影音軟件主旨 ﹝請按主旨作出回應﹞ | 寄件者 | 傳送日期 |
[#1] 遇見 - 鮑比達 & 蔡琴 小弟愛好jazz音樂, 由 CD 轉玩黑膠年餘 深被 LP 的音質感動. 想不到花錢將 CD 追求的理想的境界, 居然一隻簡單的 LP就可以做到. 初初涉獵黑膠,如有錯漏,請各師兄不吝指正. 但求大家開開心心!謝謝! ______________________________________ 遇見 - 鮑比達 & 蔡琴 細個睇 “龍珠”, 覺得 “比達” 呢個名好型! 原來真係見人用左, 睇返又冇咩咁特別型丫 hee hee. 言歸正傳, 買呢隻碟當然唔係為左 “比達”, 都唔係為左 “蔡琴”. 係為左 “缺口” 呢首歌頭果十幾秒0既清唱 “嗯…….唔……..”. 我真係好中意聽. 真係令人好舒服! 會淡淡咁滲出一絲絲,一絲絲收埋0係心底0既情感. 可能係關於某一個人生片段, 某一個記掛的地方, 某一個人又或者… 有一次上個course, 當中一課老師播左呢隻歌俾我地休息時聽. 就係咁: “我諗我有少少鍾意左佢^^” 買左cd, 聽完又聽.. 轉聽黑膠之後, 發現原來佢有出黑膠就馬上買左. 正正因為呢隻cd聽得太多了, 一播黑膠就即時明白了 cd 及 vinyl record的分別!! “遇見” 當中仲有好多經典名曲. 有d係必聽的舊歌, 但後生仔, 包括我地呢d “Young Adult”都一定會知道的名曲 好似 “明天你是否依然愛我”, “大約在冬季”, “不了情 & 新不了情” 同埋 “ 把悲傷留給自己” 而歌曲的類型仲好豐富添! “大女人” 同埋 “把月光射下來” 都係得意之作. 如果同我d朋友仔一樣, 諗起 “蔡琴” 就只係諗起 “被遺忘的時光” 什至歌名都唔識, 只係想起 “無間道” , 咁就真係太浪費了~ 總結一句 “遇見”都係一隻可以一直聽到尾的好碟! |
kf2kin 正式會員 116.xxx.xxx.162 |
2010-05-20 12:08 | |
|
按照傳送日期顯示:由舊至新 由新至舊 |