| 談天說地主旨 ﹝請按主旨作出回應﹞ 下頁 尾頁 | 寄件者 | 傳送日期
|
| [#1] 英國香港人記錄 因知越來越多香港人會於1月及稍後過來英國生活, 我便在此開一個post, 把一些有用的資料及一些facebook分享比大家作參考, 如大家有甚麼問題, 請發問, 不過因會有好多藍絲搞搞震, 大家忍一忍, 只需獲取有用資料便可以了 最後修改時間: 2021-01-01 02:44:13 |
京士頓香港人 會員86.xxx.xxx.207 |
2021-01-01 02:41 | |
|
|
|||
| [#2] 英國香港人記錄 先分享一個facebook的故事, 我覺得非常有用, 是沒有NHS時而用了急症室服務 : 港人在英國使用NHS急症室服務篇？ 大家黎到英國一定想知道關於使用NHS急症室服務？，特別好似Y家有小朋友？？好奇要點做。點叫救護車？到左急症室等幾耐？有冇翻譯員？診症過程？香港份保險包唔包？究竟英國NHS收費幾多？ 非常感謝網友無私分享經驗比Y家，跟大家分享（文章有點長），希望小朋友早日康復，亦感謝醫護人員幫助。 2020-12-24 零晨1:30，3歲仔仔？？在梳化上撞落木茶几， 隨即額頭有2cm 闊破開，之後不斷流血，因為事出突然，太太隨即用一卷新開的廚用抹手紙按壓止血，其間不斷更換新抹手紙？。 因為我本身英文不太好，我先聯絡了我的朋友，隨即我致電999？（與香港相同），好快有人接聽，問我Police or Ambulance。 對方先問我發生咩事，問我地址，不斷再重複確認幾次（可能係我表達唔好），再了解仔仔年紀、現時情況（有冇發燒、有冇昏迷？、有冇感冒、有冇咳嗽、有冇藥物敏感），之後再確認多一次地址就叫我等一陣，救護員就會到達，佢同時提我如果稍後對方沒有表明身份，就唔好開門？。（以我有限英文黎講應該係呢個意思）我再問多次係唔係救護車黎緊，佢話係並同我講救護車會盡快黎到？。 仔仔呢個時候不斷大喊，講好痛好痛，太太繼續止血及安撫仔仔 我立即換衫、準備護照等文件？、我亦立即打電話？俾保險Agent 取claim form？（剛好當時係 香港早上9點幾）好快Agent就send左email比我？（不過經驗話我知，黎緊要印定出黎看門口？️？） 約10分鐘內2位救護員到？？⚕️，救護員檢查傷口，另一位問事發經過、證件資料名稱、出生日期等等...之後我太太都要準備出發，救護員就逗仔仔笑分散佢注意力，不過仔仔可能太痛、不斷打冷震。 隨即我朋友都到達，本身救護車只可以一位家人陪同，之後朋友了解醫院位置？，救護員再檢查一下傷勢，正準備上救護車前，問我朋友有冇能力可以載仔仔去到醫院，我哋考慮過覺得情況許可，救護員俾左張 綠色 的大表格我哋準備交俾醫院。 救護員叫我哋前往醫院的兒童急症室：Children's A&E？ 好快去到醫院，因為COVID-19 關係，只可以由一位家長入內，原本太太陪仔仔，之後仔仔想由我陪伴就改為我陪仔仔。 護士同我講因為有好多病人處理，需要等一段時間，坐左5分鐘，有護士帶我同仔仔入房查詢事發經過、仔仔資料、過往病歷、藥物敏感等情況，並問我是否完完全全明白意思，我講我會盡力。 接著護士竟然問我想要邊一個語言翻譯，我當然選Cantonese？？？啦，護士話一定要我完完全全地明白意思。 之後護士就帶我同仔仔去見醫生，見到醫生做左簡單介紹同查詢，就打電話俾翻譯，真係廣東話既翻譯，並不是普通話，仲要等電話接駁時都等左一段時間，但醫生都好有耐性，之後重複問一次事發經過、仔仔資料、過往病歷、藥物敏感等情況睇下有冇錯漏。 之後就檢查傷口，檢查後，因為可能位置位於頭部，有另一位更高級醫生過來檢查，之後同我講先會用較簡單快速既方法處理，可以即時出院，如果不成功就需要住院及縫針，我同意醫生既做法。 一位醫生、兩位護士帶我同仔仔去另一間房即時開始處理，我可以陪伴仔仔同時，問我仔仔鍾意睇咩卡通，我話Peppa Pig，隨即就有Peppa Pig YouTube？ 俾仔仔睇著咁洗傷口同處理，處理左一段時間醫生同護士都係度觀察，好順利成功，仔仔都好叻忍住唔喊唔郁，醫生護士都不斷讚仔仔好勇敢。 醫生再次打電話俾翻譯，同我講如何護理（傷口5天內不可濕水、不可洗頭等等，如果有發燒、昏迷情況、嘔吐、神智不清，都要立即送仔仔返黎醫院，仲俾左份簡單既資料我睇及帶走。 講到呢度，一直我最關注既收費，我一直諗咁快有得睇、又2個醫生、又翻譯...呢鋪金啦，係處理仔仔傷口時，我問過一次收費，我仲諗住比claim form醫生填，之後醫生護士回覆我，「係唔會有任何收費❌？」Oh...my god! 超感動，我唔敢相信，我再叫翻譯幫手問多次，醫生話呢個係緊急服務，我地係冇任何收費。 之後我同仔仔就可以離開醫院，朋友好好載埋我地返Airbnb。 由救護車快速黎到？，醫院要我哋等一段時間其實只係5-10分鐘，2個醫生？？⚕️？？⚕️，仲有埋適合語言翻譯？？？，有咩事隨時叫我哋返黎，最後係免費，之後過2日仲要SMS？問我服務如何？想我提供意見。 Wow，好理想既體驗！ |
京士頓香港人 會員 86.xxx.xxx.207 |
2021-01-01 02:43 |
| [#3] 英國香港人記錄 申請英國學校的資訊: 申請小學時間表 (reception Class / Year 3) 英國小學是滿4歲後的9月初開學, 入讀Reception Class． 通常，每年1月15日前便要申請入學, 可以選多少間學校, 每間學校的收生條件可能有點不一樣, 請看Council 網頁的申請入學指南 不知道在哪裡申請, 可以在以下政府網頁輸入地址, 便可以轉去所屬Council 網頁 https://www.gov.uk/find-local-council 申請小學, 可以分入申請Primay School / Infant School / Junior School 即申請2021年入讀Reception Class, 或Junior School 的Year 3 申請2021年入讀Reception Class 的, 出世日子應該介乎 2016年9月1日至2017年8月31日 申請2021年入讀Year 3 的, 出世日子應介乎 2013年9月1至2014年8月31日. 留意, 基本上只有Junior School 會接受year 3 申請 在1月15日申請後, 會在4月16日公佈 (National Offer day) 若打算用BNO VISA 移民的話, 小朋友又剛好明年要入讀Reception class / year 3, 便要特別留意申請學校的日子了。 小朋友若到英國時是低年級, 又希望轉間更好的小學, 也可以考慮在Year 3 時轉校, 當然, 入唔入到, 好大程度都係靠地址, 不過, 跟地址派位, 點都易過插班 以下是過往文章大合集, 若對移民英國有疑問, 可以先看以下文章有沒有想知既資料 移民英國新手懶人包 (居住/學校/醫療/工作/交通/購物) https://jcinuk.blogspot.com/2020/11/blog-post_18.html 移民英國, 最常見問題 (英國簽證, 移民前後準備, 英國生活大全集) https://jcinuk.blogspot.com/2020/07/blog-post_4.html 最後修改時間: 2021-01-01 02:46:15 |
京士頓香港人 會員 86.xxx.xxx.207 |
2021-01-01 02:45 |
| [#4] 英國香港人記錄 Re:  |
京士頓香港人 會員 86.xxx.xxx.207 |
2021-01-01 02:50 |
| [#5] 英國香港人記錄 Re:  |
京士頓香港人 會員 86.xxx.xxx.207 |
2021-01-01 02:51 |
| [#6] 英國香港人記錄 如想申請BNO VISA, 請留意一些下面以前的人沒有提的, 如留意租住的居住面積 : 這是 Facebook in Winnie Chan 的分享 仲有一個月就可以申請香港BN(O)簽證，以下係一啲有關既資料，希望幫到大家。 1. 誰可申請？ 主要申請人應為BN(O)身分持有人，但不需持有仍在有效期內的BN(O)護照。 BN(O)身分持有人的近親亦可申請此簽證，當中包括： - 配偶，即丈夫或妻子； - 民事伴侶，即同性婚姻配偶； - 同居兩年或以上的未婚伴侶； - BN(O)身分持有人或其伴侶的18歲以下子女或孫子女； - BN(O)身分持有人的18歲以上子女（下稱「BN(O)家庭成員」）； - BN(O)家庭成員的配偶、民事伴侶或同居兩年或以上的未婚伴侶；及 - BN(O)家庭成員或其伴侶的18歲以下子女。 BN(O)身分持有人與其近親必須來自同一家庭，即通常一起居住。 此外，BN(O)身分持有人或其伴侶的18歲以上家庭成員，包括父母、祖父母、兄弟姊妹及子女，也可申請此簽證。但是，他們必須證明： - 由於年齡、疾病或殘疾，需要長期個人護理才能處理日常生活事務； - 與BN(O)身分持有人來自同一家庭，即通常一起居住；及 - 即使在BN(O)身分持有人或其伴侶的實際和財政上的幫助下，也無法在其移居英國後在香港獲得所需的協助，因為 (i) 無法使用該等協助，而在香港並沒有其他人可以合理地提供該等協助，或 (ii) 無法負擔該等協助。 2. BN(O)身分持有人及其家庭成員需要同時申請嗎？ BN(O)身分持有人及其家庭成員必須同時申請簽證，如果未能一同申請，其家庭成員將無法在未來申請此簽證。 3. 可以在英國申請嗎？ 申請人必須通常居於香港或英國，如果是後者，其可在英國申請簽證。 4. 有哪些財務要求？ 如果申請人在過去12個月或以上一直居於英國，即自動符合簽證的財務要求。 如果申請人在香港申請簽證或在英國居住不足12個月，則必須證明其有足夠的資金在英國生活至少6個月。 申請人的住所亦不應過於擠迫，應有足夠的空間容納所有家庭成員。 此外，如果第三方向申請人作出將為其提供支持的可靠承諾，申請人可依賴此承諾以證明其達到簽證的財務要求。 5. 申請費用是多少？ 申請人可申請有效期5年或30個月的簽證，前者的申請費用為250英鎊，而後者的申請費用則為180英鎊。 此外，申請人必須繳交醫療附加費，以享用英國國家醫療服務。18歲以下人士的醫療附加費為每年470英鎊，因此申請有效期5年的簽證需支付2,350英鎊。18歲或以上人士的醫療附加費為每年624英鎊，所以申請有效期5年的簽證需繳付3,120英鎊。 6. 可以報讀公立學校嗎？ 成功申請簽證的18歲以下人士可免費報讀公立學校。 7. 如果申請被拒可以上訴嗎？ 如果申請被拒，申請人可申請行政復審，但不能向法院提出上訴。 如果有其他問題，歡迎私訊。最後，祝大家新年快樂、移英成功！ 免責聲明：以上僅為作者個人觀點，並不旨在提供任何專業建議。 |
京士頓香港人 會員 86.xxx.xxx.207 |
2021-01-01 03:20 |
| [#7] 英國香港人記錄 Re: 居住規定  |
京士頓香港人 會員 86.xxx.xxx.207 |
2021-01-01 03:22 |
| [#8] 英國香港人記錄 From 逃走他鄉互助會 FB 租屋步驟 1. Tenancy Agreement 2. Tenancy Fee structure + 1 week holding 3. 5 weeks deposit 4. 6 Months Rental Fee 5. Inventory Check List 睇屋時裝置及損壞 6. Council Tax *要轉租屋人名*攞地址證明 7. 約3周收通知兩項 Deposit 業主要放在 8. DPS : Deposit Protection Scheme 9. Council Tax家庭成員有學生會減部份 10. 電,煤 要轉租戶名及可轉供應商 11. 水 冇得轉供應商因 1 only 12. Tariff Name 即前用户價目單可作比較 13. Compare the market/Uswitch網上比較 14. 電費&煤氣’留意有冇Cancel或Exit Fee 15. 上網速度ex: 1000m要£50-£60好貴 16. 上網速度其實100-200m可, 約£25+電話 17. 上網只有Virgin 用光纖比好及快 18. 上網其他公司都係用電話線所以比較慢 |
呀金 正式會員 221.xxx.xxx.63 |
2021-01-01 03:27 |
| [#9] 英國香港人記錄 真係唔好咁快去打武肺疫苗, 下面兩條片一定要睇, 睇完自己決定打唔打疫苗 : 這個疫苗分析第一步, 如覺悶, ;由14:57開始睇總結.... |
京士頓香港人 會員 86.xxx.xxx.207 |
2021-01-01 04:36 |
| [#10] 英國香港人記錄 我又補充少少租屋的經驗 : 1. 在Rightmove 或 Zoopla 睇啱間屋, 直接打電話去地產, 比資料約睇樓, 如用電郵有排唔覆, 英國人做野慢吞吞, 小心 2. 睇啱, 比offer 業主, 現在的業主已開始要求預交 12, 18, 24個月租金先肯租, 睇你撞唔撞到個肯收6個月業主, 你可以同佢拗, 睇你功力 3. 當你接受業主要求, Agent 會叫你交一星期租金做按金等他們抽起廣告, 但如果業主不只放一間地產, 其他的地產 是不會抽起的, 不過都會比, 取消交易地產會退回按金 4. 簽合約, 安排付租金及5個星期押金 (之前的一個星期按金可加上去, 即比四星期押金), 5. 收屋時, 一些正規的業主會請驗屋公司同你一同驗屋並記底有甚麼問題, 佢地會提交一份完整報告給你及業主 簽名確認, 日後你交回屋時會以此報告驗收間屋是否要賠錢, 如業主無請人就要要同業主一同收屋並檢查, 記 得影相做證 其他就同上面所講一樣 |
京士頓香港人 會員 86.xxx.xxx.207 |
2021-01-01 05:48 |
| [#11] 英國香港人記錄 各區好學校與樓價資料(應該唔係全英國, 可能只是倫敦區) :  |
京士頓香港人 會員 86.xxx.xxx.207 |
2021-01-01 08:35 |
| [#12] 英國香港人記錄 facebook Louis Pang 分享 : 港人買英國樓知多一點點？？？ 隔海買樓風險極高, 網上盤資料不可盡信, 在港推銷盤亦未必筍及合你個人需要。多層公寓及紅磚屋各有優劣，多睇多了解不可急，若能先租後買更穩妥合意(冇在英收入紀錄多要預繳6個月租金) !!! ？好重要好重要？，應實地睇樓盤，請睇埋我以下最後一段的經歷你就更易明白。睇樓除了睇室內狀況，亦要留意景觀方向(東西向有陽光入屋)、私隱度及寧靜程度、週邊環境地勢及人種、治安(不要太近球會洒吧)、生活配套、交通、校網、警署醫院消防...及有冇較安全的私家泊車位等等 !!! 我不知新樓詳情, 若買二手樓, 即使賣方接受你的offer, 仍是"subject to contract", 一日雙方未簽名在Exchange of Contract合約上, ？？任何一方都可終止買賣？？, 冇落細訂反口賠訂的做法，但你的"Homebuyer Report" surveyor fee(新樓就可免)及律師費就白花了。 知道最差情況下，有人第6次才成功收樓，時間長短有幸有不幸。 已交吉(空置)又唔使做按揭, 對方又無須等chain完成, 是freehold property, 律師對你的source of fund審查亦順利不煩瑣, 仲要疫情不影響各項手續速度, 才有機最快5~6個星期完成交易, 否則拖幾耐都有可能 ! ？？可去Rightmove網站了解買樓流程及上網看看目標樓postcode的crime rate history。 祝君好運 ？？ 註： 1) 在曼城買屋，本地agent免買家佣的。 2) 有煙通的屋都是3~40年以上, 不過仍安全, 注意一吓水電媒設施及有冇漏水便可, 一些已翻新得很不錯 ! 3) Leasehold property 若是100年內約滿，銀行多不願做按揭，因此再放售較有難度。仲有Lease內指定的management fee及日後增幅可能好不合理，你俾硬冇得改變，見過每10年倍增一次，要小心睇清楚 ! ？？ ************************************** ？？？絕對要睇實樓，才知agent不會講你知的潛在問題？？？ 1) 我有一次揀屋，網上見到面對大塊草地公園又向東西(英國多陰濕，有太陽入屋才是好事)，仲好近警局， 以為好正好安心..., 去到實地才知是低窪地區，落大雨水浸間屋或成為"在水中央" !!! ？？？？ 2) 又有一次去到實樓，才發現網上啲室內照片是8年前再上一手業主影落的相，已殘廢了一半，死未 ?! ？？ 3) 再有一次，見到一間好新淨嘅樓，又近輕鐵站火車站同巴士總站，附近仲有大型超市及各式商舖，似乎超方便，但原來面對工業村，成日風煙四起，點住呀 ?! ？？ |
京士頓香港人 會員 86.xxx.xxx.207 |
2021-01-01 08:37 |
| [#13] 英國香港人記錄 另外要交passport同銀行卡資料的平台, 自己想清楚先好入, 佢重要你交不同的費用, 好明顯不是幫香港的手足, 因為手足邊有咁多閒錢去入會 |
京士頓香港人 會員 86.xxx.xxx.207 |
2021-01-01 08:42 |
| [#14] 英國香港人記錄 現在去到英國是申請不到 NI number(國家保險編號) 的, 因為由上次 lock down 後, 該部門仍然未開工, 打電話是 無人聽的, 現在英國更加有3份2地區 Tier 4 lock down, 都唔知幾時至開反, 不過一定唔會短期內, 想過嚟立即搵野 做的人要有心理準備過唔到NI呢關而唔請你, 即係見完工最後會得個吉嘅心理準備 |
京士頓香港人 會員 86.xxx.xxx.207 |
2021-01-01 08:49 |
| [#15] 英國香港人記錄 英國的口罩9成是 made in China 同貴, 25-45鎊 一盒50個(不同地區不同價錢), 如果想用日本或台灣口罩就要自己帶過去, 可以跟行履上飛或用船運 (兩樣一齊重好), 而酒精同手液可到英國後在 Amazon UK 買, 5L 裝都只是 17鎊幾, 係made in UK, 品質好好, 街上只有手液賣重好貴, 唔好在Boots買手液, 用後你會知點解, 當買個樽就無所為, 又或者你隻係地盤手咁又唔怕用, 不過都係貴 題外話, 如首次登記 Amazon UK, 有30日免費使用Prime 送貨, 一定要試用, 收件好快, 超正 |
京士頓香港人 會員 86.xxx.xxx.207 |
2021-01-01 09:02 |
| [#16] 英國香港人記錄 多謝分享！ 京士頓香港人 CHing 大約生活在英國那裡？移民英國多少年？Thanks! |
simpleman 正式會員 203.xxx.xxx.83 |
2021-01-01 11:30 |
| [#17] 英國香港人記錄 正POST。多謝分享。 |
Joeyd 正式會員 138.xxx.xxx.91 |
2021-01-01 11:42 |
| [#18] 英國香港人記錄 多謝分享! |
Seagull 正式會員 42.xxx.xxx.58 |
2021-01-01 11:51 |
| [#19] 英國香港人記錄 我是今年10月22日用LOTR留在英國, 現在住係倫敦 Kingston 區 |
京士頓香港人 會員 86.xxx.xxx.179 |
2021-01-01 12:16 |
| [#20] 英國香港人記錄 樓主好人好事！多謝！ 好人一生幸福。 最後修改時間: 2021-01-01 12:54:29 |
Krell 正式會員 116.xxx.xxx.124 |
2021-01-01 12:53 |
