影音軟件主旨 ﹝請按主旨作出回應﹞ | 寄件者 | 傳送日期 |
[#1] 互動和弦 - HIFI 賞識 這張CD有沒有得賣我就唔清楚,因為寫著"非賣品",應該係sampler CD果類碟,係朋友有多一張送比我的,頭頭都抱著係大陸CD,都係果類數碼聲貨品啦,開聲第一首竟然係鬼佬唱英文歌,但係個melody就好鬼熟,聽耐D,原來係"張國榮-為你鍾情"的英文版,係香港 band sound叔父背Anders Nelsson填詞主唱,風格介乎民謠與jazz之間,都幾搞野,曲詞及演唱都來得很有水準。接著第二首係色士風吹奏香港名曲 "獅子山下" 一位叫Andrew Oh鬼佬吹的,但係估唔到鬼佬吹中國歌曲都吹得咁有歌曲裡的神髓,難得!錄音仲非常好。第4首係我地這代上了年紀而無人不懂的粵語片的小提琴配樂 - 好慘!好慘!嘔血時果首配樂呢!?跟著介紹第6首係中樂合奏的叫"知音",這首歌動聽不在話下,HI FI定位感仲一流。最後一音由各種樂器演奏劉家昌名曲"一簾幽夢",主音由笛聲吹奏,樂曲哀怨動人,音色更加是一絕! 全碟聽完後,除了歌曲首首動聽外,最重要係錄音錄得非常好,無大陸CD的數碼味,此碟值得向大家推薦。 Tracks: 1.為你鍾情(英語人聲) 2.獅子山下(色士風) 3.月光少女(女聲合唱) 4.沉思(小提琴) 5.海(男聲) 6.知音(中樂四重奏) 7.一簾幽夢(多種樂器) |
bingbing 正式會員 219.xxx.xxx.141 |
2006-09-29 17:53 | |
|
[#2] 互動和弦 - HIFI 賞識 I got one in the Kln hifi show for free, recording quite good, some surprise as I first think it is a karaoke music from the title 互動和弦 |
SHFriend 正式會員 221.xxx.xxx.160 |
2006-12-02 02:37 |
按照傳送日期顯示:由舊至新 由新至舊 |