| 談天說地主旨 ﹝請按主旨作出回應﹞ 下頁 尾頁 | 寄件者 | 傳送日期
|
| [#1] 買氣炸鍋請教 之前買個氣炸鍋可能大陸牌子，好大浸膠味，已經掉咗。 想買個細細地，多數用嚟整脆口嘢炸嘢，例如薯條，吉列炸豬扒等等，絕對唔會整成隻雞，所以想買個細細地唔阻訂嘅。 唔要中國牌子，請問有乜好介紹？ Thx |
Vestbar 正式會員112.xxx.xxx.62 |
2025-04-23 08:43 | |
|
|
|||
| [#2] 買氣炸鍋請教 有那些牌子你認為不是大6牌子？ |
lym 正式會員 194.xxx.xxx.91 |
2025-04-23 09:15 |
| [#3] 買氣炸鍋請教 #1 ＜＜＜＜ ".....好大浸膠味..." 內地產品唔好買太便宜的，試吓買貴些少（但仲係平過香港買一大截），你的觀感可能會有改變。。。。 |
yeo 正式會員 210.xxx.xxx.148 |
2025-04-23 09:28 |
| [#4] 買氣炸鍋請教 #2 仲有，我諗大陸牌子野佔6成半至7成 |
Vestbar 正式會員 112.xxx.xxx.62 |
2025-04-23 09:46 |
| [#5] 買氣炸鍋請教 #3 有錯！我屋企除咗玻璃器皿，其它所有裝食物嘅器皿唔用大陸牌子，如果用都係揀貴牌子用。 |
Vestbar 正式會員 112.xxx.xxx.62 |
2025-04-23 09:49 |
| [#6] 買氣炸鍋請教 菲仔，特仔，R （P個仔）著名啦，但隨時係MIC貼牌貨 |
degalle 會員 218.xxx.xxx.146 |
2025-04-23 10:08 |
| [#7] 買氣炸鍋請教 MIC 都好難走雞啦，只不過有個外國品牌監控住遮。 |
Vestbar 正式會員 112.xxx.xxx.62 |
2025-04-23 10:16 |
| [#8] 買氣炸鍋請教 Source K Kwong 20240828 【5分鐘化學：再講氣炸鍋】 又有K粉問氣炸鍋，以下係最新補充： A. 【炸嘢嘅時候產生嘅煙有毒】好多中國廚師由於長期喺炸嘢嘅時候聞咗啲油煙味，患咗呼吸系統疾病。主要由於炸嘢嘅時候產生一啲有機酸、醛、酮、PAH，如果冇經過強勁嘅抽油煙機抽走，煮嘢嘅時候廚師就會吸咗呢啲嘢。最終導致呼吸系統疾病！現今所有氣炸煱由於排氣冇經過過濾就排咗又室內，氣炸嘅時候產生嘅有毒物質直接排入空氣，所以對室內所有嘅人有影響！ B. 【氣炸鍋由於控制溫度非常簡陋，所以好容易會產生丙烯酰胺】詳細睇我D舊文： 2020011817【一分鐘化學：空氣炸鍋 產生丙烯酰胺 acrylamide】 【*唔係想阻人發達，只係科學分析】 琴晚老婆問我：「食空氣炸煱食物係咪健康D？」 K仔：「 Good question，未必健康D！」 K太：「唔係少D油就健康D咩？？」 K仔：「少咗油，多咗『丙烯酰胺』」 1. 要做到「炸物」香脆，必須 (a) 將食物水份趕走，(b) 將食物表面進行【梅納反應 Maillard reaction】(c) 防止水份係食物未入口前再由空氣進入食物。 2. 【梅納反應】法國化學家 Louis Camille Maillard 提出。係食物裏面嘅碳水化合物同蛋白質/氨基酸發生一系列反應：生成不同香味同啡色化合物，其中包括千百個不同嘅酮、醛同雜環化合物，亦有可能產生「丙烯酰胺」。 3. 梅納反應要係高溫度先快，而用水煮不能高過100℃ 太多，而油就可以高到200℃ (一般家用油鍋炸嘢嘅溫度好少高過200℃，因為啲油已經分解出好分白煙)。而BBQ更可以 3~400℃。 4. 温度越高，食物香味越快出現，而有毒物質包括「丙烯酰胺」(致癌) 同「多環芳香烴 」(PAH) polycyclic aromatic hydrocarbon (部份致癌)亦越多。所以我唔食叉燒燶咗果D部份。 5. 【空氣炸煱唔用油、或用好少油。】由於物質傳熱嘅方式，空氣比液體差。用160℃ 幾分鐘就炸到香噴噴嘅炸物 (食物內嘅水份好快走咗，食物就會香脆)。用空氣炸煱可能要 300-400℃ 吹成十幾分鐘，先做到相同效果。用少D油，好似健康D。 6. 由於空氣炸鍋用嘅溫度一般超過300度同比較長烹調時間，食物係高溫度碳水化合物同氨基酸進行梅納應亦較油炸多，丙烯酰胺同PAH亦多D。 7. 由於食物產生丙烯酰胺係2002先發現，到今日都未有數據知道有幾多丙烯酰胺先係安全。我到今日都未買 air fryer ？！ 2020011913 【焗爐/氣炸鍋勿高過最高200度？】 【等效温度】 可以想像為係廠家設計焗爐嘅焗爐開咗一段時間，焗内平均嘅温度。理論上就係食物嘅温度，但由於食物係立體有厚度嘅嘅，表面温度同食物内部嘅一定有差別。火鷄嘅話，表面200℃，裏面可能得100℃。亦即係話焗爐嘅温度同食物嘅真正温度一定唔太相同。咁點解唔設計到可以準D嘅呢？其實係有D咁嘅機嘅，「低温慢熟機」咪係有好「準確嘅温度」囉。 【唔同嘅控温方法：越平越唔準】 1. 最平嘅最好賣幾百蚊焗爐，控制溫度嘅方式係最平嘅電路設計【功率式】。用唔同嘅功率，決定焗爐內溫度。呢個係最唔準，因為只係廠家設計出嚟，有可能冇經過實測。分分鐘話畀你知焗爐溫度200℃度，而焗爐頂同焗爐底，發熱線附近係四五百度，中間先係200度。而由於佢想保証食物熟透。所用嘅功率一定比所需要為高。呢D焗爐我唔建議開到最大。 2. 第二種比較準DD嘅，用【機械式】。係焗爐某部分(注意：非食物位置)，放咗一條叫做bimetallic stripe嘅嘢，佢由兩條唔同膨脹系數嘅金屬黐埋。溫度越高越大彎曲，彎曲得太大嘅時候就會斷電。唔同嘅溫度就係由佢彎曲嘅程度設定。如果溫度高啲，呢個都唔係咁準。 3. 第三種再貴D係【熱電偶 thermocouple】，加埋風扇重正 ，係焗爐内部唔同位置準確測到當時嘅焗爐溫度，決定幾時斷電。但係食物係一個立體，唔同區域有唔同嘅溫度，所以佢設定嘅溫度係成個焗爐四周圍同埋中央嘅平均值亦即係話，如果你放嘅食物係好近發熱線或吹風嗰邊嘅溫度都唔同。 4. 其實仲有好多唔同 sensor 好似 solid state sensor 由爐架俾 signal 出feedback circuitry，紅外線 sensor。冇乜係民用爐用。 5. E+流行嘅平價 AIRFRYER 我未知用乜 sensor。自己諗！我唔會買平嘅唔出名牌子電器。 011901【太多人問，再講 airfryer】 1. 未買就要買就要買「出名」牌子，亦最好有高速噴氣果D。咪買淘寶貨(特別係 Watt 數勁果D)，因為果D所謂200℃，分分鐘成300-400℃，一陣就燶。 2. 咪一次過炸太多嘢，咁樣加熱唔均勻。 3. 咪太高温炸高碳水化合物，有D名牌重講明叫你咪用180℃以上炸薯條，以防出丙烯酰胺。 4. 盡量咪用最高温(~200℃)，要用都最好短時間。 5. Airfryer 最好就係炸鷄翼同(低温)整生果乾。 6. 有燶果D咪食。 011910【太多人問丙烯酰胺，再答】 我成日都話識得嘢多好痛苦： 1. 我好鍾意食茶餐廳炸薯條、Jagabee、三兄弟。E+最多一星期一次。 2. 我好鍾意食燒味，特別係燒肉皮，E+真係少食咗好多。 3. 我以前超鍾意食生炸雞肶，一星期食幾次，E+半年都冇一次。 4. 我以前成日 BBQ，E+半年先一次。 5. 煮即食麵我通常過冷河。 我成日講，上帝好公度，冇嘢係只有優點冇缺點。好好味嘅燶嘢炸嘢，真係不及蒸同水煮健康D。 唔好再問我呢個有冇，果個有冇，自己記住：【食物長時間高温就有丙烯酰胺】！ 自己睇 2010年消委會舊聞，唔駛再問我： |
Chia 正式會員 58.xxx.xxx.189 |
2025-04-23 10:21 |
| [#9] 買氣炸鍋請教 我用 PHILIPS 幾年，無問題，老虎個鼻好？，所以肯定無塑膠味。 小家電就算唔係 MIC，都係東盟國家多，買大牌子 ok 嘅。 我最多用嚟返熱麪包，脆脆地好食啲。 |
Dlbf 正式會員 14.xxx.xxx.217 |
2025-04-23 11:09 |
| [#10] 買氣炸鍋請教 #8 Thx 我一個月可能只用一兩次 最後修改時間: 2025-04-23 11:12:14 |
Vestbar 正式會員 112.xxx.xxx.62 |
2025-04-23 11:11 |
| [#11] 買氣炸鍋請教 #9 Philips 當然頭3位首選，不過唔知有冇啱心水尺寸。 |
Vestbar 正式會員 112.xxx.xxx.62 |
2025-04-23 11:23 |
| [#12] 買氣炸鍋請教 氣炸鍋依啲嘢技術含量低到一個點 菲記咪又係搵間順德電器廠做，然後貼個牌 最多咪香港公司搵個engineer睇下場 |
Kelvinzy 正式會員 202.xxx.xxx.40 |
2025-04-23 11:26 |
| [#13] 買氣炸鍋請教 Come on, 一個月先一二次, 真係有膠味或者毒性, 就算200斤佢都唔怕食死啦, 你怕? 咁索性用水蒸或水煮算啦, 真係咁怕既話. 夏天開冷氣風濕喎, 你開唔開? 我從來唔信乜野風濕, 乜野"ship" 親呢D廢話, 中醫?即係佢地搵陳太張生做白老鼠得出黎既廢話.醫成條村死左五百人醫好一個囉 |
alliance0621 正式會員 221.xxx.xxx.216 |
2025-04-23 11:38 |
| [#14] 買氣炸鍋請教 呢隻一定冇膠味 用氣炸鍋要注意通風，因為PM2.5會升得好快 碳水化合物食物唔好用咁高溫，避免丙烯酰胺產生  |
不是聰明人 正式會員 118.xxx.xxx.225 |
2025-04-23 11:41 |
| [#15] 買氣炸鍋請教 超靚仔，直頭喺高級少少嘅餐廳cafe擠出嚟充撐下場面都得。 我budget都係千零蚊左右 最後修改時間: 2025-04-23 12:45:12 |
Vestbar 正式會員 45.xxx.xxx.41 |
2025-04-23 12:45 |
| [#16] 買氣炸鍋請教 問過 朋友 有 氣炸鍋 & 蒸焗爐, 話擺多過用. 我自己6_700蚊 買左一個28L 有雙層玻璃 焗爐 就算. google: 氣炸鍋 vs 氣炸焗爐 https://tinyurl.com/4xf42v6e 氣炸焗爐 https://tinyurl.com/kmdvn9xr |
cornercube 正式會員 58.xxx.xxx.200 |
2025-04-23 14:13 |
| [#17] 買氣炸鍋請教 淘咗個咁嘅又幾好用,氣炸或焗,兩年啦.最高200度C,  最後修改時間: 2025-04-23 14:41:12 |
S.Chan 正式會員 116.xxx.xxx.240 |
2025-04-23 14:38 |
| [#18] 買氣炸鍋請教 ＞＞問過 朋友 有 氣炸鍋 & 蒸焗爐, 話擺多過用. 蒸焗爐幾好用，我成日都用。好多時係用來番熱和保溫。 |
lym 正式會員 194.xxx.xxx.82 |
2025-04-23 15:25 |
| [#19] 買氣炸鍋請教 蒸焗爐幾好用，我成日都用。好多時係用來番熱和保溫。但我個迷你爐水盒細不宜蒸好長時間的菜色。  |
lym 正式會員 194.xxx.xxx.94 |
2025-04-23 15:30 |
| [#20] 買氣炸鍋請教 喜歡成日煮食的呢D工具係好好用.貪新鮮/聽人講/...通常都係買完然後唔用或少用. |
ich 正式會員 116.xxx.xxx.1 |
2025-04-23 15:42 |
