| 影音軟件主旨 ﹝請按主旨作出回應﹞ | 寄件者 | 傳送日期
|
| [#1] Come Away with Me - Norah Jones 小弟愛好jazz音樂, 由 CD 轉玩黑膠年餘 深被 LP 的音質感動. 想不到花錢將 CD 追求的理想的境界, 居然一隻簡單的 LP就可以做到. 小弟初初涉獵黑膠,如有錯漏,請各師兄不吝指正. 但求大家開開心心!謝謝! ______________________________________ Come Away with Me - Norah Jones 呢排忙轉工，所以少左上網,不過多左聽碟． 反而，買左的碟其實仲多，用左好多錢． 買返好多之前好鍾意聽的ＣＤ既黑膠， 最終呢個月０儲蓄．．． 黑教堂，麥田之歌，真情流露都到了手．．． 下個月要節制下，唔係做變左病態購物狂就死． 言歸正傳，今次都係講舊碟． 係 Norah Jones 的 Come Away with Me. 有日一個離職舊同事忽然開車返來， 居然在雜物房搬左一疊又一疊黑膠出來！ 當中仲有張學友真情流露！ 於是大班老中青三代人就講起黑膠． 有個９０後一聞到陣陳年舊物的霉ｕｐ味就走開左 另一個ＡＢＣ就俾我地導佢玩埋一份， 仲即日買左盤同喇叭添．ＨＥＥＥ ＨＥＥＥ 我第一時間就介紹左呢隻 Norah Jones 既 Come Away with Me俾佢作為第一隻ＬＰ． 我會介定呢隻係有ＪＡＺＺ味的流行曲大碟或人聲碟． 後生仔想接觸ＪＡＺＺ，ＨＩ－ＦＩ人聲等等都係一個唔錯０既選擇！ 一睇個封面，Norah Jones深邃的大眼睛係幾吸引的． 再睇睇原來佢又彈得又唱得， 而佢背後的ＢＡＮＤ樂手亦都係知名一族． 我估計呢隻＄２００幾蚊的ＬＰ，係可以值回票價的． 起初會以為佢係Diana Krall的朋友． 即係果種好厚聲底的女人聲． 但一聽之下，ＳＯＲＲＹ，我錯左， 原來係一把幾清朗感性，抒情又有一點點點點成熟味道的聲音． 整隻碟的節奏中慢板，不太快，都幾輕鬆的． 可以當流行曲聽，有點點ＪＡＺＺ味， 成隻碟都好ｓｏｆｔ，好有情調． 如果鍾意飲紅酒，用這隻碟的音樂“食送”酒都唔錯！ 用ＨＩ－ＦＩ友角度而言， 呢隻碟的Vocal係ＯＫ的！ 因為本身唱功好吸引， Instruments方面係實力表現， 氣氛襯托和諧．錄音就中規中矩啦． 但都在一般水平之上 全碟曲風一致，可以舒舒服服一口氣聽晒都得． 舒服得來又唔眼訓，（特效必理痛？） 值得一買！  |
kf2kin 正式會員116.xxx.xxx.162 |
2010-07-06 15:29 | |
|
|
|||
| 按照傳送日期顯示:由舊至新 由新至舊
|
