| 談天說地主旨 ﹝請按主旨作出回應﹞ 下頁 尾頁 | 寄件者 | 傳送日期
|
| [#1] 64歲父被炒失業-21歲公屋女大生求助 「一家四口可以點算好？」 64歲失業, E家唔上唔 父 43, 女才出世 父 47, 仔才出世 ---- 64歲父被炒失業 21歲公屋女大生求助被誘做PTGF 爸因「一原因」拒做保安嫌丟架 本港一名21歲、就讀大學三年級的少女因64歲的父親突然遭遇解僱，令這個一家四口的公屋家庭頓時陷入經濟危機，少女透過網絡求助竟收到大量私訊，誘她做PTGF（Part-Time Girlfriend，「兼職女友」或「出租女友」），這場基層家庭的悲歌，在網上引發極大迴響。 「一家四口可以點算好？」 樓主在上月中（6月）透過其個人社交平台發帖求助表示：「老豆今日畀公司炒咗，佢又成6X歲，而家屋企得我阿媽一個人做嘢，我都有返下part time ，可能都唔係好夠，我哋一家四口，可以點算好」。 面對網民的關心與追問，她透露了更多家庭背景：父親今年64歲，原本從事工程維修，一家四口居於公屋，無車無樓，自己距離大學畢業還有一年，家中還有一名17歲未中學畢業的弟弟。 網民反應兩極 女大生道出長女心酸 帖文引發熱烈迴響，網民反應兩極，有熱心網民提供實際的自救建議，例如著樓主父親報讀「最長日數嘅erb」再培訓課程以賺取每日津貼，或是及早提取強積金應急，甚至建議盡快找社工協助申請在職家庭津貼等。 不過，帖文同時引發了網民對「老來得子」的反思，有網民指出，父親年過六十還要養家是因為太遲生育，甚至有偏激網民狠批「窮人真係唔好生仔」，認為父母沒有生涯規劃，令子女一畢業二十出頭就要「孭起整頭家」，連追求夢想的機會都可能被扼殺。 面對網民連珠炮發的提問與質疑，樓主亦逐一耐心回應，流露出作為長女的龐大壓力，當有人嚴厲質問她為何不全職工作養家時，她無奈道出苦衷：「我今年year 3，仲有1年先畢業，下年先做到」，並表示自己已在努力尋找津貼及實習幫補：「我都諗住今年搵啲津貼，我依家返緊intern了。希望細佬做到嘢」。 對於父親寧願失業也不做保安，她坦言父親過往「成日俾人炒，可能都有心理陰影」，而看到有同路人分享靠母親撐起頭家的經歷時，樓主亦心酸和應：「咁啱。我媽咪都返緊full time，我都擔心佢太辛苦。」字裡行間充滿對家人的擔憂與第一身的無力感。 斷糧危機急尋食物銀行 善心網民送暖 令人心酸的是，在求助帖文發出約兩星期後，樓主的家庭經濟狀況似乎已到了水深火熱的地步，她再次發文求助，焦急問道：「想問無乜儲糧嘅話可以去邊間食物銀行拎，或者地方會提供？好尷尬，我屋企未係拎到綜緩但又真係唔富，係屋企人失業嘅基層。」字裡行間充滿無奈與逼切。 幸好不少網民立即伸出援手，有網民極力提議立刻找社福署求助申請緊急現金救援基金，更有善心網民表示願意直接買幾箱公仔麵送給他們「頂檔」，並勉勵她「關關難過關關過」。 趁火打劫狂問做PTGF 女大生嚴正拒絕保尊嚴 在樓主一家陷入財困、急需食物援助之際，竟有不懷好意的人乘虛而入，樓主的帖文留言區開始充斥著各種冷血且侮辱性的留言，有人竟公然提議她出賣肉體：「穩個大叔養，ptgf」、「你出來做ptgf或者kol，再唔係去開onlyfans，一個救全家」，甚至有網民露骨地指「做g（指性工作者）大把錢」，言論極度侮辱。 由於有大批人不斷私訊轟炸向她「問價」，面對這些趁火打劫的荒謬引誘，樓主最終忍無可忍，近日被迫再度發文嚴正聲明：「自從我出咗post，太多人問我做唔做ptgf/約，統一回覆唔做，唔好再dm我問約唔約」。 寧斷糧拒做保安？老父嫌「無面」惹議 雖然樓主一家已面臨三餐不繼的絕境，甚至女兒慘遭網絡色情騷擾，但原來64歲的老父至今仍未能完全放下身段，在與網民的對答中，樓主透露父親原本從事工程維修的技術人員，因為車牌被停而無法轉行揸的士或Uber，不少網民苦口婆心，勸老父馬死落地行，去報讀ERB課程、做便利店收銀，甚至強烈建議去考保安牌做單幢樓看更。 面對網民的熱心建議，樓主回覆表示：「我都叫佢（父親）做保安，但係佢覺得無面」。她進一步解釋，父親過往的職場經歷並不順遂：「佢之前都成日畀人炒，可能都有心理陰影」，這種種都導致他更難踏出轉行做保安這一步。 這番「嫌丟架」的言論引起部分網民的熱議，有網民指出：「幫我問下佢無錢食飯邊樣比較無面，食可以好節省，但燈油火蠟，交租水電煤唔洗交？」有網民亦教路樓主如何安撫老父的自尊心：「臨尾咪挑釁下佢，我老豆咩世面未見過，能力又比人高，除時返夠3個月做埋保安隊長。」 來源網址 : 64歲父被炒失業-21歲公屋女大生求助被誘做PTGF-爸因一原因拒做保安嫌丟架Juicy叮 | 星島頭條 https://www.stheadline.com/local-topics/3590865/ |
Chia 正式會員58.xxx.xxx.223 |
2026-07-08 17:27 | |
|
|
|||
| [#2] 64歲父被炒失業-21歲公屋女大生求助 「一家四口可以點算好？」 咁似揸駕車就來衝入河 仲喺網上問緊人條路點行，問得不亦樂乎？ |
Kelvinzy 正式會員 202.xxx.xxx.40 |
2026-07-08 17:32 |
| [#3] 64歲父被炒失業-21歲公屋女大生求助 「一家四口可以點算好？」 之前從事工程維修，成日畀人炒不願做保安，一家四口居於公屋＜ 之前兩公婆做野都儲唔到錢？ 咁可能兩公婆人工.....................都唔高，相信保安係唯一出路。 |
0925 正式會員 1.xxx.xxx.228 |
2026-07-08 17:51 |
| [#4] 64歲父被炒失業-21歲公屋女大生求助 「一家四口可以點算好？」 想點求助？叫人點幫？生活既辦法都係自救 |
olivea88 正式會員 222.xxx.xxx.165 |
2026-07-08 18:00 |
| [#5] 64歲父被炒失業-21歲公屋女大生求助 「一家四口可以點算好?」 為大局着想，家境出問題就應該暫停自己學業去打工，賺錢養活雙親同讓細佬有書讀先，遲啲過咗危機才繼續自己嘅學業。 識得一個有類似遭遇嘅女仔。佢自己打工賺錢繼續學業，但唔理阿媽同個細佬有冇得住，有冇得讀書，幸好有人出錢出力救濟佢兩母子先至過得活。我認為個女仔咁樣做係不孝，因為呢啲係自己家事，有責任作出犧牲。 |
twinggy 正式會員 124.xxx.xxx.126 |
2026-07-08 18:07 |
| [#6] 64歲父被炒失業-21歲公屋女大生求助 「一家四口可以點算好?」 捱多一年,U grad 應該好少少 做父母,你帶得佢地來,應盡負責任 問下AI,希望有好方法 最後修改時間: 2026-07-08 18:23:51 |
Chia 正式會員 186.xxx.xxx.187 |
2026-07-08 18:22 |
| [#7] 64歲父被炒失業-21歲公屋女大生求助 「一家四口可以點算好?」 ＞＞#1...."仲有1年先畢業，下年先做到" ＞＞#3..."之前兩公婆做野都儲唔到錢？ 咁可能兩公婆人工....." x2 ------------------------------------------------------------- ie. 還有10個月 就可以全職工作 10個月 既生活費....都無 |
cornercube 正式會員 58.xxx.xxx.200 |
2026-07-08 18:25 |
| [#8] 64歲父被炒失業-21歲公屋女大生求助 「一家四口可以點算好?」 忍多1年，65歲好似有兩種政府錢攞。 做住保安先好丟架咩?? 你之前身光頸靚咩？？。既然原本從事工程維修，接d散工嘢來做吓頂住先得唔得？ 呀女你自己揾part time，慳d洗囉，唔洗輟學； 呀媽有份工，最低工資，養到細佬掛! 無蛋榚食，食住屋邨面包先! |
bigleung 正式會員 118.xxx.xxx.14 |
2026-07-08 19:45 |
| [#9] 64歲父被炒失業-21歲公屋女大生求助 「一家四口可以點算好?」 不關年紀大生仔問題、 1.做左咁多年工程人員、都儲唔到錢？已經住公屋啦！ 2.沒有做MPF?都實施左廿幾年，MPF最小有幾大萬。 |
徐福 正式會員 58.xxx.xxx.97 |
2026-07-08 20:49 |
| [#10] 64歲父被炒失業-21歲公屋女大生求助 「一家四口可以點算好?」 好多同學，鬼仔、妹，做幾年嘢，儲筆錢至讀好平常，或者讀讀下想抖抖，休學再賺到錢再返入去，唔似愚村咁一氣過 |
degalle 會員 125.xxx.xxx.57 |
2026-07-08 21:25 |
| [#11] 64歲父被炒失業-21歲公屋女大生求助 「一家四口可以點算好?」 應該咬實牙根!比大女完成大學 就算兩年叁年都要,做父親又洗乜要食得尊嚴呢 至緊要個家庭,自己做父親係家中之柱要，有責任作出犧牲 |
CS168 正式會員 203.xxx.xxx.13 |
2026-07-08 22:21 |
| [#12] 64歲父被炒失業-21歲公屋女大生求助 「一家四口可以點算好？」 如果子女都讀得到書, 禾認為自己條抵抵賣到下錢 都要供佢哋讀書,出社會,做嘢工作 大把機會幾時冇工做呢,係父母帶佢子女來依個世上 |
CS168 正式會員 203.xxx.xxx.13 |
2026-07-08 22:38 |
| [#13] 64歲父被炒失業-21歲公屋女大生求助 「一家四口可以點算好?」 ＞＞＞ 原本從事工程維修 物管長期決有料工程人員 |
phil.ng 正式會員 223.xxx.xxx.1 |
2026-07-08 23:31 |
| [#14] 64歲父被炒失業-21歲公屋女大生求助 「一家四口可以點算好?」 見外國丶用student loan 搞到 master financial engineering, 出來丶兩三年 bonus 多到小子吾信！！！ 香港有冇 student loan? |
phil.ng 正式會員 223.xxx.xxx.1 |
2026-07-08 23:44 |
| [#15] 64歲父被炒失業-21歲公屋女大生求助 「一家四口可以點算好?」 用百中無一靠炒賣（包括炒斃）賺錢嘅，慫恿急需錢嘅女孩去搵呢啲，道德上過唔去，萬一輸咗賣埋身 |
degalle 會員 125.xxx.xxx.57 |
2026-07-09 00:17 |
| [#16] 64歲父被炒失業-21歲公屋女大生求助 「一家四口可以點算好？」 兩公婆 Full Time Job, 月入 三萬蚊應該有吧 ? 以年紀估算, 住左公屋應該 10年以上, 四人公屋月租 $5,000 左右. 住十幾公屋, 一個錢都儲唔到, 似乎係自身理財問題吧. |
waitingbar2000 正式會員 70.xxx.xxx.89 |
2026-07-09 04:07 |
| [#17] 64歲父被炒失業-21歲公屋女大生求助 「一家四口可以點算好？」 #16 你這個賤種為什麼仍然健在,快的死開,我對需要幫助的人很 kind, 對賤人好mean,我有自己原則 對van 仔佬街市婆做得唔啱,一樣照小,你祇是這個層次,唔好扮高尚有米,考下你文學,歷史,醫學,電機,diy,飲食,電車 乜L嘢都唔識,仲吋吋貢 最後修改時間: 2026-07-09 05:50:38 |
alexanderkoo 正式會員 113.xxx.xxx.46 |
2026-07-09 05:37 |
| [#18] 64歲父被炒失業-21歲公屋女大生求助 「一家四口可以點算好?」 https://www.gov.hk/en/residents/education/financialassistance/postsecondary/assistances.htm |
phil.ng 正式會員 223.xxx.xxx.1 |
2026-07-09 05:58 |
| [#19] 64歲父被炒失業-21歲公屋女大生求助 「一家四口可以點算好?」 住公屋可嘗試向社署求助。 |
天富仔 正式會員 14.xxx.xxx.73 |
2026-07-09 09:00 |
| [#20] 64歲父被炒失業-21歲公屋女大生求助 「一家四口可以點算好？」 兩人 Full Time Job, 住左十幾年公屋, 居然手停口停, 三幾萬儲蓄都冇 ? 因為車牌被停, 無法轉行揸的士或 Uber … 被釘牌 …非職業司機被釘牌, 通常都因為 … 最後修改時間: 2026-07-09 09:19:24 |
waitingbar2000 正式會員 70.xxx.xxx.89 |
2026-07-09 09:12 |
