| 影音軟件主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#41] 鼓動心弦 個人感覺，曲目動聽情度，鼓動勝！音效就兩碟一様，各樂器的能量感充沛，撥弦丶吹奏、敲擊聲音穿透力強，十分爽快過癮！ |
hkcyli 正式會員14.xxx.xxx.209 |
2016-07-13 22:50 | |
|
|
|||
| [#42] 鼓動心弦 鼓舞心絃 |
V.C 正式會員 61.xxx.xxx.44 |
2016-07-14 09:39 |
| [#43] 鼓動心弦 發現有一個現象，＂鼓舞心弦＂中的中國大鼓，鼓皮明顯比較鬆，敲打出來的聲音無咁肉緊，＂鼓動＂就下下到肉，力量感過癮D。 |
hkcyli 正式會員 14.xxx.xxx.245 |
2016-07-14 10:12 |
| [#44] 鼓動心弦 傳統制鼓皮音色會因敲打的位置與天氣和濕度差異而起變化.係真皮鼓無得改變的事實. 最後修改時間: 2016-07-14 10:30:10 |
V.C 正式會員 61.xxx.xxx.44 |
2016-07-14 10:24 |
| [#45] 鼓動心弦 多謝VC兄！ |
hkcyli 正式會員 14.xxx.xxx.245 |
2016-07-14 14:05 |
| [#46] 鼓動心弦 多謝 hkcyli兄收睇就真,你真客氣. |
V.C 正式會員 61.xxx.xxx.44 |
2016-07-14 20:56 |
| [#47] 鼓動心弦 學到野自然要多謝啦！=） |
hkcyli 正式會員 14.xxx.xxx.245 |
2016-07-14 22:46 |
[#48] 鼓動心弦  |
lym 正式會員 218.xxx.xxx.205 |
2016-07-17 17:59 |
| [#49] 鼓動心弦 「鼓動心弦」及「鼓舞心弦」都曾經聽過，隻碟錄音確是非常靚聲，但啲曲目始終唔係太啱自己杯茶，所以冇買到 借一借呢度介紹以下自己常聽嘅「鼓」CDs 左上鬼太鼓入面嘅「富嶽百景」及「弓x浜」 右上絳州大鼓裡「秦王點兵」 下面天下第一鼓中的「鼓詩」 全部幾首入面個鼓都係好「抽」得，曲嘅旋律都叫做幾好聽，有啲變化唔會太悶，首首都幾考機，算係大棚鼓樂，除了鼓，首曲嘅能量感都好大下，尤其對個低音單元要求，係「大動作」時是否能頂得住，唔boom，唔拍邊，能夠盡量開得大音量嚟播呢幾首，真係會幾好feel架  最後修改時間: 2016-07-17 18:26:39 |
ccli1996 正式會員 1.xxx.xxx.84 |
2016-07-17 18:12 |
| [#50] 鼓動心弦 Ccli1996兄，真係有比較才有意思，小弟一向討論碟，集中在音效録音表現方面，取其聲樂的客觀標準。個人音樂喜好，就更加困難有統一標準，好難有討論的共識。 ＂炎黃第一鼓＂的錄音師和錄音場地，都和＂鼓動＂、＂鼓舞＂一樣，水準保持一致，以聲音丶現場的立場像真重現為標準，的確係天碟中的天碟！ 另外兩碟，小弟未有機會見識，加入留意名單之列！=D 最後修改時間: 2016-07-17 20:00:47 |
hkcyli 正式會員 14.xxx.xxx.16 |
2016-07-17 19:59 |
| [#51] 鼓動心弦 頭版"富獄百景", 纸套包装,Yen3045  |
victorlee8920 正式會員 119.xxx.xxx.230 |
2016-07-17 22:04 |
| [#52] 鼓動心弦 "三國幻想曲"很正  |
victorlee8920 正式會員 119.xxx.xxx.230 |
2016-07-17 22:05 |
| [#53] 鼓動心弦 "伝説"是live的, 在二處不同地方表演錄音, 其中笫一首"大太鼓"的鼓很勁, 我的音响组合應付唔到.  |
victorlee8920 正式會員 119.xxx.xxx.230 |
2016-07-17 22:11 |
| [#54] 鼓動心弦 吹下太鼓，先聲明，播唔電！主要係超低頻欠奉，中小鼓的能量感和穿透力不夠，到喉唔到肺。 估計原因有二： 1）小弟對喇叭45Hz以下無鳥到 （低頻欠奏）； 2）遠mic大hall錄音，鼓聲造成的堂音和迴音收錄得好出色，音場闊大，舞台深度驚人，但是聲音量感減弱。例如，第三首-弓x浜，大鼓不斷抽撃，鼓皮非常之鬆，有明顕量感力度，但衝擊力不足，整個鼓音欠飽滿，此現象近似＂鼓舞心弦＂的中國大鼓表現。再聽返＂鼓動心弦＂，大鼓表現實在好多！ 或者各位師兄有另一番見解，歡迎分享。  |
hkcyli 正式會員 14.xxx.xxx.16 |
2016-07-17 23:27 |
| [#55] 鼓動心弦 Cyli兄， #50 好同意，個人音樂喜好是很難攞出嚟，多人一起討論或分享，畢竟大家口味不盡相同，也沒有客觀準則，所以我非常同意師兄分享嘅兩隻「鼓動」及「鼓舞」CD，都確實係靚嘅錄音天碟 鬼太鼓碟都係用嚟試機多，入面嘅音樂其實，試多幾次，聽多幾次，都會覺得有啲單調，我只得兩隻鬼太鼓CDs，一隻係「富嶽百景」，另一隻是決定版如圖 講番首「富嶽百景」，算是聽了咁多首鬼太鼓曲目中，覺得最豐富，最有音樂感，又最多變化嘅一隻太鼓音樂了，此曲去到中間處，有一下是衆鼓齊發齊打嘅一刻，果下啲低頻係深潛得好厲害，我覺得唔似真鼓聲可以發到出嚟，似係錄音室後期加上去嘅誇張效果，以前用單Amp推2路座地喇叭係唔多覺，但用咗Bi-amp去推而家對3路座地喇叭後，就發覺呢一下低頻，是可以從喇叭擁埋嚟你度，跟住再擁番去喇叭後方遠處，啲低頻感是可以填滿聽緊嘅空間，果種音效都幾驚人，令你印象深刻，所以都想分享一下，唔知有冇其他師兄聽過，有同感呢！ 弓X浜，就純粹係狂抽個大太鼓，聽下個鼓皮不斷被重擊而發出連綿強烈的振動餘韻，都真係幾好feel，但又實在係非常考驗後級嘅力水及喇叭個低音單元能耐了，不過借用呢啲碟來「逼」自己去改善套音響系統(正如小弟咁)，都係幾好嘅推動力嚟架(其實係俾自己一個借口啫) Victorlee兄， 我隻決定版入面也有「大太鼓」及「三國幻想曲」，可能錄音版本不同，感覺上呢兩首曲裡個鼓唔係咁難播喎，應該「富嶽百景」入面隻「弓X浜」仲難播啲 另外你果隻首版「富嶽百景」應該係97年出版，而我果隻當年買嘅時候，記得都係有白色紙盒外套裝住的，不過就係99年嘅再版碟  最後修改時間: 2016-07-18 00:44:19 |
ccli1996 正式會員 1.xxx.xxx.84 |
2016-07-18 00:33 |
| [#56] 鼓動心弦 ccli1996兄， 小弟就係懷疑隻碟，本身制作唔電－過份動態壓縮，容易播（大太鼓丶三國幻想曲丶弓㐅浜都輕易播到，一曲到尾大音壓無爆位)，但就能量感嚴重不足，所謂到喉唔到肺，唔電！對比之下，＂鼓動心弦＂就飽滿力感強橫，一聽觸電！ victor師兄隻碟播唔電（爆音？？），可能係好野泥！？ 鬼太鼓我只有一隻，無從比較/引正以上懷疑。 |
hkcyli 正式會員 14.xxx.xxx.158 |
2016-07-18 10:32 |
| [#57] 鼓動心弦 Hkcyli兄, 我覺得呢類鼓樂，尤其是鬼太鼓之類，都係屬於偏重低音多嘅曲目，播出嚟會爆音嘅機會唔會太大，反而播出嚟個能量感是否足夠，及出嚟嘅低頻是否能填滿聆聽嘅個地方，我覺得反而會係關鍵，因為鬼太鼓出嚟果啲低頻，可能跟中國鼓唔太一樣，擊打鼓後個鼓皮振動餘韻都頗長，在大音量時是否重現出連心口都能感受到鼓皮振動餘韻嘅暗勁，但同時又唔會Boom，哈哈，係咪吹得好誇張呢，請見諒！ 最後修改時間: 2016-07-18 18:56:04 |
ccli1996 正式會員 182.xxx.xxx.85 |
2016-07-18 18:45 |
| [#58] 鼓動心弦 一般家聽組合，我諗去到50Hz左右應該收工。都係聽感覺。屋企如果真係出到，我諗未聽完一兩cut已比人投訴。 雖然日光日白你可以話玩對抗，但隔離左右都吾好啦，吾係變觀龍樓。 最後修改時間: 2016-07-18 20:02:10 |
lym 正式會員 218.xxx.xxx.205 |
2016-07-18 20:00 |
| [#59] 鼓動心弦 完全明白，可以想像得到超低頻充足時的弓x浜，連綿不斷的迴響係咩過癮情況！ 玩HiFi就是取捨的遊戲，不可以輕言換系統。只因，現系統雖然超低頻不足，但音色迷人，小提琴丶鋼琴等的真實樂器音色百聽不厭。所以，鬼太鼓座，真係投降！ 要過敲擊樂癮，除＂鼓動＂和＂鼓舞＂外，new age music亦有好選擇。例如附圖呢張！音色丶動態丶舞台立體感丶樂曲編排，一流！好野！  |
hkcyli 正式會員 14.xxx.xxx.158 |
2016-07-18 21:25 |
| [#60] 鼓動心弦 lym師兄所言甚是，聽呢啲太鼓音樂，真係要事先關好門窗，以免給隔離鄰舍投訴 不過話說回來，點解咁麻煩都要咁聽呢？就係因為個咁大嘅太鼓，它能發出嘅頻率範圍好有限，鼓能發出嘅旋律就真係有限公司，但佢嘅賣點就只有敲打嘅韻率，節奏及其強項之低頻能量感，還有大太鼓獨有嘅鼓皮長時間嘅振動餘韻，如聽唔到擊打大太鼓所產生出這些其獨有嘅聲音特點，一定會有若有所失嘅感覺，聆聽時會好難入到局，更加唔會覺得呢啲鼓樂聲吸引吧了，所以當聽鬼太鼓時，小弟唯有努力去改善套系統，期望能聽多些少這些大太鼓獨有嘅低頻聲音了。 還有，如聽得到鬼太鼓嘅低頻，連帶播放管風琴嘅音樂也一併可以改善的 最後修改時間: 2016-07-18 21:49:08 |
ccli1996 正式會員 1.xxx.xxx.84 |
2016-07-18 21:28 |
