| 影音軟件主旨 ﹝請按主旨作出回應﹞ | 寄件者 | 傳送日期
|
| [#1] 蔡琴老歌AMCD聽後感 今晚終於有時間聽吓呢隻 蔡琴老歌AMCD. 初聽第一首開頭, 嘩! 完全無噪音! 實在利害! 聽多兩句, 點解AMCD一反常態, 錄音電平咁低呢? 同隻三洋頭版一樣咁細聲, 要開到-16dB黎聽. 繼續聽, 痴痴地等, 就是我在等琴姐把聲爆出黎, 可惜無.... 有D失望. 第二首, 嘩!! 做乜佢又打回原形? 馬上衝埋部機扭番細聲, 要減番5~6個dB!! 終於等到了, 等到AMCD既特性出番黎. 之前第一首音場平得要死無動態, 家陣D音樂感出番黎了~ 音樂聽落圓渾得來好似有D回聲咁(24bit空間感), 高音分析力係AMCD既強項, 仲有低音效強. 呢個情況就好似本來喺音場中一D要用少少注意力先聽到既細微樂器, 就擺左上你面前好清楚. 遺憾既係, 琴姐把聲爆得唔靚, 好似被按住出唔到黎咁. 呢個情況, 大概係壓縮動態所致. 要清晰咁聽到音樂細節, 定係一個原整同埋定位正確既音場, 大家就要自己揀了~ 其他歌曲沒甚麼意外驚喜或失望, AMCD音色在意料之中. 整體來講, 這碟是合格的, 只係第一首音色平板得好似同其他歌格格不入咁... 如果同三洋版比較就只能講係兩種唔同既演譯方法. 個人而言, 三洋版是大獲全勝, 無論動態或者平衡度, 聽完你會感歎新不如舊; 唯一係底聲有微量sisi聲(用de-emphasis後都仲有少少, 可能用左dithering)... 然而三洋版原碟反相又pre-emphasis, 如果喺電腦聽就要做好多功夫, 要發揮得好聲就會好麻煩. CD機/DAC有de-emphasis, 播就乾脆反轉喇叭線聽攪掂. 最後修改時間: 2011-06-25 22:44:16 |
kencheung810 正式會員221.xxx.xxx.33 |
2011-06-25 22:27 | |
|
|
|||
| [#2] 蔡琴老歌AMCD聽後感 無噪音唔一定係好事. |
lwy 正式會員 202.xxx.xxx.78 |
2011-06-28 10:50 |
| [#3] 蔡琴老歌AMCD聽後感 無噪音唔一定係好事.＜＜＜=== 好...原來還有識貨之人.. |
stephen 正式會員 61.xxx.xxx.57 |
2011-06-28 11:45 |
| [#4] 蔡琴老歌AMCD聽後感 無噪音唔一定係好事.＜＜＜=== 好...原來還有識貨之人.. ------------------------------- 噪音=高音, 無噪音=Cut高音, 每次播新碟, 未入歌前有D沙沙聲都充滿希望, 冇cut沙沙聲, 有希望係靚聲, 就算唔係好靚最少原汁原咪 ; 冇沙沙聲靜過鬼靚極有限........ 最後修改時間: 2011-06-28 12:38:12 |
wosoloo 正式會員 112.xxx.xxx.39 |
2011-06-28 12:37 |
| [#5] 蔡琴老歌AMCD聽後感 thanks for sharing |
阿正 正式會員 110.xxx.xxx.59 |
2011-06-28 13:35 |
| [#6] 蔡琴老歌AMCD聽後感 識得有朋友最近開始玩土炮DAC mod機. 有一日上去佢屋企聽吓佢部野, 就先播左蔡琴AMCD同早期黑白台版兩隻碟既wav檔. 起初友人大讚AMCD無噪音, 話其他版本咁舊有噪音根本唔使聽. 小弟就問佢: 你到底係聽歌定係發掘噪音架? 之後播埋隻台版wav檔, 友人只說了句噪音比起AMCD都是太大了, 卻無對呢隻舊版作出任何評語. 到小弟出馬, 聽三洋版wav檔啦! 一開聲俾佢插到飛起! 做乜咁大sisi聲架?(佢部土炮DAC睇怕無de-emphasis既功能??) 一路聽一路俾佢插有噪音, 嘈到歌都聽唔到咁滯! 後來小弟出殺手鐧, 出埋反番正相同埋de-emphasis既wav檔, 終於佢就呆左, 完全無出過聲~ 事後在facebook再講番, 佢終於開甘口講左呢一句(見圖). 呢件事俾我知道, 有部份既人聽歌, 佢地真係會要求無噪底的. 當然, 依家降噪系統唔會只係cut高音咁簡單, 但你地講得啱, 通常攪完之後好聲極都有限; 80年代好多靚聲既歌都有sisi聲, 就好似 祝福, 零時十分, 遲來的春天... 等等.  |
kencheung810 正式會員 221.xxx.xxx.33 |
2011-06-28 21:33 |
| [#7] 蔡琴老歌AMCD聽後感 d磁帶聲好嘈咩. 我而D老野聽慣左唔多覺添. 乜你地離喇叭好近聽咩? |
karrywai 正式會員 182.xxx.xxx.155 |
2011-06-29 11:19 |
| [#8] 蔡琴老歌AMCD聽後感 我都聽慣有底噪的, 因為小弟係聽黑膠之人^^ |
kencheung810 正式會員 221.xxx.xxx.33 |
2011-06-29 14:32 |
| [#9] 蔡琴老歌AMCD聽後感 SOUND is so good for AMCD, Phrase correct !!! Sound is natural and clear! |
stephenlhy 正式會員 116.xxx.xxx.59 |
2011-07-10 18:21 |
| [#10] 蔡琴老歌AMCD聽後感 AMCD sound is natural???? 第一次驪人咁講....我隻葉倩文"祝福13首" AMCD 就好肯定 1000000% not natural!!!! 最後修改時間: 2011-07-10 22:17:07 |
yuppi 正式會員 183.xxx.xxx.133 |
2011-07-10 22:16 |
| [#11] 蔡琴老歌AMCD聽後感 咁講啦, 未有既, 平平地一百幾拾買梨聽吓ok既! 有錢既買多隻比較吓亦可以. 我都買咗唔少24K金版呀, 24bit高清版啦, 黑膠CD, LPCD, AMCD咪一樣係咁. 同舊版比就唔係果味野嫁啦, 咩natural,good sound就當宣傳啦, 唔通人地做生意自已話怪雞爛聲咩. 最後修改時間: 2011-07-12 12:55:07 |
wosoloo 正式會員 112.xxx.xxx.39 |
2011-07-12 12:52 |
| [#12] 蔡琴老歌AMCD聽後感 wosoloo Hing, You are so honest! |
CKL2 正式會員 143.xxx.xxx.2 |
2011-07-12 13:04 |
| [#13] 蔡琴老歌AMCD聽後感 咩natural,good sound就當宣傳 x2 係人都知, 好明顯係賣花讚花香! |
kencheung810 正式會員 221.xxx.xxx.33 |
2011-07-12 15:57 |
| [#14] 蔡琴老歌AMCD聽後感 以前D 24K 金版又話甜呀厚呀好聲呀.... 查實味又朦又肥 最後修改時間: 2011-07-12 17:11:26 |
wosoloo 正式會員 112.xxx.xxx.39 |
2011-07-12 17:11 |
| [#15] 蔡琴老歌AMCD聽後感 這cd的電平好有問題,第一cut好明顯特別細聲咗!沒有低頻和動態,我沒有聽完整張cd便放了二手店,同xrcd比,天與地 最後修改時間: 2011-07-12 18:58:34 |
ricky838 正式會員 116.xxx.xxx.123 |
2011-07-12 18:47 |
| [#16] 蔡琴老歌AMCD聽後感 所以我呢個聽後感, 已經寫得相當之客氣. 不過想喺我呢條thread做宣傳, 小弟唯有又要出聲修正.... |
kencheung810 正式會員 221.xxx.xxx.33 |
2011-07-12 19:38 |
| [#17] 蔡琴老歌AMCD聽後感 不過聽返幾個舊版本就發覺，呢隻碟製作都做 d 功夫。 第一隻哥歌在起奏第一段 bass 時唔似其他舊版，有一下 click 聲， 今次 remaster 做滑個位。 不過點都好，我對呢隻 amcd + new centry 出品， 接受唔到。 |
tckl 正式會員 116.xxx.xxx.202 |
2011-07-13 20:38 |
| [#18] 蔡琴老歌AMCD聽後感 會唔會就係執完果一下click聲之後, 忘記左調番個電平, 結果首歌特別細聲?.... 家陣好多audio editing軟件, 唔算好貴但都可以執走D click聲, hiss聲....等等. 例如soundforge pro, wave corrector之類. 最後修改時間: 2011-07-14 12:28:35 |
kencheung810 正式會員 221.xxx.xxx.33 |
2011-07-14 12:28 |
| 按照傳送日期顯示:由舊至新 由新至舊
|
