兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#1221] Any Fanling or Sheung Shui hifi friends 4 我成日講究竟你發揮咗你套器材幾多成? 音樂檔案無論係儲存響LP、CD或者SACD我哋先當佢係完美無缺100分。當呢個資料載體經過轉換，或者由碟上面變成數碼訊號落到機裏面，之後再將呢個數碼訊號由一部機傳送去一另部機，然後再將數碼訊號變成模擬訊號再由一部機傳送去另一部機作放大再做功放，之後經過喇叭線推動喇叭。喇叭單元震動空氣聲音經過響屋企直射加上不同反射聲，最終落到聆聽者嘅耳朵。其實呢個過程仲要加上外來雜訊嘅干擾，電源雜訊，器材自己存在嘅失真，器材線材同喇叭箱嘅震盪，線材重疊信號嘅互相干擾...等等在在損害源信號嘅純正度（負分）。所以音樂資料從載體最後去到喇叭出聲，其實已經遠遠低於原先嘅100分。 所以如果你要播放接近原音樂，你需要將你套器材所有問題逐一搵出嚟並且想方法解決。有啲器材播放出嚟低音鬆散高音暗淡，噉你話佢應該值幾多分，可能50分都冇。衹要你更瞭解每種因素對聲音嘅影響，你先可以慢慢向原音嘅方向進發。舉個例我部notebook如果用佢跟機嘅開關電源或者佢原本嘅電池出聲，基本上都聽唔到有乜分別，所以響notebook嗰度加線性電源對我嚟講係多餘。但又唔係講呢個開關電源對其他線材或器材無影響，所以唔可以同其他器材插埋相同或者鄰近嘅排插，開關電源主體要遠離其他器材同線材才可以防止佢對其他器材嘅干擾。其實Notebook本身內部都有開關電源，所以外部電源究竟係用開關電源或者用電池基本上對佢冇乜大分別。如果你明白呢個道理噉你就唔需要買昂貴嘅LPS比notebook嘥子彈。 其實我有一個大概嘅方法你可以驗證你自己套器材而家處於乜狀態，衹要你屋企擁有嘅CD唔係翻版碟或者嗰啲非常差嘅錄音（一聽就知係垃圾）。撇除咗之前講嗰兩種極差嘅碟，舉個例你而家淨返100隻碟（呢100隻碟最好有多類型音樂），噉究竟呢100隻碟有幾多隻播放嘅時候你係滿意佢嘅音效（唔係講緊音樂）。如果超過80隻噉你套器材應該問題不大（或者你對音效要求不高），如果播嚟播去都係嗰二三十隻碟噉你套器材應該隱藏好多問題，需要花時間逐一解除。 |
DY2036 正式會員124.xxx.xxx.26 |
2024-08-18 08:18 | |
|
|
|||
| [#1222] Any Fanling or Sheung Shui hifi friends 4 路是講兩句 我嘅體驗係座檯式電腦作CAS 音源會勝過手提電腦, notebook 因體積所限各方面都要妥協。 早期我用 notebook Win7 i5 四核cpu USB output 表現未如理想. 後期改用座枱式 Win10 SSD i7 6 核 server cpu DDR4音效表現就進入 Hi-Fi 狀態, 一年前升級 Win11 SSD i9 1300k cpu DDR5再進入另外一個境界。 但要花很多時間再設定 software， 牽涉bios，Windows登錄檔案， 更變 Windows預設Setting 等等等等。 硬件方便要加強機內 switching Power Supply 內部與MotherBoard原有的機殼大地. 建議 sata hard disk 不要直插 Motherboard,最好加一塊 sata 插頭轉PCIe板此舉改善音效很明顯。 SSD 一樣要插到 PCIe slot 取代 M2 slot. 用電腦做CAS音源 因軟件和硬件及 Microsoft windows update 更變速度太快你要預咗毅力 一世同佢搏鬥! 對電腦不太熟悉 就買部網絡串流器好了 分享住咁多先仲有一些調教可改善CAS電腦播歌嘅體驗日後有機會再分享。 |
.ghost 會員 61.xxx.xxx.11 |
2024-08-18 14:40 |
| [#1223] Any Fanling or Sheung Shui hifi friends 4 多謝師兄分享，最好更多師兄將佢玩CAS嘅心得同大家分享。 大機少不免有唔少風扇，唔計機身可能有幾把風扇之外CPU上面都緊有一把，所以點解我從來唔考慮大機就係噉嘅原因。 最後修改時間: 2024-08-18 15:14:41 |
DY2036 正式會員 14.xxx.xxx.146 |
2024-08-18 15:08 |
| [#1224] Any Fanling or Sheung Shui hifi friends 4 如果部 Desktop 是專用CAS 電腦 CPU 裝1 風扇和大散熱器就可,試過不用風扇音效都一樣,反而用個0.8mm厚鐵皮殼效果仲好因MotherBoard 要借助個厚殼輔助地回路,CAS 電腦搞得好 背景,層次,燥底 各樣都可比高级效果 |
.ghost 會員 61.xxx.xxx.11 |
2024-08-18 17:19 |
| [#1225] Any Fanling or Sheung Shui hifi friends 4 又講返小時候，除咗啲唔使錢嘅玩意之外當然仲有啲要花費嘅玩意。譬如拍公仔紙、射波子、放紙鷂、潛紙仔、彈波仔...，再大啲當然就係去游水、踩單車、玩鋪頭出面嗰啲電視遊戲機...等等。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-08-19 21:30:30 |
DY2036 正式會員 124.xxx.xxx.26 |
2024-08-19 21:28 |
| [#1226] Any Fanling or Sheung Shui hifi friends 4 ＞＞譬如拍公仔紙、射波子、放紙鷂、潛紙仔、彈波仔... 唔知點解，除了放紙鷂，其他都消失了! |
bigleung 正式會員 223.xxx.xxx.197 |
2024-08-19 22:26 |
| [#1227] Any Fanling or Sheung Shui hifi friends 4 因為嗰啲都係群體運動，而家啲小朋友就算BB仔一扭計大聲喊，家長都會即刻畀個電子奶樽佢，神奇地當堂收曬聲。加上之前流行嗰一段時間嘅外國教育套裝「自己玩」。更加發覺原來朋友唔需要喺身邊，只需要響一個發光嘅方格裏面就得個喇，至於呢個係咪佢真人真樣真性格唔重要，因爲我哋一早已經活響一個虛擬嘅世界。 |
DY2036 正式會員 124.xxx.xxx.26 |
2024-08-20 00:04 |
| [#1228] Any Fanling or Sheung Shui hifi friends 4 靚仔嗰陣時一到暑假當然好高興，啲寫過嘅習作簿如果有一面或者兩面冇用會撕返落嚟第時攞嚟畫下嘢，如果兩邊都已經用咗都唔會抌咗佢。以前咁窮呢啲寫咗字嘅紙仲有好多用途，其中一個用途就係攞嚟摺公仔或者摺紙飛機。當時的紙飛機梗係要同啲鄰居鬥飛得遠，當時飛到十零廿尺已經好犀利，估唔到世界紀錄竟然係69.14公尺咁遠。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-08-20 20:19:32 |
DY2036 正式會員 124.xxx.xxx.26 |
2024-08-20 20:19 |
| [#1229] Any Fanling or Sheung Shui hifi friends 4 估唔到一首紙飛機，最後變咗放飛機。 |
DY2036 正式會員 124.xxx.xxx.26 |
2024-08-20 22:23 |
| [#1230] Any Fanling or Sheung Shui hifi friends 4 LP vs CAS Turntables ＞ MC Cartridges ＞ MC Step Up ＞ Phono preamps ＞ Digitizer Notebook ＞ USB DAC ＞ Integer amp ＞ speaker ＞ mic pickup. 最後修改時間: 2024-08-21 00:12:54 |
DY2036 正式會員 124.xxx.xxx.26 |
2024-08-21 00:05 |
| [#1231] Any Fanling or Sheung Shui hifi friends 4 就快又到中秋節，當然小時候冇錢買燈籠就要自己DIY。最簡單嘅燈籠就係當阿媽將個碌柚剝咗皮之後，將碌柚皮搵啲線穿住佢然後搵條幼樹枝吊住，響碌柚皮中間點支蠟燭就完成咗個燈籠。最複雜嘅做法就係風火輪，需要兩個空罐頭加上一條長鐵線，下面嗰個牛流嘜當車轆，上邊嗰個就係會旋轉部分，十足十似警車嗰啲緊急燈。 不過講開中秋節我即刻諗起呢一隻歌。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-08-22 20:36:59 |
DY2036 正式會員 124.xxx.xxx.26 |
2024-08-22 20:34 |
| [#1232] Any Fanling or Sheung Shui hifi friends 4 ＞＞風火輪，需要兩個空罐頭加上一條長鐵線，下面嗰個牛流嘜當車轆，上邊嗰個就係會旋轉部分，十足十似警車嗰啲緊急 年長嘅圍頭人應該仲識整! |
bigleung 正式會員 223.xxx.xxx.197 |
2024-08-22 22:20 |
| [#1233] Any Fanling or Sheung Shui hifi friends 4 |
DY2036 正式會員 124.xxx.xxx.26 |
2024-08-22 23:26 |
| [#1234] Any Fanling or Sheung Shui hifi friends 4 haha，睇完又記得㸃整喇! Thx! |
bigleung 正式會員 223.xxx.xxx.197 |
2024-08-23 07:48 |
| [#1235] Any Fanling or Sheung Shui hifi friends 4 講開中秋節就自然唔可以唔講當中嘅應節食品，除咗生果之外首選當然係月餅，當時月餅主要係蓮蓉做（唔會好似而家鬼五馬六都唔知係乜嘢），當中有淨蓮蓉、單黃蓮蓉和雙黃蓮蓉，當然亦有五仁月餅。以前月餅絕對係奢侈食品，因為你系要做月餅會供足一年，你可以做半份或者一份月餅會，亦都可以同鄰舍夾份做一份。一份月餅會裏面有唔同數量嘅唔同種類月餅，當然供完月餅會餅鋪會搭單送一兩隻豬籠餅俾買家。我最怕就系食五仁月，最鍾意當然係食豬籠餅。以前嗰啲雙黃月餅大多數都系畀我老竇攞去送禮，當時嘅人際關係就係識人好過識字，大時大節送禮就少不免。剩返可能係一個單黃蓮蓉月，大家都知道月餅係人手製造噉個鹹蛋黃究竟擺咗響邊根本冇人知道。一切開個餅之後幾兄弟姊妹揀定手，一拎上手可能一啲蛋黃都冇或者黐住咗啲啲咁多，當然最開心嘅就係超過一半蛋黃都響你嗰分月餅度。 有啲人因為工作嘅關係好多人會送禮俾佢，但係食都未必食得咁多，食唔曬就只會嘥，因為月餅係有...。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-08-23 20:04:45 |
DY2036 正式會員 124.xxx.xxx.26 |
2024-08-23 20:04 |
| [#1236] Any Fanling or Sheung Shui hifi friends 4 大圓月亮高高掛，根據天文臺嘅資料今個中秋節個月亮應該都係比較大，響中國成日講乜嘢良辰美景好多時都係基於嗰個晚上有一個又大又圓嘅月亮。響中國咁多節日裏面其中有幾個特別強調團聚，第一個就係年卅萬春節，第二個就係冬至，數到第三個就應該系中秋節。當然有咁嘅良辰美景一家團聚，畫面上自然係融洽開心一家樂融融。不過而家後生嗰一輩受西方教育嘅影響比較急功近利，對中國傳統節日開始淡化，有時真係叫都未必會返嚟過節，真係希望香港嘅教育應該強調返中國儒家嘅思想「尊師重道，長幼有序、兄友弟恭...」嗰種處世態度。 當然每個人身處嘅環境都不一樣，咁樣自然心態都不一樣，可能明明應該係一個好開心嘅節日，但係可能都未必每個人有一個愉快嘅心情。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-08-25 00:18:12 |
DY2036 正式會員 124.xxx.xxx.26 |
2024-08-25 00:17 |
| [#1237] Any Fanling or Sheung Shui hifi friends 4 沙田食碗拉麵都超過100文，竟然響銅鑼灣望住個海景食碗拉麵唔使90文。  最後修改時間: 2024-08-25 13:49:35 |
DY2036 正式會員 14.xxx.xxx.10 |
2024-08-25 13:49 |
| [#1238] Any Fanling or Sheung Shui hifi friends 4 中秋節嘅來源當然有神話傳說，當中有四種人同物，第一個人物係嫦娥女人一個，第二個人物係吳剛斬樹佬，第三個係一隻兔仔叫玉兔，第四種就系一棵有自癒能力嘅桂樹。細個嗰陣時淨係知道嫦娥食咗仙丹飛咗上月球，唔知點解會有隻玉兔，更加唔知點解有個斬柴佬成日諗住去斬咗月球上面唯一一樖樹。 宿命論裏面所有事情都已有定局，既然呢個係中國嘅神話自然就算美國佬早過中國幾十年上過去月球都係乜都搵唔到（如果唔係謊言嘅話），冇水冇氧氣無食物人根本無法響嗰度生存。大家有冇諗過你去睇相嗰陣時相士預言你一啲運程或者劫難，最後屘你發覺好似應驗咗，其實可能唔係因為佢講得准，而係你因應佢講嘅嘢不知不覺自己配合地去應咗個果。中秋節呢個神話一樣有呢個情況，鬼佬無中秋節所以佢上到月球乜都搵唔到，但係中國人上到去就乜都應驗咗，點解...? 可能呢個係超前嘅預言，即係等於近期火爆嘅電子遊戲「黑神話-悟空」中國才係呢個天命人，係需要中國人自己去應咗呢個預言。或許嫦娥本身唔係一個女人，其實就係中國一艘登月太空船個名叫做嫦娥。古代兔仔係一種食物即是維持生命嘅物質，即係等於響月球岩石裏面發現有水，有水亦即是有空氣即是人類基本嘅生存條件。樹木響古時嚟講係主要建築材料亦都係燃料嘅一種，從月壤裏面發現嘅成分其實可以從中冶煉鈦、鋁等金屬；從月壤中提取3He可以用於核融合發電。從發現嘅岩洞裏面可以建成太空人嘅駐集嘅基地。嚴格噉講自從月球上有嫦娥之後就發現咗響月球上面都存在人類可以生存嘅條件。 不過小時候聽完個神話擔起個頭望住個又圓又大嘅月亮，腦裏面只係諗緊一個問題? DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-08-25 21:15:38 |
DY2036 正式會員 124.xxx.xxx.26 |
2024-08-25 20:58 |
| [#1239] Any Fanling or Sheung Shui hifi friends 4 當然大個啲就知道人類可以坐太空船離開地球嘅引力，美帝最輝煌嘅時期就係製造咗可重複使用嘅太空船。好可惜響一個純商業運作嘅國度，金錢似乎比人命更重要，成也蕭何敗也蕭何，最終都係悲劇收場。希望今次唔會重蹈覆轍。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-08-26 21:49:14 |
DY2036 正式會員 124.xxx.xxx.26 |
2024-08-26 21:48 |
| [#1240] Any Fanling or Sheung Shui hifi friends 4 LP vs CAS CAS音量要調高一啲。 Turntables ＞ MC Cartridges ＞ MC Step Up ＞ Phono preamps ＞ Digitizer Notebook ＞ USB DAC ＞ Integer amp ＞ speaker ＞ mic pickup 最後修改時間: 2024-08-26 22:14:31 |
DY2036 正式會員 124.xxx.xxx.26 |
2024-08-26 22:06 |
