給發燒的你...

金融海嘯, 變種流感, 爭產挖窿, 同今年嘅視聽展唔應該扯上任何關係 ...

因為呢一個咁特別嘅日子係我地每個”音響”或者”音樂”發燒友等左成年, 終於等倒嘅”共聚天倫日”. 我地明白到, 作為發燒友心中嗰團永不熄滅(但又不敢張揚)嘅熊熊烈火, 我地明白到, 無論環境如何, 你都好希望响呢幾日同其他發燒友湊湊熱鬧, 先比肩接踵一番, 繼而開開心心咁抱住大堆”戰利品”回家細意品嚐. 因此, 今年我地特別作出以下安排:

1. 响 Hall 3 租用左一個更大嘅展位, 讓更多發燒友可以分享發燒心得, 輕鬆選購心頭好
2. 响現場推出你期待以久嘅優惠, 務必為你帶來多重驚喜
3. 為你精心挑選及制作”絲綢之路 - 2009 香港高級視聽展特設網頁”, 讓你優先瀏覽及試聽各款矚目新品或經典天碟 (請選擇左邊”推薦音樂類別"瀏覽)

所以, 我地已經準備好架喇, 正所謂: 水往水裡去, 火往火裏去, 咁你今年... 去唔去? G04 展位, 到時見 !

絲綢之路 Webmaster 

07-Jul-2009

p.s. 再次多謝你响過去一年對我地網站嘅支持, 令我地由舊年平均每月 40,000 頁次瀏覽紀錄攀升到現在近 70,000 頁次超過 70% 嘅增長, 對我地實在係一個大大大嘅鼓勵, 感激不盡!