review33.com: 影音天地: 好多新會員賣二手野

分類搜尋 移民 | 借錢 | 投資 | 物流 | 搬運 | 按揭 | 樓盤 | 保險 | 機票 | 酒店 | 升學 | 補習 | 手錶 | 電腦 | 紅酒 | 網購 | 脫髮 | 健身 | 減肥 | 濕疹

影音天地主旨 ﹝請按主旨作出回應﹞ 上頁下頁首頁尾頁

寄件者

傳送日期

[#21] 好多新會員賣二手野 #18 師兄講就講得好聽啦，但係點解一部機用得三幾年，會係二手價錢，而二手價錢有啲只係全新機街嘅五成或者六成？咁呀梗係代表有depreciation啦! Depreciation就不單止喺外觀上面，例如一部解碼，擺唔同地方，或者插唔同嘅線材，點都或多或少有少少花痕，至於崩唔崩呢就睇下個用家用得是否好小心，但係香港，地方狹窄，間唔中一件器材碰到第二件，有少少崩痕都唔出奇。 Moreover，depreciation亦都包括咗裏面啲電容呀電阻值有否改變等等。但係呢度有啲買家，唔知係聰明得滯定係頭腦有問題，我曾經接觸過買家，想買我一部解碼，已經係全新價嘅五折多少少，完全沒有維修過，所有功能正常，講多一兩句，就話"其實我個人都好奄尖㗎!" 咁即係代表乜呀? 你要嗰部機嘅外觀接近完美呀? 咁我講，話部機就如我刊登嗰個thread咁講， condition係好，沒有崩但係少少使用嘅痕跡嘅花就一定有㗎啦! 未講完條PK已經cut咗我線態度之恶劣重要寫返pm話我態度差，話什麼買機唔單止考慮價錢，仲要考慮對方態度，嫁女咩呢條木咀!!! 一個人未聽對方解釋，就已經cut線嘅態度真的很好哦! 香港真係乜乸契弟都有! 我心諗，你要買一條花痕都冇嘅機，咁咪走去買新機囉，畀十足價錢咪perfect囉，又有保用添! 買得二手機就一定要接受condition一定唔係完美，多少有崩花，甚至有維修，一個咁嘅二手市場先會比較成熟，唔係只係落得爭拗!!! 最後修改時間: 2026-04-30 15:22:04		DIDIT212 會員 218.xxx.xxx.109	2026-04-30 15:18

[#22] 好多新會員賣二手野
仲有時，影音天地也有人放野，好古惑，唔知佢有心定無意，始终是不合規例。真係乜人都有

最後修改時間: 2026-04-30 17:38:01

美好日子

會員
116.xxx.xxx.246

2026-04-30 17:34

[#23] 好多新會員賣二手野
賣仔莫摸頭，摸頭眼淚流」是一句廣東俗語，意指若因家貧無奈賣子，別在交出的一刻撫摸孩子頭部，否則會因難捨而悲傷流淚。這句話比喻下定決心放棄某事物時，應狠下心腸、不要猶豫，以免藕斷絲連加深痛苦，亦引申為做事果斷、別再回眸。
經濟唔好，新會員賣出心頭好，江湖救急，亦算是一名君子。

最後修改時間: 2026-04-30 18:42:48

Spong

正式會員
14.xxx.xxx.145

2026-04-30 18:41

[#24] 好多新會員賣二手野
#21,

若對二手機賣家和二手機本身，有這麼多懷疑和顧慮，就不應考慮買二機了。

每個人都受到自身的經歷所影響對事物的看法，這點我很理解的。

我個人買賣過二手機幾十次，甚至在ebay買二手機，(港幣幾千到幾萬元)，都沒有問題，非常企理和愉快。

反而我試過買入大品牌的全新機 (當時價值 $100K HKD)，未撕開膠紙開箱，只是拿上手，就聽見裡面有螺絲脫落撞擊金屬機箱的聲音。馬上通知代理，換過另一部，都有點麻煩。有時黑仔，不是願意花多點買全新機就可以避免的。真係好難講。

P.2Channels

正式會員
205.xxx.xxx.36

2026-05-01 12:03

[#25] 好多新會員賣二手野
#24, 買得二手車嘅，都預咗架車引擎或者其他零件係維修或者更替過啦。買得一部二三十年嘅後級，例如Krell嘅pure class A，有冇可能呀20年之後唔需要換capacitors㗎? 唔換根本啲聲扭曲曬，或者根本開唔到機，又或者嗰啲電容嘅液體滲漏到motherboard週圍都係燒機 ! 上得廿幾年嘅Mark仔Krell， Pass Lab，金嗓子，或者其他大牌子，根本上高一定係好有可能燒過，開唔到機，拎去師父度維修過，換曬電容，甚至換埋整流子，或者延遲開關等等等等。又或者買得一部三四十年嘅Wadia 7 或者Esoteric，有冇可能未換過光頭，裏面嘅皮帶或者係齒輪呢？諗住四折五折買部二手機要內外新嘅一樣，嗰啲大大聲對住二手賣家吹: "我份人其實好奄尖㗎!" (即言下之意，我畀一半價錢，但係要求部機要差唔多係perfect，全新一樣，無論外表或者裏面)，呢類師兄，一定以為自己好big deal，賣家少咗你一個部機就賣唔出咁，但實際上就係一個自欺欺人嘅窮鬼!

最後修改時間: 2026-05-01 15:03:18

DIDIT212

會員
218.xxx.xxx.109

2026-05-01 14:54

[#26] 好多新會員賣二手野
最奇怪係有幾位會員幾乎日日推古董，推咗幾百甚至千次，根本無人會買！
完全浪費光陰！
另一種賣家係出售溶溶爛爛，生晒鏽嘅‘’垃圾‘’...真係得？
過唔過到佢地自己㗎？！

CodyChan

正式會員
119.xxx.xxx.157

2026-05-03 11:31

[#27] 好多新會員賣二手野
其實依家二手hifi市場，差唔多所有嘅買家賣家都係起碼四五十歲嘅老嘢，大家玩咗幾廿年，知道曬啲二手價，點會畀啲傻仔post呃到錢呀？ Post埋啲垃圾機上來，盞嘥自己時間!

DIDIT212

會員
218.xxx.xxx.109

2026-05-03 13:24

[#28] 好多新會員賣二手野
七十年代, 普遍人都唔係咁好景, 有人屋企人係工廠妹, 有人老爸要挨兩份工, 誠哥都穿緊膠花, 好多人都係窮鬼家庭出身. 我識個有錢佬幾億身家, 都算有錢啦掛, 但心就仲窮過我, 有錢何用? 屋企就靚啦, Hi-Fi 都冇一套, 叫佢整番套二手的, 二, 三萬的, 成日都話仲考慮緊, 二, 三萬於佢眼中, 是三, 四萬,要乘大 130-140%, 因用來投資會賺回來的, 所以然.. 到而家, 迷你 HiFi 都冇一套.

美好日子

會員
218.xxx.xxx.248

2026-05-03 16:06

[#29] 好多新會員賣二手野
我都成日買二手 Hi-Fi, 好多時都要執下少少毛病, 識下攪 DIY 會著數 d, 買 integrated Amp, 好多時個 input selector 會開始接觸不良, 有雜聲, 盡量換新的, 又或 d 水塘電容退化, 聲冇力, 買對喇叭箱, 兩個高音都是好細聲, 上網查得知那款喇叭個高音, d 磁液會漏至軟震膜, 影響至好細聲. 又另一對喇叭箱, 其中一個開大聲, 就有 d 雜聲, 拆個低音出黎, 就知原因, 原來個橡膠圈有粒錫屎碎, 開大聲粒錫碎震到紙盤.

美好日子

會員
218.xxx.xxx.248

2026-05-03 16:27

[#30] 好多新會員賣二手野
屋企第一套 Hifi 係阿哥出嚟做嘢之後買嘅 Pioneer 三合一唱機，喇叭大大隻，不過要喺牆上面釘個角鐵架放上去。

到入大學時第一次攞 grant loan 就用咗二千文買咗套 Sony mini Hifi, APM 平面喇叭，到而家都仲好精神。

Mc225

正式會員
14.xxx.xxx.230

2026-05-03 17:05

[#31] 好多新會員賣二手野
＞＞推咗幾百甚至千次

放成年都賣唔出，究竟想點呢!

bigleung

正式會員
118.xxx.xxx.14

2026-05-03 20:58

[#32] 好多新會員賣二手野
#31 可能係老人家，並非是急於賣出甚至只係揾D嘢做吓，只係老人家生活routine, 我見到有D老人家將D執返嚟嘅垃圾係公屋屋村擺灘賣，成日可能都冇人問津，但佢地亦然日日擺檔

niceday009

正式會員
119.xxx.xxx.220

2026-05-03 21:39

[#33] 好多新會員賣二手野
响二手區體會到咩叫...垃圾當寶！

CodyChan

正式會員
119.xxx.xxx.157

2026-05-04 06:43

[#34] 好多新會員賣二手野
有樣野 , 成日見有 d CD 機二手區出讓, 新出出, 是食碟的, 奉勸各位不要掂手, why?, 用得一排, 出入碟時可能會 high 花隻心愛 CD, 又或隻碟只入到一半, 要人手推入去, 這只是次要 , 唔識讀碟才真大鑊, 回代理修, 就天價, 街就不易配到那薄鐵皮做的轉盤, 最主要是各廠牌的轉盤有各自不同的 proprietorship interface 連接主機板, 咁至考起 d C-fu, 到時機主就真頭痕

最後修改時間: 2026-05-04 10:17:12

美好日子

會員
218.xxx.xxx.248

2026-05-04 10:14

[#35] 好多新會員賣二手野
有大部份我新朋友都系深水埗海壇街的鬼鋪。成條產業鏈嚟㗎。嗰啲大二手路。好似加西。同大陸啲二手舖有相當深嘅關係。佢哋掉啲貴嘢上去。大陸寄相鋪就掉啲幾廿年前嘅貴嘢落嚟。可以有時見到幾廿年前嘅krell, mark 仔之類嘅嘢之類嘅嘢。佢哋唔方便拆。搵海壇街嗰啲迎乜音響呀。幫佢擦啲六神立體九唔搭法嘅貨。鍾意轉名㗎。真係有咁多老人家咩。

西毒

新會員
182.xxx.xxx.116

2026-05-04 13:09

[#36] 好多新會員賣二手野
睇下幅圖一