| 談天說地主旨 ﹝請按主旨作出回應﹞ 下頁 尾頁 | 寄件者 | 傳送日期
|
| [#1] 點解要放棄自己 天水圍東華三院李東海小學女教師疑不堪工作壓力，周三（6日）於校園內跳樓身亡。有死者生前同事接受《蘋果》獨家訪問，透露林老師情緒一直飽受工作困擾，校長羅婉儀一直知情卻不體諒，事發前一日曾召林老師入校長室責罵，有同事目睹林老師哭至眼腫而要早退，翌日便在校園內跳樓身亡。該老師稱，林老師生前曾訴說「點解無時無刻都要俾佢（校長）鬧？」，認為她的死與校長有直接關係，斥校長事發後表現冷漠，毫無悔意和歉意。 |
leicaholic 正式會員182.xxx.xxx.89 |
2019-03-09 13:10 | |
|
|
|||
| [#2] 點解要放棄自己 回雞偽共真獨裁政權後, 整個僱傭生態全面改寫. 以社會主義人人平等掛帥的偽共, 比資本主義帝國, 更懂得剝削. 香港的中國人回復本性, 一有機會便以各種借口剝削別人, 懶理別人死活. 這種例子回雞前有, 但回雞後變了自然生態, 最悲哀是普遍地被人們接受了! |
ocisgood 會員 221.xxx.xxx.31 |
2019-03-09 13:25 |
| [#3] 點解要放棄自己 二,三十年前做老師受人尊重,家長會好信任老師,學校人事無咁複雜,而家做老師好很慘,要面對學生,家長.校長,同事,好多事非,又要埋堆,又要刷校長鞋,又要保住學生成續....可以話係嫌惡性工作. |
老吾老 會員 119.xxx.xxx.85 |
2019-03-09 13:34 |
| [#4] 點解要放棄自己 如今香港, 唔擦鞋好難保住飯碗. 學校更甚, 校長權力獨大, 雖然話有校監, 但一般極少過問校政, 有D校長同校監以至校董關係千絲萬縷, 基本上有免死金牌, 所以可以為所欲為. 做老師的, 第一件事唔係教好學生, 係同校長搞好關係. 這是香港教育現實. |
ocisgood 會員 221.xxx.xxx.31 |
2019-03-09 13:46 |
| [#5] 點解要放棄自己 依家要上位做校長，唔知要擦幾多年鞋，做幾多狗事？ 上到呢個位肯定心理唔平衡，唔糟質下啲下屬點會開心？ 最後修改時間: 2019-03-09 14:39:43 |
hnm 正式會員 42.xxx.xxx.169 |
2019-03-09 14:38 |
| [#6] 點解要放棄自己 而家好多小學校長，尤其是比較年輕果啲，能力根本唔勝任。 被委任到原因係同辦學團體入面一啲人有裙帶關係。 因為經驗能力都唔夠，就學商界咁，乜嘢都夾硬嚟壓落去，大石澤死蟹，結果將教育理念摧毀於一旦。 |
DcAss 正式會員 113.xxx.xxx.79 |
2019-03-09 14:53 |
| [#7] 點解要放棄自己 估計是97回歸惹的禍，回歸前各行業走了很多精英。 1997時我工事上遇過40+歲的中學校長；這之前好像沒有的，而這校長表現不太好（我親友最近50+歲才是中學副校長。） 由於97時很多的資深中學校長退休，真正教育精神不能薪火相傳；新中學校長未夠班根本不能成熟。 今天中學校長依賴商業數字演繹教育；教育精神蕩然無存。 |
故人 正式會員 14.xxx.xxx.217 |
2019-03-09 15:10 |
| [#8] 點解要放棄自己 有親戚係名校校長，未做校長前已經做到隻狗咁，升咗做校長就更忙，據聞做教師時要做好多paperwork 應付教育局，做咗校長就好多行政工作應付教育局。依家做教師的除咗教學生之外要做多好多bureaucratic嘅嘢，放暑假都有野做 |
olddude 正式會員 42.xxx.xxx.233 |
2019-03-09 16:21 |
| [#9] 點解要放棄自己 女上師通常都比較情緒化 |
DeepSea^^ 正式會員 61.xxx.xxx.59 |
2019-03-09 16:51 |
| [#10] 點解要放棄自己 制度決定一切 香港人既失望源於控制資源既官員,並冇魄力建立或改正從而得出一套完善制度 |
一縷輕煙 會員 2.xxx.xxx.206 |
2019-03-09 17:02 |
| [#11] 點解要放棄自己 呢D所謂慈善團體, 辦學辦到咁, 以後捐錢要諗過! ------------------------------------------------------------ 李東海小學教師兩投訴校長態度專橫 東華僅索書面解釋了事 天水圍東華三院李東海小學女教師在校內墮斃，被揭生前屢受校長羅婉儀壓迫。羅婉儀2014年接任李東海校長，有該校老師向《蘋果》報料，指有老師早於2015年6月向東華三院匿名投訴，指控羅態度專橫、人事管理有問題，例如經常罵同事「扮辛苦」，又鬧老師「未夠班同我講嘢」，甚至指導新來主任應「拍枱」鬧人，去年6月再有老師匿名投訴，惟東華兩次只要求羅書面解釋，被質疑無認真調查。 東華三院昨日回覆《蘋果》查詢時稱，李東海小學校董會將成立專責小組，深入了解及跟進事件，又稱東華三院總部會協助學校與持份者適時溝通。不過，東華被爆未妥善處理與羅婉儀有關的投訴，有李東海小學老師在2015年、2018年分別匿名投訴，東華兩次接受羅婉儀以書面解釋，羅婉儀後更在教職員大會上炫耀，稱自己「搵吓文件解釋就搞掂啦」，恐嚇全體老師「唔好再諗住投訴」。 相關新聞：【獨家】李東海教師墮樓前夕被鬧原因曝光：校長不滿「悔過書」內容令重寫 有林老師生前的同事指出，李東海校內教師其實一直很團結，就算校長的想法朝令夕改，如果老師相信措施對學生有益，一直都願意跟隨去做，可惜羅校長卻一直濫權，「簡直好似土皇帝一樣」。老師質疑東華沒有認真處理投訴，助長羅婉儀壓迫教職員，等同直接迫林老師走上絕路，以死控訴；據該老師所知，現時校內大部分同事心情未能平復，因此更驚訝羅婉儀態度冷漠，猶如「無事發生過」。 《蘋果》就此向東華三院查詢，正等候回覆。李東海小學老師今日就收到校方短訊，指「東華三院董事局及總部行政人員十分關心大家」，東華主席王賢誌、校監韋浩文將於明日（10日）早上到校，支持及慰問教職員；另明日下午東華將為林老師安排打齋超渡儀式，林老師家屬屆時將出席。 記者 周婷 |
ocisgood 會員 221.xxx.xxx.31 |
2019-03-09 21:42 |
| [#12] 點解要放棄自己 李東海老師大控訴 校長當眾拍檯鬧 病假迫工作 天水圍東華三院李東海小學發生女教師在校園跳樓身亡事件，有校內老師向《蘋果》控訴校長羅婉儀一直不尊重和不信任老師，經常當眾拍檯責罵老師，要求老師「諗吓適唔適合繼續喺度做」；羅更會質疑請病假的老師，甚至要求他們在病假期間工作，「聽朝要見到（文件）喺我檯頭。」 相關新聞：【獨家】李東海教師墮樓前夕被鬧原因曝光：校長不滿「悔過書」內容令重寫 在該校任教的周老師（化名）向《蘋果》表示，校長經常在教職員全體會議提出問題，然後要求個別老師站起來解釋，但老師說不到兩句便會被校長拍檯打斷，直接指出其問題和責罵。周記得，校長罵某同事曾說：「你咁高人工，你嘢又做唔到！我好容易就搵到人，你諗吓你適唔適合繼續喺度做！」在罵另一同事時又曾說：「你時間觀念都唔好，你又冇計劃，咁你點做一個老師呢？你點樣可以教好學生？你可能考慮一吓教育呢個行業適唔適合你做！」 周老師憶述，校長曾說自己「好鍾意做嘢」，若老師不懂分配時間，便要「另覓高就」。周認為，若有心解決問題，應個別跟老師傾談，不應在全體會議上公開指責。 相關新聞：【獨家】李東海小學教師兩投訴校長態度專橫 東華僅索書面解釋了事 周老師又稱，有時老師因病請假，也會在會議中遭受批評，校長更曾說：「我呢就唔會畀自己病！作為一個老師，你要照顧好自己健康！」即使老師請了病假，也會收到校長的短訊，要求老師翌日將文件放在她桌面上。 去年9月山竹襲港，周老師稱校長曾在十號風球下向全體老師發電郵，要求老師翌日準時上班處理事務，強調「學生停課都唔代表老師要停工」。周說，學校位處在天水圍，不少同事要長途跋涉上班，卻發現道路封閉無法通行，但在路上才收到校方電郵，指若情況不許可便不用回校，但主任級的老師必須回校工作。 記者 鄧力行 |
ocisgood 會員 221.xxx.xxx.31 |
2019-03-09 21:44 |
| [#13] 點解要放棄自己 呢個校長真係好魔鬼! 希望集多D人氣, 迫條仆街辭職! --------------------------------------------------------- 李東海教師墮樓前夕被鬧原因曝光：校長不滿「悔過書」內容令重寫 天水圍東華三院李東海小學女教師疑不堪工作壓力，周三（6日）在校內跳樓身亡，《蘋果》再接獲李東海教師報料，進一步披露林老師以死控訴受校長羅婉儀壓迫。羅婉儀在2月28日要求病假中的林老師回校，並召至校長室「照肺」，責罵林處理圖書活動、書津事宜不力，要求林回家寫悔過書；3月5日，林老師回校交悔過書，羅再稱不滿意內容要求重寫，其間不斷責罵令林「爆喊」早退。翌日早上，林老師跳樓身亡。 《蘋果》昨日獨家披露林老師生前最後一星期的工作時間表，綜合多名林老師生前同事所知，林老師上月底起病重，原由2月26日（上周二）至3月1日（上周五）請病假，但2月28日（上周四）被校長羅婉儀要求回校處理書簿津貼事宜，林當時仍然病重，精神不佳且聲音極為沙啞，惟一回校就被召入校長室，校長羅婉儀一見面就罵林老師：「病咗仲返嚟做咩，博俾我鬧呀？」 據悉，羅當時不斷責駡林老師處理一個聯校圖書活動不妥善，並漏了預備一份跟書簿津貼有關的校長備存通告，責備林「無能力handle（處理）」，指她「專登將事情做差，博下年唔使做呢個位（圖書館主任）」，要求林辭職。 昔日報道：【女教師墮樓】圖書館主任代課最多 關注組指專職被忽視如「自生自滅」 不過，羅校長其後又改口，諷刺林老師「戀棧」圖書館主任職位，要求林回家寫悔過書，並在3月4日交回，林老師步出校長室後走到教員休息室，哭成淚人；羅校長在3月4日告假，林老師遂在3月5日將悔過書交給羅，惟羅仍不滿意。據林老師生前同事指，羅婉儀想林老師在信中表達「一力承擔」漏出通告的責任，免自己事後被辦學團體怪責，但羅認為林在信中未有表達此點，要求重寫。 當日有不少李東海小學的教職員目擊林老師「爆喊」，據知，林老師步出校長室後向共事多年的同事哭訴，稱「今次校長要迫走我」，並在當日早退回家。翌日（3月6日），林老師在校內跳樓身亡。多名李東海小學的老師透露，羅婉儀在林老師死後翌日（3月7日）會議上向全體老師稱，「經過兩日，大家都可以適應，一切正常運作」，態度冷漠無情，而羅至今亦未曾對外公開回應過事件。 最後修改時間: 2019-03-09 21:49:09 |
ocisgood 會員 221.xxx.xxx.31 |
2019-03-09 21:47 |
| [#14] 點解要放棄自己 。  |
moloch 會員 42.xxx.xxx.35 |
2019-03-09 21:51 |
| [#15] 點解要放棄自己 其實該校家長到咁嘅情況應該要出聲，唔應該畀仔女再係學校咁嘅畸形環境下成長。 莫講話學習，連做人嘅操守都會好有問題，將來萬一加害於社會就唔好啦。 |
DcAss 正式會員 113.xxx.xxx.79 |
2019-03-09 21:58 |
| [#16] 點解要放棄自己 寫悔過書 ? 羅婉儀校長以為呢度係大陸？ 最後修改時間: 2019-03-09 22:28:32 |
Neontetra 正式會員 112.xxx.xxx.102 |
2019-03-09 22:22 |
| [#17] 點解要放棄自己 。  |
Neontetra 正式會員 112.xxx.xxx.102 |
2019-03-09 22:27 |
| [#18] 點解要放棄自己 李東海個名畀呢位賤精校長咁污衊法，真係要彈番起搵佢算帳。 睇嚟香港小學除咗換晒新移民學生外，而家要奉行換埋新移民老師嘅政策，以便全方位取代舊港人，首先就要清洗舊老師教員。 |
DcAss 正式會員 113.xxx.xxx.79 |
2019-03-09 22:35 |
| [#19] 點解要放棄自己 呢個人根本冇資格留在敎育界, 東華如果咁都唔做野, 叫人以後點捐錢比你? |
ocisgood 會員 221.xxx.xxx.31 |
2019-03-09 22:38 |
| [#20] 點解要放棄自己 所以黃賢誌聽日都會趁假日學校放假少人，兼落大雨冇高球打，落學校睇吓，順便話俾全港知佢哋幾咁關心呢件事，算做咗嘢啦卦，放心繼續捐錢，佢哋就繼續出名威威。 最後修改時間: 2019-03-09 22:48:20 |
DcAss 正式會員 113.xxx.xxx.79 |
2019-03-09 22:48 |
