| 影音軟件主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#101] 鼓動心弦 這隻應該大家都會有，臨場和音樂感很好，鼓和敲擊樂亦很豐富，動態凸出。  |
lym 正式會員219.xxx.xxx.153 |
2016-07-23 13:09 | |
|
|
|||
| [#102] 鼓動心弦 雨果制作有水準保證，咁多年來只奶過一隻野，又咁啱係隻鼓樂泥。 ＂小刀會＂小弟只有雨果精選內其中一首，首段到尾果下大鼓，幾蝦系統。精彩！ 最後修改時間: 2016-07-23 23:24:33 |
hkcyli 正式會員 14.xxx.xxx.76 |
2016-07-23 23:23 |
| [#103] 鼓動心弦 我又係只有雨果金碟一，入面首「小刀會」，第一次聽時，那開場引子令我諗起粵語武俠長片入面嘅經典配樂，此配樂一出，通常都係大場面嚟啦！是主角要使用武功絕招來打敗對手嘅時候了，哈哈！ 同意開首果下大鼓聲，音效真係幾震撼，唔係咁易播得好 |
ccli1996 正式會員 182.xxx.xxx.104 |
2016-07-24 09:49 |
| [#104] 鼓動心弦 ＂小刀會＂全碟曲目都十分通俗易聽，演出亦十分澎湃熱情，值得買來聽。 |
lym 正式會員 219.xxx.xxx.153 |
2016-07-24 10:53 |
| [#105] 鼓動心弦 多謝推介！發掘更好聲軟件，係玩HiFI享受音樂的一大樂趣。希望各路英雄多多分享，個人資源本來就有限，應該集中在好野方面，系統如是，軟件更重要。 |
hkcyli 正式會員 14.xxx.xxx.221 |
2016-07-24 11:36 |
| [#106] 鼓動心弦 又吹下。 音樂CD制作，可以歸納二大理念。（1）美聲 vs （2）真聲 美聲 - 修飾原音(eg, 人聲修正）丶甚至加料（eg. 人工迴響) 真聲 - 力求還原真聲 （eg. 小提琴聲，最高標準就是小提琴本身的聲） 所以，如果buy真聲一套理念，無論系統咩價，最高標準就是發出真聲，不會/不應該出現比現實的小提琴更好的聲。 反而，美聲的標準非常可能係無止境，向向偏向個人喜好化了。 小弟家中有兩個訊源，一個玩真聲（高清取向），一個玩美聲（模擬取向），臨時未發現可以互相取替的可能。 |
hkcyli 正式會員 14.xxx.xxx.221 |
2016-07-24 12:13 |
| [#107] 鼓動心弦 大家多分享是玩HiFi樂趣之一 我又吹下先 CD制作，我估現實裡，都是夾雜著「真聲」及「美聲」在一起，只是睇下當時嘅制作，會選擇偏向那一面多一點去表達 如講小提琴聲，到目前為止，我聽過嘅(只能夠遠距離)現場小提琴「真聲」，我覺得是不夠「美」的，空氣感，微動態之類，現場遠距離都聽不到(可能我聽力差)，論「美聲」，始終都不及由貴價靚聲系統，從CD或黑膠(或其他媒體)播放出來，收錄嘅小提聲，但我自己就覺得果啲聲唔夠「真」，因為係「靚/美」過真聲，唔知大家有冇同感呢？ 有咁嘅聽感，我覺得會是因為制作小提琴錄音時嘅收音距離比起正常現實聽者嘅距離會近好多，所以支咪「聽」到嘅嘢，會比我哋隻耳聽(錄)多咗好多細節，混音師再按他們嘅意願調節呢啲「多咗」出嚟嘅聲音後，擺入CD裡，就係我哋能聽到由CD播放出來的小提琴聲「版本」，由於現實由耳仔聽嘅「真聲」，跟本「少」咗好多嘢，咁多咗出嚟錄音細節聲音，就可按各人嘅口味及喜好(因為跟本冇「真」實可聽到嘅「聲」去做比較)，去評定是否夠「真」，夠「美」了 最後修改時間: 2016-07-24 13:48:57 |
ccli1996 正式會員 182.xxx.xxx.104 |
2016-07-24 13:20 |
| [#108] 鼓動心弦 完全無衝突喎。真，就是現場發聲而成的真聲音。 最好的古典音樂演奏，就是各聲部，按照樂譜去演奏，互動對比襯托的成果，非原曲指定的突出或缺失一個聲部，為之失真。當中有演奏失真（冇食飯，拉唔出足夠音量）丶現場聆聽位置失真，錄音丶後制和重播失真。 現場聽唔到一把小提琴聲部（位置失真），用錄音咪彌補這一聲部（仍是建基於實在有這一聲部），仍然是反映真實現場的整體樂團的其中之一聲部。但是，錄音/後制突出了這一聲部（比其他聲部更突出），就是制作失真而求美聲的取向了。（eg, Philps 的西貝流士小協的小提琴） 音樂廳位置有皇帝區域，甚至皇帝位，即最佳聆聽位置，可聽到最平衡最豐富（不會個別聲部突出或缺失）的訊息量，皇帝區越大，甚至非皇帝區，可聽訊息量平衡度亦高，就是更好的音樂廳。 能夠平衡地録下整隊樂團演奏的舞台立體定位現場，就是真聲的取向。力求把音樂廳的皇帝位，帶到家居。 |
hkcyli 正式會員 14.xxx.xxx.221 |
2016-07-24 14:49 |
| [#109] 鼓動心弦 其實我想帶出嘅係，CD制作嘅部分出嘅聲是「真」啲，定係「美」啲，發燒友冇得控制，只有得揀買唔買，而發燒友套音響系統要負責嘅，只是要忠實地還原擺咗係CD入面，加入了錄音及混音師調整後想要整體表達出嚟嘅聲，如果係加咗味，「美」咗，咁套音響器材重播出嚟，都要係「美」咗嘅聲，咁如果錄音/混音師係想保持多啲原味，即係要「真」啲，咁套音響器材重播出嚟，都要係「真」啲嘅聲，咁套器材先至叫做「高道傳真」 但普通發燒友好難知錄/混音師擺係CD裡嘅「原來」聲究竟會是怎樣嘅聲，而我認為要用嚟比較音響系統重播出來嘅聲，應該係這CD裡擺入嘅「原來」聲是比較合適，但這樣「原來」聲又好似沒有絕對標準(因為真係好難知究竟擺咗係入面真真實嘅CD聲係點)，既然有啲地方唔係咁知道個真相，所以玩音響就是可以讓不同人，按自己對聲音嘅個別喜好，有這麼多變化和樂趣了，喜歡專注「美」聲得，喜歡專注「真」聲亦得，齊齊玩得開心就very good啦！ 最後修改時間: 2016-07-24 15:14:29 |
ccli1996 正式會員 182.xxx.xxx.8 |
2016-07-24 15:10 |
| [#110] 鼓動心弦 ＂美＂不一定＂真＂，＂真＂不一定＂美＂，＂真＂的卻假不了。 @@" |
hkcyli 正式會員 14.xxx.xxx.221 |
2016-07-24 17:55 |
| [#111] 鼓動心弦 喜歡「美」聲嘅師兄，可能嫌擺咗係播放媒體入面嘅聲音版本唔夠「美」，會再要求套音響器材能夠把播放出來嘅聲，「變」得更「美」 如喜歡「真」聲嘅師兄(如樓主)，咁對套音器材嘅要求，通常都係要比較「忠實」或「中性」至得 正所謂百貨配百客 利申，我嘅喜好都係要「真聲」多過「美聲」 |
ccli1996 正式會員 1.xxx.xxx.84 |
2016-07-24 19:05 |
| [#112] 鼓動心弦 ＂真＂論只侷限於古典和中樂。寫清楚準則，希望所謂正碟不會各説各話。 |
hkcyli 正式會員 14.xxx.xxx.221 |
2016-07-24 20:32 |
| [#113] 鼓動心弦 同意「真」係古典及中樂裡是非常重要的,估計原因是較多人能在現場演奏會聽得到其「真聲」,所以係錄音時加料「做假」會容易給人發覺,咁就未必人人可以接受此「失真」嘅「靚聲」,忠於原本會比較容易受古典及中樂迷所接受 其他類別嘅音樂(如純錄音室制作)就相對較難聽到其「真聲」,即使去聽現場演奏(例如Pop Concert),除了古典及中樂(唔肯定Live Jazz是否一樣可聽到真聲?),聽到嘅都會是經過現場音響器材處理後嘅「真聲」,在唔係咁知道原本嘅「真聲」應該會係點嘅情況下,加啲味道入去錄音裡,令到啲聲聽起嚟更悅耳,都未嘗唔係一個可令到大家受落,又可會聽得更開心嘅做法 最後修改時間: 2016-07-25 00:28:50 |
ccli1996 正式會員 1.xxx.xxx.84 |
2016-07-25 00:24 |
| [#114] 鼓動心弦 不深究真或美。聽下真的現場總是件好事，香港現場聽古典不難，多聽有益，就算聽港樂都好享受。吾好少看人的記憶，你聽過就有永完的印像，難以欺騙，所以數碼仍未能完全征服模擬。 介紹這隻彩羽毛，是比較近代少少的古典小品。吾係咩發燒碟，但演錄皆吾錯。有時碟吾使好刺激，能令你重覆久不久就想播來聽的更難得。不過這隻首版於膠和CD時代交界，應該好難再買到，或者已再版或輯錄。  |
lym 正式會員 219.xxx.xxx.153 |
2016-07-27 21:18 |
| [#115] 鼓動心弦 lym兄， 多謝分享CD和容忍小弟膠論連編。=D ＂真＂和＂美＂可以相互交融，想必是音樂欣賞的至高境界。 |
hkcyli 正式會員 14.xxx.xxx.253 |
2016-07-27 22:52 |
| [#116] 鼓動心弦 終於比我搵到！！成支管弦樂團合奏，場面空間更闊大，各大鼓的定位立體感真的一樣。而且能量充沛，在遠後方的大鼓，清楚感覺到敲打鼓皮鼓邊的能量感，各鼓聲由遠至近的擴散開來。 極接近上年在街頭現場，聽太鼓的經驗感覺了。分別只是，這CD的錄制場地是室內，多了空間的迴響而已。 鼓動心弦，是精彩像真的大型錄音室作品。 這碟就是音樂廳的鼓樂示範作品，如臨現場！  |
hkcyli 正式會員 14.xxx.xxx.4 |
2016-07-28 09:04 |
| [#117] 鼓動心弦 My beloved CDs  最後修改時間: 2016-07-29 22:31:41 |
cheongjj 正式會員 1.xxx.xxx.41 |
2016-07-29 22:30 |
| [#118] 鼓動心弦 ALso these  |
cheongjj 正式會員 1.xxx.xxx.41 |
2016-07-29 22:35 |
| [#119] 鼓動心弦 And these  |
cheongjj 正式會員 1.xxx.xxx.41 |
2016-07-29 22:44 |
| [#120] 鼓動心弦 Cheongjj兄， 請問#118白色SACD嗰隻係咩好嘢嚟㗎 |
JBJim 正式會員 61.xxx.xxx.29 |
2016-07-30 00:27 |
