影音軟件主旨 ﹝請按主旨作出回應﹞ | 寄件者 | 傳送日期 |
[#1] Come Away with Me - Norah Jones 小弟愛好jazz音樂, 由 CD 轉玩黑膠年餘 深被 LP 的音質感動. 想不到花錢將 CD 追求的理想的境界, 居然一隻簡單的 LP就可以做到. 小弟初初涉獵黑膠,如有錯漏,請各師兄不吝指正. 但求大家開開心心!謝謝! ______________________________________ Come Away with Me - Norah Jones 呢排忙轉工,所以少左上網,不過多左聽碟. 反而,買左的碟其實仲多,用左好多錢. 買返好多之前好鍾意聽的CD既黑膠, 最終呢個月0儲蓄... 黑教堂,麥田之歌,真情流露都到了手... 下個月要節制下,唔係做變左病態購物狂就死. 言歸正傳,今次都係講舊碟. 係 Norah Jones 的 Come Away with Me. 有日一個離職舊同事忽然開車返來, 居然在雜物房搬左一疊又一疊黑膠出來! 當中仲有張學友真情流露! 於是大班老中青三代人就講起黑膠. 有個90後一聞到陣陳年舊物的霉up味就走開左 另一個ABC就俾我地導佢玩埋一份, 仲即日買左盤同喇叭添.HEEE HEEE 我第一時間就介紹左呢隻 Norah Jones 既 Come Away with Me俾佢作為第一隻LP. 我會介定呢隻係有JAZZ味的流行曲大碟或人聲碟. 後生仔想接觸JAZZ,HI-FI人聲等等都係一個唔錯0既選擇! 一睇個封面,Norah Jones深邃的大眼睛係幾吸引的. 再睇睇原來佢又彈得又唱得, 而佢背後的BAND樂手亦都係知名一族. 我估計呢隻$200幾蚊的LP,係可以值回票價的. 起初會以為佢係Diana Krall的朋友. 即係果種好厚聲底的女人聲. 但一聽之下,SORRY,我錯左, 原來係一把幾清朗感性,抒情又有一點點點點成熟味道的聲音. 整隻碟的節奏中慢板,不太快,都幾輕鬆的. 可以當流行曲聽,有點點JAZZ味, 成隻碟都好soft,好有情調. 如果鍾意飲紅酒,用這隻碟的音樂“食送”酒都唔錯! 用HI-FI友角度而言, 呢隻碟的Vocal係OK的! 因為本身唱功好吸引, Instruments方面係實力表現, 氣氛襯托和諧.錄音就中規中矩啦. 但都在一般水平之上 全碟曲風一致,可以舒舒服服一口氣聽晒都得. 舒服得來又唔眼訓,(特效必理痛?) 值得一買! |
kf2kin 正式會員 116.xxx.xxx.162 |
2010-07-06 15:29 | |
|
按照傳送日期顯示:由舊至新 由新至舊 |