| 談天說地主旨 ﹝請按主旨作出回應﹞ 下頁 尾頁 | 寄件者 | 傳送日期
|
| [#1] 全球 Graduate Jobs 正在消失 好恐怖 大學畢業 無父幹, 點算 ---- 【人事世界】全球 Graduate Jobs 正在消失：年輕人正面對的新職場寒冬 – Sydney HR的日與夜 2026年06月16日 呢排一直在講 AI 點樣影響職場生態同未來發展，話口未完，最新數據顯示，香港大學畢業生職位市場正出現近年最嚴重寒冬。適合大學畢業生的全職職位空缺，由 2023 年逾 87,000 個，大跌至 2025 年約 30,798 個，跌幅超過五成半。20 至 24 歲青年失業率亦升至 12.3%。好多人第一時間會將問題歸咎於經濟差、樓市疲弱、金融低迷，甚至北上消費。但如果將視野拉闊，其實你會發現：呢場 graduate job collapse，根本唔止香港，而係全球同步開始出現。 而背後最大原因之一，咪就係一直討論緊嘅 AI。 過去幾年，全球企業一直高調講 AI。由 ChatGPT、Copilot，到 AI agents、自動化 workflow，幾乎所有大型企業都話要做「AI transformation」。但好多人一直以為，AI 最先取代嘅會係藍領工作，又或者中高層專業人士，reality 反而完全相反。 而家最先被壓縮嘅，原來係 career ladder 最底層的一批。 最近 Oliver Wyman Forum 同紐約證券交易所（NYSE）對近 500 名 CFO 嘅大型調查，其實已經講得好白。64% CFO 表示，未來幾年 finance function 會逐步減少 junior roles；91% 更預計整體 headcount 只會持平甚至減少。企業結構開始由以前金字塔式，慢慢變成中間肥厚、底層收縮嘅「鑽石型」。 而 AI 最先取代嘅，正正就係以前 graduate 最常做嘅工作，例如 data entry、spreadsheet analysis、report drafting、document review、market research、routine administration、customer support、basic coding 等。以前呢啲工作需要大量 junior 去做，但 Generative AI 最擅長處理嘅，正正就係呢啲重複性、規律性、文件導向工作。 以前一個 analyst 可能要幾個鐘做 report，而家 AI 幾分鐘完成。以前 HR 要逐份 CV 睇，而家 AI recruitment tools 已經可以自動 screening。以前 customer service 要大量人手覆 email，而家 chatbot 已經開始處理大部分 routine enquiries。 於是，企業開始出現一個非常現實嘅問題：「如果 AI 已經做到，點解仲要請咁多 fresh graduates？」有企業為咗慳錢，甚至未等 AI fully mature，就已經開始停止招聘。 哈佛大學最新研究分析超過 6,500 萬名員工數據後發現，採用 generative AI 嘅企業，junior employment 六個季度後平均下跌約 9%，但 senior employment 幾乎無跌。更值得留意嘅係，junior jobs 減少並唔係因為大規模裁員，而係企業「唔再請人」。即係話，而家最大問題，未必係有人失業，而係年輕人連入場機會都開始消失。 研究甚至發現，自 ChatGPT 喺 2022 年推出後不久，大量企業已經開始減少 graduate hiring，即使當時好多 AI systems 根本未全面部署。即係管理層已經提前根據「未來 AI 可能做到乜」去改變 hiring strategy。換句話講，而家年輕人已經開始為「未真正全面發生嘅 automation」付出代價。 而呢個其實係全球現象。雖然澳洲不嬲慢半拍，但其實都開始出現非常明顯訊號。全球企業調查指出，39% 公司已經因 AI efficiency 削減 entry-level roles，另有 43% 表示未來一年會進一步削減。澳洲方面，8% 僱主已完全停止招聘 entry-level staff，30% 則已放慢 graduate recruitment。 而澳洲 Big Four accounting firms 近年亦開始縮減 graduate intake。部分 audit、compliance、routine reporting 工作，已經逐步交由 AI 系統處理。以前大量 graduate accountant 做嘅工作，而家 automation 已經開始接手。 Software industry 更加係重災區。Stanford Digital Economy Lab 研究指出，美國 22 至 25 歲 software developers 就業人數，由 2022 至 2025 年間大跌近 20%，但 senior developers 幾乎無明顯跌幅。即係 AI 並唔係平均取代所有人，而係非常精準地由 career ladder 最底層開始向上壓。 吊詭嘅係，企業一邊不停講 succession planning、leadership pipeline 同 future talent development，另一邊卻開始減少 junior hiring。問題係，如果而家唔再請 juniors，十年後嘅 seniors 又喺邊度出現？ 過去喺唔同行業，其實一直都有 apprenticeship system。年輕人由最基層工作開始做起，慢慢學習、建立 judgement、累積經驗，最後先成長成 manager、director、partner。 但而家 AI 最先取代嘅，正正就係呢個 learning stage。企業可能短期提升 productivity、減低 headcount，但長遠其實正在破壞整條 talent pipeline。簡單啲講，如果今日無人入行，十年後自然無人接班。 而呢個現實，開始形成一種全球性心理變化。 以前大學生相信，只要努力讀書、考好個 degree、入大公司，由 junior 開始做起，人生總有向上流動機會。不幸地，而家愈來愈多年輕人開始感受到：個世界可能已經唔再需要咁多 entry-level white-collar workers。能夠成功，最後可能變成要靠關係、靠引薦。咁，努力又為咗乜？ 更深層次問題係，AI 其實正在改變整個 white-collar economy 運作模式。以前企業需要大量初級員工處理 repetitive tasks，再由中層管理協調 workflow，最後由 senior management 做 decision making。但而家，Generative AI 同 AI agents 已經開始直接介入 workflow 本身。 以前一份 market analysis report，可能需要 graduate analyst 花兩三日整理數據、做 PowerPoint、寫 summary。而家 AI 幾分鐘已經可以完成初稿。以前 junior accountant 要做大量 reconciliation、checking、compliance review，而家 automation systems 已經開始接手。以前 law firms 要 trainee lawyers 做 document review，而家 legal AI 已經開始做到。 問題係，過去好多 professional judgement，其實都係喺做呢啲「低階工作」過程中慢慢培養出來。當 AI 開始取代 learning process，本身就可能影響下一代專業人才成長。 所以而家開始有學者擔心，企業可能短期慳到人工、提升 productivity，但長遠會出現「人才斷層」。 因為 senior management 唔會突然憑空出現。過去所有 director、partner、executive，全部都曾經做過最基層工作。但如果而家企業停止培養 juniors，十年後自然會開始出現 leadership shortage。 而更加現實嘅，係而家好多年輕人已經開始改變人生規劃。 以前讀 finance、accounting、IT、business，大家會覺得穩陣、有前途。但而家愈來愈多人開始懷疑：如果 AI 最先取代嘅，就係 graduate jobs，咁讀呢啲科仲有冇意義？ 呢種心理變化，其實可能比失業本身更加危險。 因為當年輕人開始失去對 career ladder 嘅信心，影響嘅，將唔止係 employment market，而係成個社會對未來嘅想像。唔少行業其實已經開始出現青黃不接現象，而 AI 嘅出現，只會進一步加快呢個 process。 所以，成也 AI，敗，也可能係 AI。 作者：Sydney HR 的日與夜 關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。 SOURCE : https://points-media.com/%E6%9C%80%E6%96%B0/%E3%80%90%E4%BA%BA%E4%BA%8B%E4%B8%96%E7%95%8C%E3%80%91%E5%85%A8%E7%90%83-graduate-jobs-%E6%AD%A3%E5%9C%A8%E6%B6%88%E5%A4%B1%EF%BC%9A%E5%B9%B4%E8%BC%95%E4%BA%BA%E6%AD%A3%E9%9D%A2%E5%B0%8D%E7%9A%84/ |
Chia  正式會員58.xxx.xxx.223 |
2026-07-29 11:53 | |
|
|
|||
| [#2] 全球 Graduate Jobs 正在消失 我都有呢個疑問, 冇Junior 邊度嚟senior? Junior 以前100個可能得兩三個可以上到位。而家請10個, 有幾多個真係啱用？ 10年之後可能冇辦法夾硬上去. |
sbug 正式會員 111.xxx.xxx.51 |
2026-07-29 14:00 |
| [#3] 全球 Graduate Jobs 正在消失 由痔入㷫 |
DeepSea^^ 正式會員 42.xxx.xxx.244 |
2026-07-29 14:07 |
| [#4] 全球 Graduate Jobs 正在消失 都未入直路，有排削。 |
lym 正式會員 193.xxx.xxx.204 |
2026-07-29 19:07 |
| [#5] 全球 Graduate Jobs 正在消失 |
vitz 正式會員 221.xxx.xxx.17 |
2026-07-29 21:29 |
| [#6] 全球 Graduate Jobs 正在消失 Elon Musk話,遲D佢搞地球人移民去火星,你地信唔信???? |
daniel-chui 正式會員 113.xxx.xxx.237 |
2026-07-29 23:04 |
| [#7] 全球 Graduate Jobs 正在消失 re #1 ,------＞""以前讀 finance、accounting、IT、business，大家會覺得穩陣、有前途。但而家愈來愈多人開始懷疑：如果 AI 最先取代嘅，就係 graduate jobs，咁讀呢啲科仲有冇意義？"" 細心想想,老板將accounting職員炒左,用AI代替.咁佢去夜總會張十萬元單,AI系統會否入數?????(大學生做accounting,先要捱Aidit一關) |
daniel-chui 正式會員 113.xxx.xxx.237 |
2026-07-29 23:16 |
| [#8] 全球 Graduate Jobs 正在消失 YT 見有人去賣魚,比送外賣更是歷史新低 |
alexanderkoo 正式會員 113.xxx.xxx.46 |
2026-07-30 05:52 |
| [#9] 全球 Graduate Jobs 正在消失 想唔失業，學啲A l 冇法子做的工作，通坑渠、電工等，大學生已經冇前途！ |
浩男123 正式會員 45.xxx.xxx.57 |
2026-07-30 07:18 |
| [#10] 全球 Graduate Jobs 正在消失 AI機械人教師 |
iku000 會員 46.xxx.xxx.193 |
2026-07-30 10:08 |
| [#11] 全球 Graduate Jobs 正在消失 AI 取代好多文書技能， 以前開一啲 board meeting， 都要一兩個熟手大秘書planning同做筆記， 近年週年秘書都可以收皮， 叫一啲有分開會比較低級嘅managers兼任做埋統籌及秘書工作， 因為即場電腦take notes， AI generate minutes 同report。 IT 同 Accounting 一樣死， 唔係話唔需要人手， 不過以前兩三個人做嘅嘢,依家一條友可以搞掂。 |
Drhandguns 正式會員 109.xxx.xxx.175 |
2026-07-30 18:07 |
| [#12] 全球 Graduate Jobs 正在消失 作為xx 公司顧客，或潛在顧客，都唔講查詢者，問親嘢都係等、等、等人［機械人］接，永遠冇人直接聽及回答，作為前述人士，你感覺好爽？ AI 俾到你方便？俾到你同呢啲公司交流嘅satisfaction ? |
degalle 會員 125.xxx.xxx.57 |
2026-07-30 18:48 |
| [#13] 全球 Graduate Jobs 正在消失 潛水教練應該有排都唔能夠取代得到 |
sbug 正式會員 187.xxx.xxx.230 |
2026-07-30 18:53 |
| [#14] 全球 Graduate Jobs 正在消失 蟲兄，而家機器人可以耍幾招，打下功夫，翻筋斗，尚未可以玩潛水^_^ |
degalle 會員 125.xxx.xxx.57 |
2026-07-30 18:59 |
| [#15] 全球 Graduate Jobs 正在消失 感覺下一個被淘汰既職業 應該係做雞, 而家d仿真机械人樣貌愈來愈靚, 手感愈來愈真, 可能有n種反應, 温度同叫聲選擇, 售後定期更換服務.麻乜佬買個反屋企, 過蚓過娶老婆. |
Totocrazy 正式會員 219.xxx.xxx.90 |
2026-07-30 22:38 |
| [#16] 全球 Graduate Jobs 正在消失 基本上所有整天對住電腦做野既職位都入於高危。 |
lym 正式會員 193.xxx.xxx.207 |
2026-07-30 23:07 |
| [#17] 全球 Graduate Jobs 正在消失 要積極的,大學要加埋職業課程,劏魚切肉,考電單車牌,唔好幻想一出來就做AO,家長亦要調節心態 |
alexanderkoo 正式會員 119.xxx.xxx.18 |
2026-08-01 07:12 |
| [#18] 全球 Graduate Jobs 正在消失 補習老師都好大鑊，不論練習試題、過住試題、預測試題、考試技巧、答案和比分標準，AI 都有詳盡答案和解釋。 |
DeepSea^^ 正式會員 218.xxx.xxx.32 |
2026-08-01 08:59 |
| [#19] 全球 Graduate Jobs 正在消失 唔同意，AI 有，乜料都有，係咪代表學生能全部吸收？學生好多時並非唔齊料，而係篩選有用嘅，去蕪存菁並指導，糾正，AI 可以代替補習老師個人面對面授及督促？人類需要more than 冷冰冰嘅文字。 |
degalle 會員 125.xxx.xxx.57 |
2026-08-01 17:37 |
| [#20] 全球 Graduate Jobs 正在消失 我更悲觀，因為根本不需再有學生。 |
lym 正式會員 14.xxx.xxx.253 |
2026-08-01 17:57 |
