影音軟件主旨 ﹝請按主旨作出回應﹞ 寄件者 傳送日期 由舊至新 由新至舊
[#1] 聲音響喇叭後面發聲。    
事緣近期有個師兄去我屋企交流,我套cheap器材當然問題都唔少,不過呢個唔係重點。聽得咁上下師兄行到我對喇叭後面講咗一句說話 : “啲聲響喇叭後面出”,當時我諗衹要個音場有一定嘅深度,就可以感覺到發聲點會響喇叭發聲面後一啲嘅位置發聲,所以當時我都不以為然。

但當師兄離開咗之後唔知點解呢個問題突然間響腦裏面不斷迴旋,點解個聲會響喇叭後面出嚟?或者我講講我嘅聆聽環境,喇叭發聲面約莫距離前面牆28吋,在牆壁上喇叭後面都放有吸音棉,左右喇叭中間有部42吋電視機而電視距離後牆約莫16吋。實際聆聽感覺發聲點就響喇叭後面,即係發聲點就響電視機後面棟墻嗰度發聲,感覺就好似穿透咗呢部電視機(當然唔同歌曲個深度會有不同)。

後生嗰陣時開始接觸音響,睇啲音響書教點樣作喇叭擺位,基本上都係差不多,大致如下:
喇叭同聆聽者應該組成一個等邊三角形或者起碼係一個等腰三角形,聆聽環境最好係一個長方形喇叭擺響房間三分一位置而聆聽者就約莫響三分二嘅位置,當然喇叭同側牆要有一定距離。以上點點都似乎係一個定律,刻入咗腦裏面。當然聆聽位置移前移後就會影響音場嘅闊同窄,噉樣音場個深度哩?以當時理解就係喇叭離前牆近啲和遠啲就會導致音場平面啲定係深遠啲。從來都無懷疑過呢個定律,直到呢位師兄講呢一句話為止。

點解喇叭離前牆近的遠啲會影響左個深度?當時理解就係喇叭聲傳到去前面牆壁再反彈返去聆聽者所需嘅時間而產生嘅深度感覺。如果真係噉樣問題又嚟喇,乜嘢係原音?應該祇有錄音師想你聽到嘅聲,即是話左右喇叭直接聲就係原音。如果一定要加埋聆聽環境嘅反射聲才能營造到個深度(原音+環境反射聲),噉樣就算同一套器材加上喇叭距離同聆聽者位置都一樣,放響唔同師兄屋企基本上大家聽到嘅嘢都會不一樣,因為就算大家播放嘅原音系一樣但係環境反射聲始終都會有分別。

咁樣似乎如果要聽原音噉就要張環境嘅反射聲儘量抑壓,但如果真係噉樣做會唔會犧牲左音場嘅深度? 響我屋企嘅例子似乎同以上理論不一樣,因為電視機前邊放咗條厚毛巾去吸音,就算喇叭聲能夠去到前牆基本上都會響電視機背面同前牆不斷來回反彈,最終都消散得七七八八。既然都冇左前牆嘅反彈聲噉點解仲可以營造都個深度(發聲點約莫響電視機後面一呎距離),呢個問題我思前想後都諗唔明,直至喺網上睇到呢段文章,值得大家一睇。


https://read.muzikair.com/jp/periodicalArticles/8cb573e3-0cbd-4f07-9153-86b39f04b89e

最後修改時間: 2022-07-01 15:13:53
DY2036
個人訊息 正式會員
124.xxx.xxx.26
2022-07-01 15:08
按照傳送日期顯示:由舊至新由舊至新  由新至舊由新至舊
最新資訊 - 影音
Denon 為旗下 HOME 250 推出全新白色版本 2022-08-16

最新資訊 - 影音
Cambridge Audio x DeLorean 為駕駛體驗增添聲音和情感的全新合作夥伴關係 2022-08-16

最新資訊 - 影音
AVAC,推出全新薄型家庭影院喇叭 AV-SP520T 2022-08-15

最新資訊 - 影音
Yukimu 推出全新 USB 訊噪吸收器 PNA-USB01 2022-08-14