| 影音軟件主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#81] 鼓動心弦 師兄,你未聽過小提琴之皇帝所拉之小提琴,真的出神入化! 能把小提琴拉到如此有力,世上亦只有他! 嬌美細緻,只是一般小提琴手的要求而已 |
k.c.78 123.xxx.xxx.141 |
2016-07-20 22:08 | |
|
|
|||
| [#82] 鼓動心弦 #80,#81 兩位所提到的情況,係無衝突嘅。快與慢,都應該盡量同真聲比較。同理,皇帝拉的小拉琴咩聲,一切與接近真實(相對客觀標準)比較。最重要就係,假設真實皇帝之小提琴音是中提琴咁豐厚,但在小弟套野播放出嬌柔的小提琴,就是套野/CD制作唔合格,有嚴重音染和失真。千萬古琴之音色,播成通利入門小提琴咁聲,就大大鑊。@@ 要搵出究竟係皇帝真正拉出中提琴音?CD錄制成中提琴咁聲?系統播出中提琴聲?當中變數極大,小弟興趣亦在於此。系統要不斷完善丶耳仔亦要多豐富聽感丶尋找更好制作的CD,有排玩! 最後修改時間: 2016-07-20 23:12:41 |
hkcyli 14.xxx.xxx.76 |
2016-07-20 23:07 |
| [#83] 鼓動心弦 hkcyli兄, 但好多時,CD(或其他載體)錄音裡真實嘅聲音到底是怎樣,是無從得知的,舉例,我相信蔡琴把聲係「老歌」隻碟入面嘅「真聲」應該係點,除了當時有參與過此錄音嘅人,不會有太多人會聽過,更加冇從去做對比「真聲」的比較,而我個人認為,碟入面蔡琴把聲,係會閱耳過佢把「真聲」 而#76提到嘅小提琴聲,其「真聲」應該會係拉成點,我相信師兄都係未聽過,判斷都只能靠過往聽過嘅小提琴「真聲」,對比用其他器材去播放嘅分別,及自己的喜好來作準則吧了! |
ccli1996 1.xxx.xxx.84 |
2016-07-20 23:38 |
| [#84] 鼓動心弦 ccli1996兄, 所以小弟選擇古典、中樂等作為真聲的調教標準,取其各樂器都有機會聽下現場發聲特質,另外就是CD錄音制作,相對流行歌曲,少D加料。至於琴音特色,無計,只有聽多D所謂真聲為標準的系統,豐富自己的聽感再反覆對照現場的特質。所以可以玩好長久的玩意。=D 如果搵人聲如阿姐(出哂名,把聲其實係混音師的後期大改作而成,敎聲千其咪搞! |
hkcyli 14.xxx.xxx.76 |
2016-07-21 00:04 |
| [#85] 鼓動心弦 同意,古典及中樂錄音制作相對會真實啲,也容易啲去聽到現場演奏「真聲」來作比較,算是盡量做到客觀了 其實即使係古典或中樂CD,從音響器材播放出來嘅聲音,都只會係經過混音師,調整完出嚟嘅版本,同原來「真聲」會差幾遠,都好難會知道,我覺得某啲地方,都係會靚過真聲(如空氣感,定位之類於現實現場去親耳聽,都唔係咁聽得到及聽得清楚嘅聲),總之聽得開心,滿意便是了 最後修改時間: 2016-07-21 00:43:32 |
ccli1996 1.xxx.xxx.84 |
2016-07-21 00:39 |
| [#86] 鼓動心弦 今早打咗水蛇春咁長的回應,突然彈咗出去,冇哂!@@ 遲D再打過。 |
hkcyli 14.xxx.xxx.240 |
2016-07-21 09:05 |
| [#87] 鼓動心弦 真聲所指係真樂器的聲,比較容易掌握。樂器在不同的演奏廳就有不同的效果聲音,例如堂音丶迴響等,比較複雜難掌握。 重播還原真聲,演奏地點/演奏/録音/混音/制作CD/重播系統/重播環境,每一個環節都要係以還原真聲的理念,才會重播出接近真聲的境界。作為發燒友,就是找尋當中理念一致的產品。 當中比較可以依靠的客觀標準,就是真樂器的聲音,HiFi路才不容易迷失,人云亦云。 今日吹大咗。@@" |
hkcyli 14.xxx.xxx.240 |
2016-07-21 21:05 |
| [#88] 鼓動心弦 師兄講得冇錯,真聲是比較易掌握的 但以自己聽過都算不少嘅現場古典現奏會,雖然大部分都只是在同一場地(文化中心),我想帶出嘅所為「真聲」,是即使你坐到文化中心樓下堂座正中前十排內(呢個位置我都聽過唔少次),你嘅聆聽位置跟演奏樂器嘅距離,其實都仲係好遠下(就算只計與協奏曲中嘅獨奏演奏家嘅距離,都有十多廿十米),你所聽到樂器嘅遠距離「真聲」,好多時係唔及你聽到經由CD播放出嚟嘅「錄音」聲,因為好多時啲樂器聲是由多咪近距離收錄,再由混音師調整後編排入CD裡面,樂器聲嘅細節,微動態,樂器嘅定位,前後立體感,空氣感及堂音之類,對比起係現場聽到嘅遠距離真聲,好似有如加咗「放大鏡」咁,拉到去你耳仔附近演奏一樣,不過咁嘅「錄音」聲,我認為比起現場「真聲」更為好聽及閱耳,但如真係好嚴格咁去做客觀「真聲」與「錄音」聲比較,就真係唔太曉得點去比較了,總覺錄音點都要加點味精,「太寡」嘅「真聲」聽落才會覺得閱耳好聽啲,即係錄音後擺落去播放媒體嘅「聲音」版本係要靚過「真聲」先得,又係大大吹一番 最後修改時間: 2016-07-21 21:44:56 |
ccli1996 1.xxx.xxx.84 |
2016-07-21 21:42 |
| [#89] 鼓動心弦 講番兩隻「鼓」碟啦! 我覺得兩隻碟都係靚錄音嘅天碟,不過就應該算是有鼓嘅敲擊樂,多過是以鼓為中心嘅鼓樂了 而兩碟中,就以「鼓舞心弦」中第一首,「金戈鐵馬入夢來」裡嘅深沉大鼓聲,跟鬼太鼓聲最為相似的,其他就唔太有印象了 最後修改時間: 2016-07-21 22:20:25 |
ccli1996 1.xxx.xxx.84 |
2016-07-21 21:57 |
| [#90] 鼓動心弦 我明白你意思,CD的聲部訊息量,往往比現場聽更全面,亦同意。特別是文化中心、甚至大會堂,現場不同位置有唔少聲部被掩蓋。這個關乎演奏場地/演奏者功力(例如有次在文化中心,女高音D聲幾乎聽唔到,功力差。) 錄音,多咪,單咪,雙咪,三支咪,Decca Tree, 各有不同特色,各廠牌的特色之處,但最終一曲古典演奏,畢竟是在舞台演奏。所謂真,就是舞台的闊丶高丶深的空間中,各聲部各就各位的發聲點合奏音色,亦即所謂的聲部定位丶空間立場感。重播接近還原舞台,為最高客觀標準。即要有賴CD制作/重播系統/重播環境,要下功夫。 CD廠牌,各有秘技,各有特色。例如菲利浦,喜歡特出主角聲部,像小協,支小提琴比例比其他聲部大很多,甚至比第一小提琴的聲部還要大。好處係聽小提琴更清楚,但就失去現場的聲部平衡比例。上次介紹隻Britten就平均合比例好多。有此評價,亦係基於現場舞台而來。在云云碟海中,揾啱自己聽的好碟(主觀)靠佢(客觀)。 |
hkcyli 14.xxx.xxx.240 |
2016-07-21 22:34 |
| [#91] 鼓動心弦 #89 如果可以的話,帶同兩隻"心弦"和隻有「問題」鬼太鼓家訪,現場交流下聽CD心得?=) |
hkcyli 14.xxx.xxx.240 |
2016-07-21 23:05 |
| [#92] 鼓動心弦 明白師兄觀點,對我而言,播放出來嘅聲,跟真實聽到嘅聲音,畫面不一樣,已視之為「失真」,但「失真」之中,如果是由器材所引起嘅,通常都唔會令到啲聲好聽咗,但如果係係錄音或混音時刻意加入去嘅,就有機會令人聽得比真聲更好聽嘅感覺,至於點樣去品評加咗「料」或調過味嘅錄音之中,那些是「真實」,「像真」嘅聲,如師兄提及嘅舞台感,聲部定位,我自己覺得最難重現嘅,會係個舞台大少,尤其是現場音樂個能量感,相信跟器材嘅重播能耐有很大關係,比起CD錄音會大得多,我經驗現場聽到,特別係吹奏管樂聲出嚟嘅能量感,音響器材所發出嚟嘅感覺,實在差太遠了,管風琴就更不用比較了! 最後修改時間: 2016-07-21 23:31:48 |
ccli1996 1.xxx.xxx.84 |
2016-07-21 23:28 |
| [#93] 鼓動心弦 啱喎,對比現場,CD系統重播的舞台大小丶能量感,就是按比例地縮細減弱在家居兩個喇叭之間。超接近現場的舞台大小和能量感,就是越電的重播。=P "鼓動心弦"就是一隻能量感接近真實的制作。 |
hkcyli 14.xxx.xxx.240 |
2016-07-22 00:02 |
| [#94] 鼓動心弦 有以下兩隻碟的朋友,可以試聽一下。同樣是西貝流士小協,不同場地錄音。左手的小提琴特出,右手的小提琴融和於樂團中。兩種不同的效果,那一種更接近現場? ![]() |
hkcyli 14.xxx.xxx.34 |
2016-07-22 10:03 |
| [#95] 鼓動心弦 曾經在大會堂聽過以下號角樂團表演,剛好坐在後排中間位置。最有意思就係,之後場外有録音CD出售,排隊搶購,急不及待回家欣賞。 不同場地錄音與表演場地,有着相同的聽感特質(舞台濶丶深丶高,各聲部定位發聲點的特質丶量感與聲音擴散特性,合奏音色之變化,各大小號角吹奏的音色能量變化,Trumpt 如何吹出青蛙呱呱叫),一次客觀的現場與系統的聽感比較之旅。 ![]() |
hkcyli 14.xxx.xxx.34 |
2016-07-22 10:39 |
| [#96] 鼓動心弦 錄音的年代也有很大影響,器材不同,當時流行的錄音和擺咪方法亦會不同,後制也有不同,出來的聽感自然不同。如上面兩隻西貝小提協,一隻錄於60年立體聲早期,一隻於80年. |
lym 180.xxx.xxx.24 |
2016-07-22 10:50 |
| [#97] 鼓動心弦 真的,不同年代,不同唱片公司,不同錄音師,不同的場地,都有不同的特色。仲要有不同的演譯風格,聽卡屎,真係玩過世㗎! |
hkcyli 14.xxx.xxx.34 |
2016-07-22 15:25 |
| [#98] 鼓動心弦 #95 師兄聽完現場演奏,回家再聽CD裡同一曲目時,都咁滿意家中重播出來嘅聲音表現,實在難得難得 小弟剛好相反,聽完現場演奏,當晚回家就不能(其實是不想)再聽回同一曲目,因為家中套Lo Fi重播出嚟嘅聲,跟現場聲比,實在相差太遠了 |
ccli1996 1.xxx.xxx.84 |
2016-07-22 23:22 |
| [#99] 鼓動心弦 嗱嗱!無話滿意等於一樣呀!望到尾燈已經算贏咁解,仲有大段距離。><" |
hkcyli 14.xxx.xxx.216 |
2016-07-23 01:11 |
| [#100] 鼓動心弦 繼續吹水,呢隻嗩吶為主的CD,第一首大鼓有接近"鼓動"的水平,深沉飽滿有勁,在遠後方的一支配角哨吶,和前方的主角嗩吶,唱和有序,吹出立體深遠空間。 雖然嗩吶能量感,有未能去到盡的感覺,夠矣!其他中樂樂器音質出色,又一隻聽感爽快CD制作! ![]() |
hkcyli 14.xxx.xxx.76 |
2016-07-23 11:14 |