| 談天說地主旨 ﹝請按主旨作出回應﹞ | 寄件者 | 傳送日期
|
| [#1] 反映社會現況的ViuTV劇《教束》 // 由黃智揚執導、陳志發監製的ViuTV自製劇《教束》於上星期首播，撞正「6.9反送中大遊行」、「6.12警民衝突」，可謂「生不逢時」，因為很多觀眾都統統走了去看新聞。其實這套由黃智揚、吳振忠、黃天城與史東聯合編寫劇本、堪稱千禧年後香港罕見的校園劇，以無數笑位（惡搞《愛情陷阱》真心正！），反映現時香港教育制度 ── 過份操練學生、合約教師待遇不公、津校轉直資、奉行精英制等多個問題，極有教育意義。 部份對白，更直接呼應過去兩個星期的社會狀況，甚至正面抽擊。比如周一晚（17／6）播出的第六集，合約老師盧文達（劉俊謙飾），借校園飯堂提供質素低劣的饍食，向以麥浩賢（岑珈其飾）為首的馬修書院學生會候選內閣「不老騎士」一眾成員解釋如何力戰另一內閣「OASIS」，指做學生會會長應有的態度，是要了解同學所需，而不是博出位：「一個真正嘅領袖，唔應該高高在上，應該成為眾人嘅僕人，真真正正咁樣為同學服務。」再對比經常在電視機表演卸膊操、濫用「初心」的林鄭和一哥，有夠諷刺。電視劇的其中一個主要功能是紀錄時代，帶動觀眾思考，換句話講，《教束》現在播映，反而是最佳時機！ 好劇本是基礎，還得靠演員傳神演繹才夠入心，事實上這次陣容個個有料，以老帶新，有廖啟智、陳秀雯兩位資深演員，從容不迫，演技爐火純青，帶領劉俊謙、朱栢謙、岑珈其、周漢寧等一眾後生演員，劇本紮實，製作認真，可以說是ViuTV自2016年開台以來，第一套整體分數最高的自製劇，沒有尷尬癌，只有很大膽，今時今日能夠直接回應社會問題的劇集，又有多少？強烈建議，一家大細、老師學生，晚晚齊齊睇，睇完再討論。 // 原文： https://www.facebook.com/yautaitung/photos/a.521179217908506/2824875664205505/  |
笑面男 正式會員61.xxx.xxx.178 |
2019-06-19 23:34 | |
|
|
|||
| [#2] 反映社會現況的ViuTV劇《教束》 都幾好睇 |
yyhung 正式會員 1.xxx.xxx.128 |
2019-06-20 19:38 |
| [#3] 反映社會現況的ViuTV劇《教束》 // 【「自煮運動」跟進報導】 重溫衝擊經過：http://bit.ly/2I7sghz 馬修書院昨日召開閉門會議，對六名涉嫌策劃「午飯自煮運動」的同學進行紀律聆訊。場外一度有學生包圍會議室，進行示威聲援，要求釋放學生，更與在場老師發生口角衝突。期間，一名家長教師會代表劉太更衝入會議室，強烈要求校方正視問題核心，並揚言會將行動升級，發動罷買，直至校方回應訴求。 //  |
笑面男 正式會員 61.xxx.xxx.178 |
2019-06-20 21:23 |
| [#4] 反映社會現況的ViuTV劇《教束》 班演員和臨記做得好自然,好現實的題材. |
V.C 正式會員 119.xxx.xxx.159 |
2019-06-20 21:48 |
| [#5] 反映社會現況的ViuTV劇《教束》 睇到呢度，即刻諗起道歉都hea過人嘅777  |
笑面男 正式會員 61.xxx.xxx.178 |
2019-06-20 22:08 |
| [#6] 反映社會現況的ViuTV劇《教束》 好睇 晚晚追！！！ |
kennycwc 正式會員 1.xxx.xxx.65 |
2019-06-20 22:08 |
| [#7] 反映社會現況的ViuTV劇《教束》 之前睇過幾套Viu嘅自家劇都麻麻地，呢套暫時睇左5集唔錯 編導同監製原來係《點五步》個編劇同導演 |
笑面男 正式會員 61.xxx.xxx.178 |
2019-06-20 22:13 |
| [#8] 反映社會現況的ViuTV劇《教束》 大家記得7月2日前登記做選民  |
笑面男 正式會員 61.xxx.xxx.178 |
2019-06-23 01:10 |
[#9] 反映社會現況的ViuTV劇《教束》  |
笑面男 正式會員 61.xxx.xxx.178 |
2019-06-27 13:38 |
[#10] 反映社會現況的ViuTV劇《教束》  |
笑面男 正式會員 61.xxx.xxx.178 |
2019-06-27 13:38 |
| [#11] 反映社會現況的ViuTV劇《教束》 我都覺得呢套戲拍得幾好，起碼tvb唔夠膽播呢d劇先 最後修改時間: 2019-06-27 13:57:01 |
魔鬼仔 正式會員 14.xxx.xxx.197 |
2019-06-27 13:54 |
| [#12] 反映社會現況的ViuTV劇《教束》 // 「預言書」《教束》第十七集再不幸言中，跟現實接軌，劇情講述莊子民（周漢寧飾）因多重壓力與打擊而自尋短見、在IG跟眾人訣別。其實，無論是快樂與難受，也只不過剎那感受，世界很大，有不開心就要找人傾訴，你會發現很多人都愛錫自己。無法成為大家心目中的莊子民並不要緊，每個人都是莊子民。能夠成為理想而又喜愛的自己便已足夠，我們從來只需要跟自己負責，我們的人生，旁人無緣置喙。每次殺不死你殺不死你也醫好你，切記要爭口氣要爭口氣你不要死，皆你就是你本身的傳奇。 // https://www.facebook.com/yautaitung/photos/a.594148570611570/2853412528018485/  最後修改時間: 2019-07-04 15:07:25 |
笑面男 正式會員 61.xxx.xxx.178 |
2019-07-04 15:06 |
| [#13] 反映社會現況的ViuTV劇《教束》 // 【 教束／ViuTV開台三年來最佳自製劇 】 第十八集，是為全劇暫時整體得分最高一集，也令《教束》成為ViuTV開台三年以來最出色的自製劇，短短廿幾分鐘，我前後看了兩次，一直被劇情牽動情緒，眼淚凝在眼眶，其中一幕最惹鼻酸的，必然是「為食妹」阿Mo（鄧麗英飾）在學生會室裏找到一本日記，那是莊子民（周漢寧飾）的日記。 字體不算秀麗，卻盛載向來內斂的莊子對於能夠身為「不老騎士」一份子那種濃郁但無法宣諸於口的喜悅和雀躍心情。我無法想像，一班才活了十數年的中學生如何面對訣別與生死，我相信很多人看完這集都會有很多感受，還有那些寫在對白上、對社會不公義的強烈控訴，以及赤裸的政治符號（馬修書院學生會投票日是9月28日！），暫時在此不說，倒想分享莊子留給「不老騎士」最後的話甚麼。 「9月17日，我哋內閣第一次開會，今日嘅會議係完全冇意義，佢哋每個成員只係介紹咗自己個名，講咗今次參選的原因，但係根本，所有人其實都冇能力去選學生會，佢哋有人甚至連『OASIS』係咩意思都唔知，所以對內閣叫做『不老騎士』我完全冇意見，因為我知全部人都唔係真係想做學生會，只係想嚟玩。 9月21日，今日要紀錄嘅唔係『不老騎士』嘅會議內容，而係我哋成班第一次打交，其實由細到大我冇諗過自己會打交，但係今次我地係為咗救個同學先出手，雖然我地呢個內閣之前辯論徹底輸晒，要贏學生會根本係冇可能嘅事，但係至少係呢個件事上面，我睇到原來大家都唔係一事無成。 9月28日，投票日，『不老騎士』以一票之差贏咗『OASIS』，成為馬修書院第39屆學生會，喺勝出選舉嘅成個過程中，盧Sir對我地嘅提點，賢仔嘅領導，狗榮嘅創意，奇行種嘅廚藝，神婆同阿Mo嘅完全付出，係佢哋每一個令我可以成為學生會。因為評議會嘅干涉，我哋全部人都要為咗搞補習班嘅事而煩惱，為咗佢地可以繼續搞活動，我願意一個人承擔呢個責任，係佢哋帶我嚟到呢個位置，所以我唔介意呢一刻付出番多啲。 10月31日，今日可能係我喺學生會最後一次開會，原來鄧學謙當初真係講得好啱，我真係冇能力兼顧學業，同學生會嘅工作，我好想升大學，我唔想辜負左阿媽對我嘅期望，為咗可以專心搞比賽，我只可以放棄學生會，對唔住大家，我冇辦法繼續行落去，但係我都好希望你哋可以繼續堅持做自己認為正確嘅事，我會喺另一個地方支持你哋，對唔住，我唔會忘記『不老騎士』帶畀我嘅一切一切。」 // https://www.facebook.com/yautaitung/photos/a.594148570611570/2854121574614247/  |
笑面男 正式會員 61.xxx.xxx.178 |
2019-07-04 15:08 |
| [#14] 反映社會現況的ViuTV劇《教束》 《教束》前半部份講選學生會比較輕鬆，但後半部份講反對學校轉直資就沉重咗好多 |
笑面男 正式會員 61.xxx.xxx.178 |
2019-07-04 15:13 |
[#15] 反映社會現況的ViuTV劇《教束》  |
笑面男 正式會員 61.xxx.xxx.178 |
2019-07-04 15:20 |
| [#16] 反映社會現況的ViuTV劇《教束》 應景到暈！！！ 演員也很出色，晚晚睇！ |
300bguy 正式會員 103.xxx.xxx.2 |
2019-07-04 15:46 |
| 按照傳送日期顯示:由舊至新 由新至舊
|
