review33.com: 談天說地: 鉛芯筆定撳芯筆？大西北街坊：由細到大都叫「撳芯筆」

分類搜尋 移民 | 借錢 | 投資 | 物流 | 搬運 | 按揭 | 樓盤 | 保險 | 機票 | 酒店 | 升學 | 補習 | 手錶 | 電腦 | 紅酒 | 網購 | 脫髮 | 健身 | 減肥 | 濕疹

談天說地主旨 ﹝請按主旨作出回應﹞ 下頁尾頁

寄件者

傳送日期

[#1] 鉛芯筆定撳芯筆？大西北街坊：由細到大都叫「撳芯筆」 https://lihkg.com/thread/4088711/page/1 每個人的童年總有一支陪伴自己長大的文具，但原來這款常見的筆，在香港不同地區竟然有完全不同的叫法？近日，有網民在 Threads 上發文，驚訝地發現原來全香港只有某幾個特定地區的人，會將「鉛芯筆」稱為「撳芯筆」（或㩒芯筆）！帖文一出隨即引爆全網熱議，大批新界街坊紛紛現身圍爐，更有網民認真分析這個「地區方言」的誕生之謎！網絡熱話：你係叫「鉛芯筆」定「撳芯筆」？近日，有網民在 Threads 發文詢問大家對這款無需用刨、只要按壓就會出芯的鉛筆的稱呼。帖文意外揭露了一個隱藏多年的「香港語言結界」，大部份居住港島和九龍區的人士，由細到大都稱它做「鉛芯筆」；但在新界大西北（特別是元朗、天水圍、屯門，甚至北區），卻有大比例的街坊稱它為「撳芯筆」。大批新界街坊留言表示猶如找到了失散多年的親人：「我土生土長元朗人由細到大都係講撳芯筆喎」、「天水圍人，由細到大都係講㩒（撳）芯筆」、「我係粉嶺人20幾年，你唔出post我以為個個都係叫㩒（撳）芯筆」。更有街坊分享出城後的「文化衝擊」：「幾年前發現好震驚，我朋友間做過統計，元朗朋友100%講㩒芯筆」、「試過不止一次同元朗區以外嘅人講㩒芯筆，佢地話聽都未聽過」、「明明大家都係講撳芯筆，鉛芯筆似書面語」。甚至有網民笑言：「留名見證歷史性時刻！！香港粵語終於發展出地域方言」。網民拆解「方言」之謎：點解元朗人會叫撳芯筆？為何香港這麼細，都會有這種奇特的地區方言差異？不少網民化身「語言學家」嘗試拆解這個謎團，歸納出 3 大可能原因： 1. 動作派 vs 材料派的差異鉛芯筆定撳芯筆？網民揭香港地區隱藏方言大西北街坊：由細到大都咁叫有資深元朗街坊分析，叫「撳芯筆」是因為強調「按壓的動作」，而「鉛芯筆」則是基於筆芯的材料。他指出，新界區早年以圍村為主，夾雜了圍頭話或其他方言，而傳統村落的廣東話，往往更傾向「用動作或動詞」來為用具命名。 2. 舊式文具舖的影響力鉛芯筆定撳芯筆？網民揭香港地區隱藏方言大西北街坊：由細到大都咁叫不少網民將這個叫法歸因於當年的地區文具店：「懷疑係當年教育路啲文具舖教嘅」、「可能係啲小學生放學成日蒲嘅元朗文具舖老闆唔識求其作個名，啲小朋友返學校一傳十十傳百變咗係咁叫」。更有網民點名，出處極大機會來自當年雄霸一方的「光明」或「光華」書局，其影響力滲透了每一個在元朗長大的中小學生。 3. 中小學語境的「完美隔離」鉛芯筆定撳芯筆？網民揭香港地區隱藏方言大西北街坊：由細到大都咁叫亦有網民提出了另一個觀點：這種區域性現象其實很正常，因為大家一生人對著這支筆最多的時間就是中小學時期。「喺冇網線嘅年代，你幾常接觸區外嘅人？由於鉛芯筆幾乎只限於學校語境裏面，所以『撳芯筆』只會喺元朗區裏面傳播。到咗畢業之後，就更加唔使用鉛芯筆啦。」正是因為缺乏與區外人交流這款文具的機會，令這個詞彙成功被「contain（局限）」在元朗區內。網民反駁：叫「撳芯筆」會撈亂？雖然大西北街坊極力捍衛「撳芯筆」，但亦有市區網民提出質疑：「原子筆都有筆芯，都一樣係撳出嚟！如果叫撳心筆，根本分唔到係鉛芯定係原子筆芯。」不過，亦有網民分享另一個有趣的說法，指澳門人其實會叫它做「暗芯筆」，認為有可能是中途有人以為香港是將所有澳門讀「暗」的字改做讀「撳」（如：暗？變撳？），從而衍生出這個稱呼。都有個別網民認為與地區無關，反而與時代有更大關係，「我呀媽會咁講（撳芯筆），土生土長香港人」、「老一輩都有喎，土生土長香港人嚟」。你由細到大又是怎樣稱呼呢？		blackspin 正式會員 116.xxx.xxx.53	2026-04-04 01:05

[#2] 鉛芯筆定撳芯筆？大西北街坊：由細到大都叫「撳芯筆」
兩個詞語都聽過，亦唔出奇。

鉛芯筆定撳芯筆在香港文具市場出現了至少半個世紀，我197x年嘅小學同學用過，之前用過逐個鉛筆頭由筆頂入落去個種免刨鉛筆；至於有人話原子筆都是'撳'，已經係較後嘅事。

注意當年小學生主要用鉛筆做功課，所以撳芯筆受到歡迎(唔洗刨)，去到中學才多用原子筆，而撳出來的原子筆屬高檔貨，用梗芯黃黑色筆桿嘅斯德留原子筆多。

一個甲子前嘅新界和九龍香港，文化用語的確有差別。

本地村民叫'圍頭'人，市區人叫'圍村'人已經係一個例子。(設計師鄧達智橫跨鄉村和現代城市會很清楚)

另外例子：捉迷藏，有圍頭叫'打尋麻周'。

：元朗周邊圍村去元朗市會叫'投墟'。

：佢地用餐就直接用書面語'吃飯'。

：在田野放牛食草，看住隻牛就叫'掌牛'。

從語言角度去考究，其實都幾有趣。

最後修改時間: 2026-04-05 09:16:41

bigleung

正式會員
118.xxx.xxx.14

2026-04-05 09:15

[#3] 鉛芯筆定撳芯筆？大西北街坊：由細到大都叫「撳芯筆」
退休前在稅記做卒仔, 傳統, 所有文件對答都用鉛芯筆, 有乜依郁, 可以擦哂佢, 賴賬

美好日子

會員
116.xxx.xxx.18

2026-04-05 10:49

[#4] 鉛芯筆定撳芯筆？大西北街坊：由細到大都叫「撳芯筆」
我用了「鉛芯筆」四、五十年，依家至知原來有人叫「撳芯筆」，我真係大鄉里！

Kira.L

正式會員
1.xxx.xxx.92

2026-04-05 12:24

[#5] 鉛芯筆定撳芯筆？大西北街坊：由細到大都叫「撳芯筆」
#4，x2，鉛筆、鉛芯筆、鉛芯，幾十年前做繪圖仔都係咁叫，喺大西北定島都係咁叫，我真係大鄉里x2.

simpleman

正式會員
14.xxx.xxx.82

2026-04-05 12:34

[#6] 鉛芯筆定撳芯筆？大西北街坊：由細到大都叫「撳芯筆」
讀書時多數叫零點五鉛芯筆。
因為多數買 0.5筆芯，小部份同學買 0.3，因為當時 0.3貴好多，又容易斷，所以最常用係 0.5筆芯。
至於撳芯筆...真係第一次聽！！！

CodyChan

正式會員
119.xxx.xxx.157

2026-04-05 12:41

[#7] 鉛芯筆定撳芯筆？大西北街坊：由細到大都叫「撳芯筆」
冇乜出奇，以前讀書時多數用「衹是」，原來「只是」才正字。

trioandthree

會員
59.xxx.xxx.154

2026-04-05 13:31

[#8] 鉛芯筆定撳芯筆?大西北街坊：由細到大都叫「撳芯筆」
小學四年級開始交功課規定用墨水筆或原子筆，前者去國貨公司買亦用過，英雄牌，但墨水唔會用英雄牌，用美國牌子Parker ，因為唔塞筆管，Parker 筆唔係唔想用，貴啲，Cross ，犀飛亦係。

原子筆最多人用日本斑馬牌，經濟，筆桿長但芯短其實搵笨七，但勝在支芯可換。另一流行牌叫拜路 Biro 就係而家呢條題講嘅「撳」得，可縮支芯入去筆桿嘅原子筆，但唔係鉛芯筆，我只係講係「撳」得。

小學雞選用Parker, Cross 或犀飛利比較少，因為容易唔見。

成個中學及以後階段冇乜用鉛筆或者鉛芯筆，所以都冇乜意見。

反而出嚟做嘢之後嗰時都未全部用電腦好多時要起草嘢咁就反而用鉛筆比較多，一起過刨10支8支鉛筆，聽住電刨筆機嘅聲都幾痛快，之後叫個秘書刨好似好串，先至開始用鉛芯筆。

「撳」芯筆而家至聽到，用鉛芯筆都係撳吓撳吓啲移落去筆嘴，但用「撳」去描寫真係第一次見到！

degalle

會員
125.xxx.xxx.149

2026-04-05 13:58

[#9] 鉛芯筆定撳芯筆?大西北街坊：由細到大都叫「撳芯筆」
鉛芯筆／鉛筆多數填踎啲煲啋用，鉛芯筆喺香港有售嘅通常太幼，最多去到 0.7, 有都唔易搵！

記得當年係用施德樓或 Venus, 施德樓仲有分黃／黑同埋藍色筆桿兩款！

撳芯筆？未聽過！

最後修改時間: 2026-04-05 14:12:13

Ming Sir

正式會員
185.xxx.xxx.121

2026-04-05 14:09

[#10] 鉛芯筆定撳芯筆?大西北街坊：由細到大都叫「撳芯筆」
鉛芯筆用pilot, 喜用2H ，較硬，冇HB 咁易寫寫下斷，但又有色，再高睇唔到^_^

degalle

會員
14.xxx.xxx.110

2026-04-05 14:24