談天說地主旨 ﹝請按主旨作出回應﹞ 寄件者 傳送日期 由舊至新 由新至舊
[#1] 【陳同佳案】小英面前,林鄭北京一敗塗地    
【陳同佳案】小英面前,林鄭北京 一敗塗地

2020/10/26

陳同佳要入台,邊個先係話得事?

蔡英文花名叫做暴力小英,港人又真係太唔了解台灣政情。呢個外號當然唔係浪得虛名啦。名副其實狠角色嘛。

就睇呢場外交角力,香港同北京輸到底褲都冇得剩呀。邊個先至話得事? 而家變咗只有台北話得事,相信北京會好想加埋「尋釁滋事」 呢條刑法落香港,以求耳根清靜。

舊年已經寫咗文章,大家冇睇就當然唔明白啦 ── 小英上台當日,已經靜雞雞著手修改刑事條例,將 「司法互助」 列入 「國對國」 級數嘅平等地位處理。之所以咁理直氣壯唔俾個殺人犯用自由行身份入台,就係咁解: 通輯犯就只有刑事拘捕,冇權自由入台。而所謂刑事拘捕,係由台方人員由外地警方協助,針對特定範圍工作,在外地執法,標準按國際刑警規格。

2009年,北京同台灣已經簽咗《海峽兩岸共同打擊犯罪及司法互助協議》,當中包括刑事疑犯處理。不過呢個協議,係非官方組織簽訂,唔係國際主權範疇嘅條約、台灣唔算喪失主權。但係海基會總算係合法通道。

2018年,台灣立法院最終三讀通過《國際刑事司法互助法》,正式確立,有關互助請求,必須經外交部與法務部跟進。只係既有嘅兩岸互助協議除外。

於是司法互助就變成.......港府必須接受台灣同任何其他主權國一樣嘅法理地位。即係法理台獨。

因此先前港府立法將港人送中,就係想卸番個波俾北京,由北京通過兩岸另一條通道進行引渡。所謂送中法案,就係咁嚟嘅。

不過對住香港,台灣都一早講咗唔會包括在內,因為香港明確有《基本法》講明不屬中國大陸司法管轄範圍。海基會並不涉及香港工作。台灣對港工作,沿襲97前對英國標準。法律上,台灣唔當香港係中國,呢個係一國兩制司法獨立嘅原則。

大家明白未呀? 台灣根本唔會承認中華人民共和國同佢係一個中國吖嘛。話之你點搞吖。北京就好恨將台灣納入一個中國,於是有啲擦鞋仔竟然認為機不可失、盡快老屈一個一國兩制俾台灣。咁台灣當你係傻仔之嘛。

即使係北京出埋飛彈,台灣啋你都傻,總之外交問題外交解決。除非你自己拆咗香港一國兩制.......又有人傻到真係咁做喎????

結果反而係全球多國開始將香港剔出引渡協議,即係調番轉頭,台灣唔係逃犯天堂,香港先至係。對住咁嘅情況,個 「逃犯」 當然就最好留喺香港啦,直頭係生招牌,台灣都費事解釋咁多。

相反,台灣只係低調接收香港逃犯,仲擺明係政治犯。而家香港除咗係逃犯天堂,仲係政治犯同難民輸出地。

咁你話,香港同北京,係唔係輸到底褲都冇吖?

蕭少滔
資深投資銀行家,中文大學辯論隊首席顧問,書籍《世代之戰》、《全球有租收》作者,主持網上節目包括《決戰中環》、《亂世攬炒》等。
======================================================

一文睇清楚哂。
bankguy
個人訊息 會員
182.xxx.xxx.55
2020-10-26 20:18
[#2] 【陳同佳案】小英面前,林鄭北京一敗塗地    
>因此先前港府立法將港人送中,就係想卸番個波俾北京,由北京通過兩岸另一條通道進行引渡。所謂送中法案,就係咁嚟嘅。

絕對唔認同呢句.... 筆者講到好似真係想處理雙邊引渡.. 你睇返今日就知, 陳同佳什麼都不是, 只係隻棋. 而家已捉到殘局.. 呢隻卒已經冇用.

退一萬步, 就算逃犯條例傾得成, 大陸係陳同佳案冇角色, 點比個波俾北京,由北京通過兩岸另一條通道進行引渡? 真係唔用腦. 台灣亦講明, 逃犯條例通過更加唔會收陳同佳. 因為有原則性問題.

成件事初心, 就係想搵個缺口將在港既人送返大陸 (唔駛等係公海先捉人), 同埋順便逼台灣係一個中國法律框架下移交. 仲要唔係各自表述果隻.
mcdull
個人訊息 正式會員
58.xxx.xxx.61
2020-10-27 11:04
[#3] 【陳同佳案】小英面前,林鄭北京一敗塗地    
絕對唔認同呢句 x2

佢都係諗得太正路,用咗"香港正常人"的思維去諗大陸,我怕見到尼啲人。
Joeyd
個人訊息 會員
138.xxx.xxx.91
2020-10-27 11:11
[#4] 【陳同佳案】小英面前,林鄭北京一敗塗地    
絕對唔認同呢句x3

呢個係港府嘅初心,這說法直頭是在明駡暗幫。
天富仔
個人訊息 會員
14.xxx.xxx.215
2020-10-27 11:29
按照傳送日期顯示:由舊至新由舊至新  由新至舊由新至舊
最新資訊 - 影音
延續經典造型,McIntosh 推出全新 MCD85 CD / SACD 唱機 2021-03-02

最新資訊 - 影音
釋出最純淨音質 - OCTAVE Filter 3-P 訊號濾波器 2021-03-02

最新資訊 - 影音
復古風潮,McIntosh 推出全新真空管耳機放大器 MHA200 2021-03-01

最新資訊 - 影音
金光閃閃,Astell&Kern 推出限量版 SA700 Vegas Gold 便攜式播放機 2021-02-28