢返香港 睇過敬基同佢傾偈，比以前瘦咗，他倆仍心繫香港，難得 |
bliss33 會員 182.xxx.xxx.151 |
2020-09-06 14:48 |
| 按照傳送日期顯示:由舊至新 由新至舊
|
